➖ طلاب الفراهيدي / المرحلة الرابعة

بخصوص المدسن اقروا الكلام الملون الي بالملازم الاسئلة كلها منه

➖ الحمد لله حمداً يوافي نعمه ويكافئ مزيده

تم أكمال متطلبات عيادة الجراحة ( القلع ) وعيادة الاورثو للمرحلة الخامسة

محاضرات الطالب جابر زيد في مادة الأشعة ( محاضرات جامعة بغداد ) / المرحلة الثالثة / طب الاسنان 🔵 Radiology 🔵 Dental x_ray film https://t.me/Jaberzaid/1046 🔵 Panoramic Radiography https://t.me/Jaberzaid/1051 🔵 Dental and craniofacial anomalies …

➖ العام هيج أيام جانت أحلى أيام عشتها بحياتي كلها هي أيام الخدمة الحسينية عشت هالشعور بتفاصيلة وجنت أتمنى متخلص هالايام بسببها تغيرت هواي أشياء ب جابر وأبتعدت عن كل شيء بوقتها وكان يومي عبارة عن موكب ونرجع ننام ونكعد نروح للموكب أحلا تعب وأحلا ناس تعرفت عليهم وأبد مجان أكو تعب بوقتها عرفت معنى الحب للحسين وأهل البيت جانت طيلة الايام أحس أريد ابجي أنه متخلص هالايام ولا هالشعور وأتمنى كل أيامي هيج تعب وقرب لاهل البيت وجنت دائما أكول بقلبي بابا علي خلي خاتمتي يمك لتعوفني وكان صعب أخفي هالشعور وتاثيره وأشتغلت وية الكل وأبد بدون راحة وبوقتها خلص الموكب وكالوا نروح نزور بيوم الاربعين ف كان أول مرة بحياتي أزور بيوم الاربعينية ورحنة ونمشي والشارع كله لطم ومواكب ومن وصلنة هناك بچيت حد التعب متتوقعون شكد راحة من تبجي على مصيبة أهل البيت وهاليوم حاضرين بي كلهم ورجعنة وشفنا الطريق فارغ من يم الموكب شكد حسينة بخنكة وين ذيج الناس وتحس المكان فقد روحيته بدونهم وهالسنة حرجع أعيش نفس هالشعور وهالايام من جديد وأني غير جابر وشيخ علي المياحي يكول من تبجي على الحسين لتغسل وجهك أمسح دموعك بايدك وأدعي من ربك بيهم ياربي لاتحرمنا من أهل البيت وخلي خاتمتنا عدهم مو صالحين أحنة بس نحبهم هواية ويوم بعد يوم نغير هواي أشياء حتى ربنا واهل البيت يرضون علينا لتصدكون أكو توفيقات بحياتي لوما الله وعلي واهل البيت ولا بعمري أوصل لشيء لوما وجودهم وياي ما أعرف ليش أكتبلكم هالكلام بس لتعوفون الحسين أبد

? طلاب الثالث بخصوص كورس الوزاريات

➖ هالسنة كلش لود علية حيكون يعني فقط الرابعة والخامسة لازم أشرح أكثر من 225 محاضرة وكلها وحدي واني المسؤول عنها متخيلين حجم التعب الي حيكون وهم وراية عيادات وتحضيرات التخرج وهيج ف جداً أعتذر منكم وأن شاءالله صيروا رابعة وتلكوني أنتظركم وأكيد مراح أقصر وياكم على مدار السنة وأساعدكم بالي يسمحلي وقتي بي وأشرحلكم الي أكدر علية

? طلاب الرابع والخامس شنو رأيكم نعلنلكم عن أفتتاح الكورسات للوزاريات ?

? الى كلية الكوت الجامعة / قسم طب الأسنان

الى متى التهاون بمستقبل الطلبة والتفرد بالقرارات من دون الالتزام بتعليمات الوزارة وأجبار الطلاب على دفع مبلغ قدره 150 الف لغرض التدريب الصيفي لمدة أقصاها يوم 12 من الشهر الجاري والا سيكون الطالب الغير مستوفي المبلغ دور ثاني بالمرحلة مالته

نتمنى من العمادة ورئاسة القسم الاصغاء لحق الطلبة والعمل وفق تعليمات وضوابط وزارة التعليم العالي والبحث العلمي

➖ شبابنا محتاج تفكيركم شوية ويانة باسم للاكاديمية وهالاسم باللغة الانكليزية ف شوفوني أفكاركم المترجمة للواقع

? @dr_ja_z27

? بالنسبة الموضوع التدريب الصيفي

شنو السبب الي يخليكم تاخذون أجور من الطالب وهو ديتدرب بكليته ليش هو مو واجبكم الاخلاقي والاكاديمي تادون رسالتكم وبس !!

موضوع المبلغ فقط اذا الطالب يتدرب بمركز صحي او مستشفى وهالمبلغ ميتحاوز 33 الف يدفعم لحسابات دائرة صحة محافظته مو للكلية يادكاترتنا

والمبلغ الي طلبتوه تجاوز ال 150 الف بلا زحمة أجور شنو هاي !!؟

وبشنو الكم حق تطلبون هالمبلغ من طلابكم وأنتم كل شيء مموفرين الهم !!

➖ كل شيء يتعلق بالتدريب الصيفي للطلاب هنا مثبت ب **هايلايت الانستگرام

?** https://www.instagram.com/s/aGlnaGxpZ2h0OjE3OTE0MDE0ODk2NjgzOTgw?story_media_id=3132199521088972157&igsh=dTB0ZnpkZ2twbHFx