“Jiyda guli” seriali suratga olinganiga 14 yil toʻldi. Loyiha oʻz vaqtining eng mashhur kinokartinasi boʻlgan.

2010-yilda har bir yangi qism efirga uzatilganda qoʻshni ayollar bir xonaga yigʻilib, televizor ovozini balandlatib qoʻyishardi.

Maqolada serial aktyorlari 14 yil ichida qanchalik oʻzgargani haqida soʻz boradi. Suratlarni ushbu havola orqali tomosha qilish mumkin.

@sayyoruzb

Oʻzbekistonning barcha hududlarida 15–25-avgust kunlari plogging aksiyasi oʻtkaziladi.

Tadbir Yoshlar ishlari agentligi hamda “Ekolog” jamoat birlashmasi hamkorligida tashkil etilmoqda.

Ushbu havola orqali chiqindi tozalash aksiyasi oʻtkaziladigan joylar bilan tanishib chiqish mumkin.

@sayyoruzb

Rejissyor Jeyms Kemeron Terminator haqida yangi film suratga oladi.

Ijodkor hozircha loyihaning boshqa tafsilotlarini maʼlum qila olmasligini aytgan.

Kemeron ayni paytda Avatarning navbatdagi qismini tasvirga olish ishlarini boshqarmoqda.

@sayyoruzb

“Daraxtlar ovozi” ekologik badiiy loyihasida ishtirok etish uchun arizalar qabuli boshlandi.

Loyiha daraxtlarni kesish va Oʻzbekistonda oʻsib borayotgan urbanizatsiya oqibatlari kabi dolzarb masalalarga badiiy javob yaratishga qaratilgan.

Unda oʻzlariga badiiy jamoa topish va badiiy mahoratini kengaytirishga intilayotgan samarqandlik yosh shoirlar, yozuvchilar, rassomlar va fotograflar ishtirok etishlari mumkin.

@sayyoruzb

Kuz mavsumida Toshkentda Xalqaro teatr festivali boʻlib oʻtadi.

Festivalning ochilishida 4-oktyabr kuni Oʻzbekiston milliy akademik drama teatrida rejissyor Aleksandr Marin tomonidan sahnalashtirilgan “Eynshteyn va Margarita” spektakli namoyish etiladi.

Festival dasturidan Toshkent teatrlarining “Afandining besh xotini”, Abdulla Qodiriy hikoyalari asosidagi “Adibni tinglang” va Hamza pyesasi asosida sahnalashtirilgan “Masxarabozlar ishi” spektakllari o‘rin olgan.

@sayyoruzb

Toshkent metropolitenining “Alisher Navoiy” va “Paxtakor” bekatlariga yangilangan navigatsion elementlar oʻrnatildi.

Yangilangan tizimda ilk marta chiqishlar raqamlandi. U butun peresadka uzelini qamrab oladi.

Shuningdek, dastlabki uchta liniyada odatiy ranglar saqlab qolingan — qizil, koʻk va yashil. Yangi — toʻrtinchi liniya esa oltin rangda boʻldi.

@sayyoruzb

FoodMallʼda 3–4-avgust kunlari “Teplo” mahalliy brendlar koʻrgazmasi boʻlib oʻtadi.

Tashrif buyuruvchilar 60 nafar ishtirokchining original mahsulotlarini tomosha qilishi mumkin boʻladi.

Suvenirlar, zargarlik buyumlari va kiyimlar xarid qilish mumkin. Tadbirga kirish bepul.

@sayyoruzb

Toshkent hayvonot bogʻida 5-avgust kuni koʻrgazmali oziqlantirish boʻlib oʻtadi.

Jarayonda kiperlar sher, ayiqlar va maymunlarni tomoshabinlar oldida ovqatlantiradi.

Bogʻga kirish uchun bilet narxi 25 ming soʻmdan boshlanadi.

@sayyoruzb

Konsta 12-oktyabr kuni “Alpomish” muz saroyida konsert beradi.

Dasturda Munisa Rizayeva, Lola, Dilnoz kabi xonandalar bilan ishlangan duetlar ham kuylanadi.

“Insonlar” deb nomlangan konsert chiptalari iTicket va Paymeʼda sotilmoqda. Bilet narxi 100 ming soʻmdan boshlanadi.

@sayyoruzb

Toshkentdagi Central Park (eski Telman) 90 yoshga toʻldi. Bogʻ maʼmuriyati shu munosabat bilan bayram dasturi tashkillashtirmoqda.

27–28-iyul kunlari bogʻga tashrif buyuruvchilar soat 18:00 dan boshlab turli qiziqarli oʻyinlar guvohiga aylanadi.

Shuningdek, kechki dasturda “Setora” guruhi, Tohir Sodiqov va Jenisbek Piyazov konsertlari oʻrin olgan. Tadbirga kirish bepul.

@sayyoruzb