АҚШдаги коллеж ва университетларга кириш бўйича баъзи маслаҳатлар:▪️ Ҳужжатларни тўплашни ва университетга кириш учун ариза беришни олдинроқ бошланг. Шаҳодатнома ёки Диплом олишни кутманг. 11-синфда ёки охирги курсда ўқиб турган пайтингизда ариза топшираверинг. Бу пайт якуний академик ҳужжатларингизнинг ўрнига, агар мактабда ўқиётган бўлсангиз, охирги 2-3 йиллик якуний баҳоларни ёки олий ўқув юртида ўқиётган бўлсангиз, расмий Академик маълумотномани топшириш мумкин.

▪️ Ўқиш учун қанча пул ажрата олишингизни ҳисоб-китоб қилинг. Маблағингиз чекланган бўлса, етмаётган қисмини АҚШда ишлаш орқали топишим мумкин деб ўйламанг. Қўшимча пул ишлаш ҳуқуқига эга бўласиз, лекин Америкага етиб келишингиз биланоқ иш бошламай туришни қатъий маслаҳат берамиз! Аввало, ўқишни бошланг, янги ҳаётга кўникиб олинг, янги ижтимоий ҳаётнинг паст-баландини ўрганинг, академик муваффақиятларингизни кўрсатинг ва шундан кейингина ярим кунлик иш қидиришни бошланг.

▪️ Агар сиз бакалаврга ўқишга кирмоқчи бўлсангиз, бирданига ўқишга киришга шошилманг. Муҳим кўникмаларига эга бўлиш, академик инглиз тили даражасини оширишга ёрдам берадиган кўплаб тайёргарлик дастурлари мавжуд. Кўпинча бундай тайёргарлик дастурлари университет қошида ташкил этилади. Тайёрлов дастури шундай тузилганки, унда ўқишни тугатгандан сўнг, чет эллик талабалар 1 йил вақтини йўқотмасдан дарҳол бакалавриатнинг иккинчи курсидан ўқишни давом эттиришлари мумкин.

▪️ Чет элда ўқишга қарор қилган бўлсангиз, инглиз тилига алоҳида эътибор беринг. Инглиз тилини тушунганингиз ва бироз гапира олишингиз, халқаро инглиз тили имтиҳонидан керакли балл тўплай оласиз дегани эмас! Америкадаги университетларга ҳужжат топширишда TOEFL ёки IELTS натижаларини кўрсатишингиз керак бўлади.

*? Telegram Instagram YouTube*