زوار ابو سكينه هلا بطاريكم
قضاء الـمــدينه يرحب بيكم
اجيتو جيه حلوه ... دباتـو يمـنه فدوه
قضاء الـمــدينه يرحب بيكم
.....
يـله فـدوه تفـظلو شـرفـونه
حـته نـوگف كنه واتأمــرونه
مـستعد واحدنه يطي عـيونه
نحسكم عدنه سلوه ... بُعدكم يعني بلوه
قضاء الـمــدينه تره متانيكم
.....
گبل جـيــتـكم وصـط لولايه
ريحـه شـميـنه ولذيـذه هوايه
گـلنـه هـاي الـريــحه للمـشايه
اجيتو جيه تسوه ... دربكم بيكم اضوه
اعـگال المـدينه تبي تـخليكم
............
لـيله عـدنه باتـو وتـشــوفـونـه
اهل فـزعه وبالـكـرم عــرفـونه
يلي خدمـتـكم شــرف مــرونه
نحس بالخدمه نقوه ... نصدكم وحنه نروه
قضاء المدينه يحب رجليكم
............
هلا بـرايتكم هـلا بـخــطواتكم
هيبه جيتـكم هلا اشـمحلاتكم
يمشــي ويـاكم المهدي الزاتكم
ابهيده خطوه خطوه ... عطركم هيل وگهوه
خن شم عطركم الله اليـخليكم
............
لخادم اهل البيت عليهم السلام
الشاعر مؤيد العامري

صوت الرادود عمار الجمعاني

حترگت الخـيمه يبو فاضل تعال
اطــشرت ايــتامنـه والـحمل مال
────⊱◈◈ ● ◈◈⊰────
عالمخــيم صار يبـن امي الهجوم
شمر عالصيــوان هـــذا ضل يحوم
الگاع جوه اجـدامـهــم زلزلهه گوم
حـرگو الخـيمـه انتــهـظ رد للقـتال
────⊱◈◈ ● ◈◈⊰────
حــيل محـتاره تره الـمـوقف يشل
شـــردت الاطفال ماضــل اي طفل
تگوم لو مـتـگـوم رد يـابــو الفـضل
گوم احلـفك خويـه بالــعـز والدلال
────⊱◈◈ ● ◈◈⊰────
يله خـويه بــساع مــحـد ضل إلي
تنـتهض بـس گول حــيـــدر ياعلي
هـچـي وتـــرد لــيـــه ســــالم لولي
ومـنك اتفر كلهه اشــــــباه الرجال
────⊱◈◈ ● ◈◈⊰────
خويه شالو ســوطهم راح انظرب
خـويه ماتـگعد دمـــع عيني يصب
چـتفـو ايـديه گـــمـر خـويه غـرب
راح يسبونه يخــويه ودمعي سال
────⊱◈◈ ● ◈◈⊰────
خــويه الله ويـاك مــنـك اعــتـذر
خويه راح امشي سـبيه ويالشمر
لچـن گلبـي اعلــيك يـبـقـه منفطر
خــويـه ماانـــساك لا هــذا مـحال
────⊱◈◈ ● ◈◈⊰────
لخادم اهل البيت عليهم السلام
المستهل للرادود محمد راضي
والشاعر مؤيد العامري

ياقضاء الشهداء .. اسـتـعدو للعزاء
يهل المدينه النشامه
هيـبه الكم بالخدامه
─────⊱◈◈ ● ◈◈⊰─────
هـــذا العـــام شــدو احــــزام للعـــزاه يهل الزود
والمرحــوم ماننــــسـاه ســـــيد امــجـد الـرادود
يم ياسيـن اتعنه مفـتخر
بالمــجالس دومه ينـذكر
ويمصايب كربلاء .. اســتـعدو للعزاء
─────⊱◈◈ ● ◈◈⊰─────
صـبح وليل كون الـــحيل للـــخـدامه مــــشــدود
وبئيــمان نخـدم ريت خـــدمــــه مـاألهه احــدود
نخدم كون ابهمه وبعشگ
تحله هاي الخدمه بالـصدگ
لاتخدمون ابرياء .. اســتـعدو للعزاء
─────⊱◈◈ ● ◈◈⊰─────
بعض الناس ماكو احســاس يشرط يقره بفلوس
اصلاً عيب من حسين چنه اعله اجروحه ايدوس
اهل المـديـــنه كفو زلم
اهل دين ومعرفه وفهم
ما تصير ويالعداء .. اســتـعدو للعزاء
─────⊱◈◈ ● ◈◈⊰─────
اخــدم زيـن كـل مـاضـيـن عبد الزهره ويـاسين
يـالـرادود خـلك دوم مـخــلص من اجل حسين
الله يـنــظرلك تره وعلي
اصدگ ابهل خدمه تعتلي
يالمـديـنه بالوفاء .. اســتـعدو للعزاء
─────⊱◈◈ ● ◈◈⊰─────
لخادم اهل البيت عليهم السلام
الشاعر مؤيد العامـري

ابو اسكينه اوحيده كر .. چنه حيدر طرهه طـر
─────⊱◈◈ ● ◈◈⊰─────
رغم ضهره بفگد ابو الغيره انكسر
خله عدوانه بـرعب خـوف وخطر
حـته فوگ اعـله النـخل صعد وذر
والـسـلم مـنـعـنـده فـر .. چنه حيدر طرهه طـر
─────⊱◈◈ ● ◈◈⊰─────
نار كبره ابسـيـفـه مـن طب علعده
كسـر ارگـاب اوسـيوف اهـل الـرده
خـله قــادتــهـم جـثــث ومـســنـده
بالشـمس شـراهه شـر .. چنه حيدر طرهه طـر
─────⊱◈◈ ● ◈◈⊰─────
هــذا أبـن الـطلـگ الـدنــيـه الاســد
هـذا تـربـات الوصـي المــيـخاف ابد
ســيفـه بـاشـط بالـذبح يـبـشط بعد
ضاگو المر بس عبر .. چنه حيدر طرهه طـر
─────⊱◈◈ ● ◈◈⊰─────
ساعه سـوه الـطف برد وانــوبه حر
مــوتـو نـص بالــذبح نــص بــالقـهر
وبــعــجـل فــرو قــسم عــبـرو نــهر
هذا الحسين الفخر .. چنه حيدر طرهه طـر
─────⊱◈◈ ● ◈◈⊰─────
ظـلمه الرجـاس ودخـل ليـهم شمس
مابـقـه الخـايـف شــرد والمـخـتـلس
والـيـضده عـيـنـه رئـــساً تــنـفــگس
سيفه گاطع چم نحر .. چنه حيدر طرهه طـر
─────⊱◈◈ ● ◈◈⊰─────
لخادم اهل البيت عليهم السلام
الشاعر مؤيد العامري

ياقضاء الشهداء .. اسـتـعدو للعزاء
يهل المدينه النشامه
هيـبه الكـم بالخدامه
─────⊱◈◈ ● ◈◈⊰─────
كـل رادود يـقـــره ابـزود اهــات اعله الــمـظلوم
مثل الچان مخلص حيل سـيد امـجـد المـرحوم
يقره چان ابدمعه وبحزن
والمدينه ابطـوره بس تون
مـاتقصـر بالبكاء ... اسـتـعدو للعزاء
─────⊱◈◈ ● ◈◈⊰─────
هـذا الــعـام مـوش احـزام كون انشد احـزامين
زغير اچبيـر فزعه اتـصير كلهه الخـدمة حسين
يخدم شيخ وسيد وطفل
بذن الباري الخدمه تـنقبل
يالمدينه الشرفاء ... اسـتـعدو للعزاء
─────⊱◈◈ ● ◈◈⊰─────
كل اعگال ينـذب كـون ويـطيحت راعي الجود
نلطــم شـور سـابع يوم حـيل انواسي الموعود
والزنجيل بلهفه من ندگ
دگت واحد گلبه مـحترگ
يالمدينه بلارياء ... اســتـعدو للعـزاء
─────⊱◈◈ ● ◈◈⊰─────
عاشـر يوم سـيل ادمـوم لـجل حـسين وعباس
عـالـهـامات بـالــقـامات نــطــبر ونـشگ الراس
والمـستـشـهد لازم ينــذكر
هذا بروحه مضحي والعمر
ويه حشدالاقوياء ... اســتـعدو للعـزاء
─────⊱◈◈ ● ◈◈⊰─────
لخادم اهل البيت عليهم السلام
الشاعر مؤيد العامري

للبقيع انــــروح بذن الله المــعين
والأيمه انـزورهـم وام الــبـنـــين
♕★ ★ ★♕★ ★ ★♕
نــزور ابو مــحمد نـون وبكل الم
نگله كبرك ســــيدي ليــش انهدم
انته مـومـعـروف  بلــــعز والكرم
انـــته يا مـولاي امــام المتـقيــن
♕★ ★ ★♕★ ★ ★♕
وابــــو الـــباقر لازم نزوره بهضم
نزور وبــكل حــرگه ونـزيد اللطم
حته نمحي اليوم كل جور وضلم
الخــاطر الـســجاد زيـن العابدين
♕★ ★ ★♕★ ★ ★♕
نحَـــني گبر الباقر بـــسيل الدمع
الي حــبه بلــكلــب مــا يـنتـــزع
وعله كــبره هــناك بـــيــرغ يرفع
حــتــه يـنــذلون كـل الـضالمــين
♕★ ★ ★♕★ ★ ★♕
نزور امام الصادق بشوگ وعشگ
يــمه كـون انـضل ابـد مـا نفـترگ
هـدمو گبـره الفلا عـدهــم صـدگ
نبني گبره بلهفه وبشوگ وحـنين
♕★ ★ ★♕★ ★ ★♕
نزيـد يــم ام البـنـيـن النــايـحه
والدمـوع انخـلهه تنـزل جارحه
من نخلص النوح نقره الفـاتحه
حته تسهل كل امور المؤمنيـن
♕★ ★ ★♕★ ★ ★♕
لخدام اهل البيت عليهم السلام
منتظر العامري احمد المهدوي
عـباس احمـد مـؤيد العامري
ونسألكم الدعاء