بعدني امشي بتوالي الليل
يا هسة وبعد هسة

بعدني امشي بدرب مجهول
ويا درب الحبيب شما بعد ونسة

- الگاطع

انأ قَصتي وياج قَصه
نكتبت بورقه قديمه وخط حزين
وأنا وين وأنتِ وين

راجع بطرك الحزن
خسران مدري انبعت
بس الجرح تذكار
راجع وطن من حرب
حزني أعلى كد الجثث
میت و ادور ثار

خلهن مو وكتهن خاطر احجيهن
يجيني الليل واكعد وانفرد بيهن
وافتح بابهن فتحه جناح الطير
وراويك الجروح الما مراويهن

ماعاجبك مضهري
لوحدنه گلي بستر
موتجي گبال الخلگ وتصيحلي اطور
هسه انت من تنجرح موگبلك اتعور
دگيت بابك بدي
واسمع اتگلهم علي
گلوله توه طلع مانعرف اخباره
وملگاك بالنسبه الي
لمن ارد من السفر وشتم العماره
بچيت واحد گبل تابوت ابو من اجه
طبگ بجيبه البجي
ولتهه بخطاره
گتلهم امن ابتسم يشتاگلي ويبتسم
وبكيف گلبي رحت
ماخذت شور العقل من گال مانصحك
ولو ادري ماراهنت
حسبالي دومك الي
شمدريني ماتضحك
من الجامع الحد هلي
ومومااحب السفر
عن لا ضل وحدك
ماعابر الديره
ولمن عفتني ورحت
لاجامع ولا هلي من السحر للخيره
گتلك اريدك عمر
مو وجهك اديره
حاول ترد لولي هسه
انته فوك المرض متحزم شرايد
خليني شي ثانوي وعاملني
مثل الطفل جويني اذا اعاند
بچيت وگتلك اسف وغله شي دمعي
ومشه بيه الندم حد ماخلص صبعي
جا غير انه لرفع حاجبي اعل الناس
تستفحل علي من ميزت طبعي

بوَكت الأفعال كلها بلايا نيأت
أجَيت بلا فَعل بس كلي نيه
حَرفين بحَرف رسمينه خنصير
مثل رسم ألحروف الأجنبية
گلتيلي السهم من تتركه يعيش
روحي تموت تَبقى تعَيش بيه
سَم ألحيه بَيها بلايا تأثير
بَس يَكتل ليضوگه بلايا حيه.

على ياساس؟ ابنج كاعد يناغي
وحبيبج ينكطع نسله
على ياساس؟ نص دينج كمل بعدي
وحبيبج ضيع القبله
وعلى ياساس عشتي بسرعه وتربين
واني الحاسبج طفله
ولو سامع ال ماريدك من لسانج
اتخطى واضن سهله
ولو راجع جنازه لبيتنه وممدود
ولا راجع بهل فشله
ولو شالع فصوص العين بجفوفي
ولا شايف ضحكتج ذيج بالحفله
مو تدرين اغار عليج من روحي
على ياساس بيده يلملم الكذله

مو من لواك الشتا
ومحد فزعلك غطه ضميتك بناري
چا توصل لمرحله تعيرني بسراري
گلت من اشبگك تحن
چا هيج تنكث أيدي
گلبك بعد بعته؟
رديتي بفشلتي مثل اليجي بلهفته
وما شايف عمر أمه بس فاگده
الذاكره وتگله ياهو انتَ

من اجيت وبيه ألم كل السنين
صدري ضمهن
هــي جانت وينها؟