كلنه نعرف هلوكت الفساد منتشر بكثره
بس تعالوا؟
ليش العالم ساكته والامر طبيعي عدها.؟
خل اكللكم شغله انا اليوم من اريد افسد المجتمع
قابل كبل اجي انشر الفساد؟
لو ابدي شويه شويه؟
علمود نفسيات الناس تتقبل
خوما بنص مجتمع محافض تجي امرأة مو محتشمه حتحصل نقد اكيد والمجتمع ميتقبل
بس لو تجي شويه فاله الحجاب
وره شويه تبدي تضيق ملابسها
شويه شويه بحيث الناس تتعود على التغير ومايكون عندهم اندفاع بسبب هلتصرف لان الاغلب ماحسوا بالتغير او حسوا بيه بس شويه شويه مو ذاك التغير الى يخليهم ينتفضون ويرفضون هلشي
هذا الشي جدا معروف ولو الناس واعيه جان عرفت

نجي هسه على الاجيال الجديدة
انتوا جاي تستوعبون التلفونات شنو بيها من فساد؟
انواع المشهورين التافهين طالعين
ومنو يشاهدهم
الاب؟
الامم؟
الاخ الجبير او الاخت الجبيره الى محتارين بزمانهم؟
لو الاطفال؟
محد يباوعهم غير الاطفال والمراهقين
وشراح تتوقعون من يشاهدون غير انو يقلدوهم ويعتبروهم قدوة لان مشهورين وكومة يتابعوهم
ليش؟
لان طبيعي هلشي الطفل والمراهق عقولهم ماتميز الصح والخطا عدل ومايعرفون شنو عواقب مشاهدة هيج ناس تافهين

شنو دورنه احنه الكبار
الاطفال من يباوعون بالتلفون طلعولهم محتوى ترفيهي هادف
لعبة تنمي عقولهم تخليهم يفكرون
الوقت مو كله بالتلفون والتلفزيون خليهم يكتشفون مواهبهم ترا التلفون يلزم الشخص ويسجن كل مواهبه مايعرف اذا هو عنده مواهب او لا اصلا!

ولحد يكلي مم يكبرون يتعلمون لاا ماكو هيج حجي
الاطفال همه جيل المستقبل يعني شنو؟
يعني تربيتهم تحدد الجيل الى راح يجي شنوه الى مباقيله اقل العشر سنين ويصيرون شباب  ويبدون يطلعون للمجتمع
بس سؤال اذا الاطفال استمروا على هلحاله بدون رقابة ولا تعليم وبيدهم التلفونات وانواع التافهين يشوفون
الجيل شنو راح يكون؟
حيكون نسخة تافها مثل المشهورين هسه
وبسبب منو هلشي؟
بسبب المسؤولين الى هم الاهل الى تاركين اولادهم فريسه المشاهير
انا مااعتب على المشهورين لا لان لو عدهم ضمير وعقل وغيره واخلاق جان ماسووا هيج ويعرفون عواقب افعالهم شنو علمجتمع
ولكن الاهل الى هاي مسؤليتهم الاساسيه وخصه الام هي المربيه والرقيبه على ابنائها وهاي مسؤليتها

وكلامي مو فقط بخصوص التربية
بكل مجالات الحياة يبدون شويه شويه للفساد
ابسط مثال بالدين
يجيك شيخ يبدي شويه شويه كلامه يناسب الشباب عود هو يهد ويدافع وقوي ويهبد بالكلام والشباب متابعيه ومنعجبين بيه لان يناسب طيشهم
بده شويه شويه يخرب عقيدتهم
وهمه محاسين لان ديجرهم شويه شويه
الحذر كل الحذر اخوتي من سموم الانترنيت
خلي التلفونات بيد الاطفال واجبروهم يباوعون محتوى ترفيهي يفيدهم وينفعهم  ودايما علموهم الصح والخطا بالتلقين كلولهم هذا خطا ميصير حرام الله ميقبل كلولهم هذول موحلوين الى جاي اتابعوهم طلعولهم غير شي شغلولهم قصص اي شي يبعدهم عن التفاهات هذي وخلوهم يطلعون ويكتشفون اشياء بحياتهم لاتخلون وسيلة العب مالتهم هي التلفون
وبس اتمنى كلامي يوصل للعوائل والامهات بالاخص
انتي عندج مسؤليه جبيره لازم تكونين كدها
ختامها بالصلاة على محمد وال محمد

خادمكم
مُـحمد أَيـاد .

في فضل يوم الجمعة

قال الإمام الرضا عليه السلام: «قال رسول الله صلى الله عليه وآله: إن يوم الجمعة سيد الأيام، يضاعف الله عز وجل فيه الحسنات، ويمحو فيه السيئات، ويرفع فيه الدرجات، ويستجيب فيه الدعوات، ويكشف فيه الكربات، ويقضي فيه الحاجات العظام، وهو يوم المزيد لله فيه عتقاء وطلقاء من النار ما دعا الله فيه أحدٌ من الناس وعرف حقه وحرمته، إلا كان حتمًا على الله أن يجعله من عتقائه وطلقائه من النار، وإن مات في يومه أو ليلته مات شهيدًا، وبعث آمنًا، وما استخف أحد بحرمته وضيع حقه إلا كان حقًا على الله عز وجل أن يصليه نار جهنم إلا أن يتوب.»
- بحار الأنوار ٢٧٤:٨٦

هو ليش الامام الحسين اختار السيدة زينب علمود تكمل رسالة الطف؟
خلنرجع لشخصية السيدة زينب ونعرف السبب
السيدة زينب وين تربت
تربت على ايد النبي
والسيدة فاطمة والامام علي واخذت علومها من النبي محمد والسيدة فاطمة والامام علي والامام الحسن والامام الحسين
هيج شخص يتربه بهيج بيت يطلع شخص عادي ؟
صاحب علمية عاديه؟
تدرون السيدة زينب جانت مرجع للنساء بزمن الامام علي والامام علي سامحلها تفتح مجلس يجن النساء يستفتن يمها لان يوثق بعلمها
اذن السيدة زينب صاحبة علمية ثاقبة وشخصية حكيمة جدااااا

يعني اختارها الامام تكمل رسالته لان شخصية عدها علم وتعرف شوكت تتكلم وشوكت تسكت وتعرف تحافض على رسالة الامام
وكفت بوجه يزيد اكبر طاغية بعصرها
كلتله كد كيدك واسعى سعيك وانصب جهدك فوالله لاتمحوا ذكرنا ولاتميت وحيينا ولايذهب عنك عار مافعلت
وتحقق كلامها
كانت السيدة زينب تربطها علاقة ليست مجرد علاقة اخويه مع اخيها الامام الحسين
انما علاقة امام مفترض الطاعه مع السيدة زينب
والسيدة زينب تعرف امام زمانها جيدا ومن عرف امام زمانه افدى روحه من اجله 
شلون بقى زين العابدين عايش وهو راد ينقتل مرتين
كان مريض ولايقوى على شيئ
دخل عليه الشمر اراد ان يقتله السيدة زينب شمرت جسدها على ابن اخيها وكالت لاوالله لاتقتلوه حتى تقتلوني قبله
همه شعبالهم عبالهم عمه جاي ادافع عن ابن اخوها
هم ميدرون الامام زين العابدين امام مفترض الطاعة من بعد ابوه وكانت السيدة زينب تعلم ذلك وافدت روحها علمود ماينقتل ومره ثانيه راد يقتله ابن مرجانه لان اشتد الكلام بيناتهم وامر السياف يقتله جان ترمي نفسها على ابن اخيها وكالت والله لاتقتلوه قبل ان تقتلوني قبله وتركوه

يعني الامام اختار السيدة زينب مكملة لرسالة عاشوراء لان شخص صاحب علمية وحكمة ويعرف امام زمانه جيدا

هسه عرفنه دور السيدة زينب

تدرون احنه هسه دورنه مشابه لدور السيدة زينب؟
شلون يعني؟
يعني احنه امام زمانه محتاج ناس تعرفه اصحاب علمية اصحاب لسان مدافع عن الدين والمذهب

يعني من دين الامام المهدي يصير عليه خطر المفروض نجاهد
بالجسد وباللسان وبكل ماعدنه
ومن نسوي هيج غير نكون ناس اصحاب علمية جيدة؟
شلون نكدر ندافع باللسان واحنه مانعرف نرد شبهة؟
او مانعرف نرد اصحاب الضلاله والاراء والافكار الضاله الجديدة
يعني انا من جاي احضر محاضرة اندار الكه الحضور قليل بس ينزل الشيخ ويجي الرادود تبدي الصفوف تنترس زين شنو الفايدة من تحضر تلطم وتبجي
تواسي الامام؟
جيد رحم الله والديك والله يكتبلك الاجر كامل
بس قابل الامام يريد من عدنه نواسيه بس؟
جا شنو الدين بس بجي ولطم ونحيب؟
الامام الحسين مااستشهد علمود فقط نبجي وراه ولا علمود نقيم العزاء ولا علمود ندك صدورنه ونطبر روسنه
الامام الحسين من استشهد يريد يفضح يزيد واتباعه ويرجع الدين اله عزة وكرامة استشهد عطشان غريب وحيد فده روحه علمود الدين وعلمدونه احنه
يريد من عدنه ان نمشي على خطاه مو فقط نبكي وراه
الامام يريد عقول عارفه مدافعه

اذا ماتكدر تدافع عن الامام بعلمك
دافع بجسدك
دافع باموالك
ماداحارب البكاء ولا الطم

بس مايصير نركز على شي ونعوف الاساس اساس ثورة الامام تركناها الى هي الدفاع واعلاء كلمة الحق
وبس ختامها الصلاة على محمد وال محمد

خادمكم
مُـحمد أَيـاد .

أوقفونا مُنذ طلوعِ الشّمس إلى قريب الغروب بين المُغنّين وأهل اللّهو فأصبحنا فرجة للناس الّذين كانوا يأتون من كُلِّ مكان ليتفرّجوا علينا، وكان أزلام يزيد يقولون لهم:
إنّ هؤلاء النّاس لا إحترام لهم في الإسلام أصلًا.

ـ الإمام زينِ العابدين في الشّام، السيّدة رُقيّة بنتُ الحُسين (عليه السّلام).

وقد نقل عماد الدّين الطّبري عن دخول الأُسارى فقال: ما يُقارب علىٰ خمسمائة رجلٌ وإمرأة خرجوا لإستقبال الأسارى وهم يضربون بالدّفوف والطّبول بينما كان الكثير من النّاس يرقصون فرحًا فضلًا عن الّذين جاءوا ليتفرّجوا علىٰ السّبايا.

ـ السيّدة رُقيّة بنتُ الحُسين (عليه السّلام).

تحذِير هَام ‼️.

عَنِ الرَّيَّانِ بْنِ شَبِيبٍ، عَنِ الرِّضَا ( عليه السَّلام )
فِي حَدِيثٍ ـ أَنَّهُ قَالَ لَهُ:

"يَا ابْنَ شَبِيبٍ: إِنْ كُنْتَ بَاكِياً لِشَيْ‏ءٍ فَابْكِ لِلْحُسَيْنِ بْنِ عَلِيٍّ ( عليه السَّلام )، فَإِنَّهُ ذُبِحَ كَمَا يُذْبَحُ الْكَبْشُ، وَ قُتِلَ مَعَهُ مِنْ أَهْلِ بَيْتِهِ ثَمَانِيَةَ عَشَرَ رَجُلًا مَا لَهُمْ فِي الْأَرْضِ شَبِيهُونَ، وَ لَقَدْ بَكَتِ السَّمَاوَاتُ السَّبْعُ وَ الْأَرَضُونَ لِقَتْلِهِ.

أترجو أُمّة قتلت حُسينًا
شفاعة جدّه يوم الحساب

فلا واللّه ليس لهم شفيعٌ
وهم يوم القيامةِ في العذاب

وقد قتلوا الحُسين بحكُمِ جورٍ
وخالف حكمها حكُم الكــتاب.

قال الإمام الرضا عليه السلام:
«من تذكر مصابنا وبكى لما ارتُكب منا، كان معنا في درجتنا يوم القيامة.»

? بحار الأنوار ٢٧٨:٤٤

دعني اخبركم عن نموذج من البشر
يستيقض في الصباح يمسك هاتفه يتفقده يرا شائعة على شخص راح فرحا ينشرها غيضا بالشخص

واخر فاشل لايريد ان يتواجد شخص افضل منه يذهب بلا اخلاق ولامرؤه يبهت الشخص ويتقول عليه كلاما لاوجود له من الاساس

واخر لايخلوا من الفشل ايضا
همه الاول والاخير ان يعرف تفاصيل مشكلة او تفاصيل موضوع لادخل له من الاساس بهذا الموضوع

هؤلاء فئة تسمى اعداء النجاح والتوفيق
فهم يجتمعون معا بدافع الفشل ويحدث مايسمى باشاعة او تشويه سمعة او او اووو..
نسوا الله فانساهم انفسهم...
الحذر كل الحذر من هؤلاء فهم عملة ذات وجهين
نكمل كلامنا بابيات شعرية

فحسْبُكُمُ هذا التَّفاوت الذيُ بيْنَنا

وكل اناء بالذي فيهِ يَنْضَحُ

مُـحمد أَيـاد .