Shaqiqi Balhiy quddisa sirruhu aytadilar. Beshta narsani qidirib, beshta joydan topdik:

1. Rizq barakasini zuho namozida:
2. Qabr chirog‘ini tahajjud namozida:
3. Munkar Nakir savollariga javobni Qur’oni karimni o‘qishlikda:
4. Sirot ko‘prigidan yengil o‘tishni ro‘za va sadaqada:
5. Arshning soyasida bo‘lishni Allohni zikr etishda.

@Axmadjanoov

⚡️Xususiy oliygoh diplomi bilan ishlasa bo'ladimi?

Odatda xususiy oliygoh deganda ko'pchilikda diplomi o'tadimi yoki ishga kirishda "davlat oliygohlari bilan bir xilmi?" degan savol ko'pchilikni o'ylantiradi. Diplomi o'tishi aniq, Ta'lim to'g'risidagi qonunda bu haqida aniq-tiniq yozib qo'yilgan.

☝️Lekin o'qishga kirmoqchi bo'lgan abituriyentlar yoki ularning ota-onalari bir narsani tushunib olishlari kerak. Ishga kirishda nafaqat xususiy balki davlat oliygohlarining diplomi ham ahamiyatini yo'qotib boryapti. Sababi avvalari diplom birinchi o'rinda turgan bo'lsa, bugun ana shu diplomli kadrning bilim ko'nikmasi, shijoatliligiga ko'proq ahamiyat berilyapti.

?Oliy ma'lumotlilar soni ortib borayotgan bir vaqtda har qanday tashkilotlar yaxshi kadr istashmoqda. Diplomlilar endi ko'p, lekin yaxshi, har qanday muhitga moslashib keta oladigan, sohada mehnat qilib izlanishlar olib boradigan, o'zidan tashabbus va yangiliklar bilan boshqalardan yaqqol ajralib turadigan kadrlar endi ko'proq qadrlanyapti. Bu nafaqat xususiy balki davlat tashkilotlarida ham talab qilina boshlandi.

Hurmatli talabalar! Siz o'qish davomida izlaning, atrofingizdagilardan yaxshiroq bo'lishga, ulardan har tomonlama ustunroq va bilimroq bo'lishga, yangiliklar va tashabbuslarga intiq bo'lishga harakat qiling. Qolgan masalalar ishga kirishda ikkinchi o'rinda.

Ishoning bunday kadrlar hech qachon ishsiz qolmaydi. Ular ish qidirmaydi, aksincha talabgor bo'ladi. Siz ana shunday kadrlar toifasidan bo'ling. Qaysi yo'nalishni tanlashingizdan qat'iy nazar sohangizning eng zo'ri bo'ling!
? @Axmadjanoov ?