KUTMAGANDIM

*Ey, siz begunoh odam,
Ne xato oʻtdi bizdan?
Boshqalardan kutsam ham,
Kutmagandim hech sizdan.

Baxt hohladi soʻlishni,
Gʻam oʻrgandi kulishni,
Ikki yuzli boʻlishni
Kutmagandim hech sizdan.

Ortingizdan boʻzladim,
Toʻgʻri yoʻlni koʻzladim,
Men ishongan doʻstlarim,
Kutmagandim hech sizdan.

Doʻst boʻlganda birovlar,
Tiriklay goʻrim kovlar.
Har boshda bor sinovlar,
Kutmagandim hech sizdan.

Yoʻlda qoldi nigohim,
Tavbam oz, koʻp gunohim,
Insof bersin Allohim
Kutmagandim hech sizdan.

Gʻiybatga botsin, mayli,
Qalbga oʻq otsin, mayli,
Dushmanlar sotsin, mayli,
Kutmagandim hech sizdan.

Yaramasdan korimga,
Pichoq tirar jonimga.
Achinmangiz holimga
Kutmagandim hech sizdan.
✍*Abduraxmon Abduxalilov

Abduraxmon Abduxalilov Rasmiy sahifalari
➡️ Telegram | Instagram

#tezkunda #premyera

ИншаАллоҳ тез кунда, хонанда Жалолиддин Аҳмадалиевнинг шогирдлари, истеъдодли ижодкор - Ёрматжон Мўйдинов *билан навбатдаги ижод маҳсулимизни эътиборингизга хавола этамиз.

"МЕНИ ЭСЛАМА"

✍ Абдурахмон Абдухалилов шеъри
🎤 Ёрматжон Мўйдинов ижроси
Abduraxmon Abduxalilov Rasmiy sahifalari
➡️* Telegram | Instagram

*YARASHGAN

Tanho gulim, bagʻringda-
Tikonlaring qalashgan.
Ishq yashirin qahringda
Azoblaring yarashgan.

Kulgichlaring oʻzingga,
Pardozlaring yuzingga,
Har bir jodu soʻzingga
Nayranglaring, yarashgan.

Makring koʻksim oʻymasa
Tinch qoʻy! - desam, qoʻymasa.
Bir koʻrganda toʻymasa
Tug'yonlaring yarashgan.

Kuttirma kech, zavolga,
Savol berma, savolga!
Qalbingdagi bahorga
Koʻylaklaring yarashgan.

Sevib, tonmoq koʻp ogʻir,
Men qalbingda musofir.
Ham sodda, ham mugʻombir
Qarashlaring yarashgan.

G'am yurakka borsinmi?
Shoir koʻngling olsinmi?
Oʻlchab tur qon bosimni
Shifolaring yarashgan.*✍Abduraxmon Abduxalilov

Abduraxmon Abduxalilov Rasmiy sahifalari
➡️ Telegram | Instagram

*METRO VA XAT

Yodimdadir huv o’sha damlar,
Ilk uchrashuv.
Metro.
Dil bandi.
Yer ustida yigʻilgan gʻamlar,
Yer ostida halok bo‘lgandi.

Ko’zlaringga nimadir dedim,
Termulgancha biroz naridan.
Sochlaringni qizg’ongan edim,
"Beruniy"ning shamollaridan.

Hayolimda sochlaring silab,
Yuragimda muhabbat toshgan.
Seni sevib qolishim bilan,
Eskalator chalgan garmoshka.

Kel, chorlayman xurliqo atab,
Kelishaylik, kulgusi mayin.
Yuragimga kirganing sabab,
Yuragingga endi kirayin.

Yetar, to kay alam yutaman,
Taklif mendan, bu bir qoida.
Rozi bo‘lsang seni kutaman,
"Beruniy"ga tushish joyida.

✍Abduraxmon Abduxalilov*

Abduraxmon Abduxalilov Rasmiy sahifalari
➡️ Telegram | Instagram

#xiyobonoqshomlari

Bugun, Oʻzbekiston yozuvchilar uyushmasi muzeyida, Xiyobon oqshomlarining bu o'quv yili hisobidan ilk soni bo'lib o'tdi!

©Har bir she'r oʻqigan shoir-shoiralarga kitob sovgʻa qilindi. Kitobxoʻrlar maza qildi ))

https://t.me/abduraxmon_abduxalilov_ijodi

"BESH KETMADIM"

*Ta'na sanchib qalblarida tugun bilan
Qalbni vayron qilganlarga hech, yetmadim.
Pana izlab soyalardan, bugun endi
Koʻksin kerib yurganlarga, besh ketmadim.

Oʻtmas inson, butun umr sarbon boʻlib.
Hayot oʻtar, hayotingdan handon kulib.
Ota uydan kechib shodon, davron surib,
Koʻrkam saroy qurganlarga, besh ketmadim.

Bor bo'lganda, tutib eshik tutqichini,
Yo'qchilikda yo'q bo'larkan har uchquni.
Yiqilishing kutib o'tar, kun-u tuni
Doʻstdan yuzin burganlarga, besh ketmadim.

Shukr qilmay Xudo bergan yo'q, boriga
Ogʻu separ, gullayotgan gulzoriga.
Molin emas, orin tikib qimoriga
Soxta-davron surganlarga, besh ketmadim.

Asli holi bir turgulik, bir o'lgulik
Xas singari qudrati yo'q arzigulik
O'tib ketar dunyoda ham shu besh kunlik
Magʻrur boʻlib yurganlarga besh ketmadim.

Gʻiybatimni qilavering, siz bemalol
Siz tomonda esaversin yengil shamol
Tulkilarda uvullash yoʻq, ba'ri zavol
Arslon kabi turganlarga, besh ketmadim.
✍Abduraxmon Abduxalilov she'ri*

Abduraxmon Abduxalilov Rasmiy sahifalari
Telegram | Instagram

⚡️ЯНВАРДАН

*Севги ифори хушбўй-ки,
Майин ҳидлари - анбардан!
Кўнгилдан ўтар, бир ўй-ки,
Қайта севсамми, Январдан?

Аросатда ёнмай туриб,
Декабрда қолмай туриб,
Февралгача бормай туриб,
Қайта куйсамми, Январдан?

Қаро қош-у кўзлиларнинг
Тан олмасдан тилагини. Хиссиз ишқнинг юрагини
Шартта ўйсамми, Январдан?

Қайтиб излашга, ишинг йўқ,
Дардни тишлашга, тишинг йўқ,
Сенинг бир ёз-у, қишинг йўқ,
Фаслинг тугалми - Январдан?

Сўраб ҳолу-аҳволини,
Бир бор эшитмай зорини,
У айтмаса изҳорини
Ўзим айтсам-ми, Январдан?

У менга кўнган тақдирда,
Тақдир нони -- бурда-бурда.
Аттанг қилиб қолмай дилдан
Қайта севсам-ми, Январдан?

Ўйламасдан кўзларини,
Сир аралаш сўзларини,
Ойдай гўзал юзларини
Қайта севсам-ми Январдан?

Бари қолиб ўша ортда,
Ишқ туйғуси орта-орта,
Ўзим билиб,
Сўнги марта
Қайта севсам-ми Январдан ?

✍✍Абдураҳмон Абдухалилов шеъри.
🕰*3-июл-2-авг

Abduraxmon Abduxalilov Rasmiy sahifalari
Telegram | Instagram

MENI ESLAMA !

*Yoniq hislarni
Yetar, izlama.
Unut bizlarni
Meni eslama!

Yetsa jurʼating
Yirtgin suratim
Sevgim hurmati -
Meni eslama!

Ishqqa eʼtiroz,
Tushun sen biroz!
Soʻnggi iltimos:
Meni eslama!

Mendan yiroq ket,
Niyyatinga yet,
Uni baxtli et,
Meni eslama!

Vafosizlar koʻp,
Yolgʻon soʻzlar koʻp.
Baxtli boʻlgin, xoʻp?!
Meni eslama!

Baxtmas, anduhman,
Olovmas, choʻgʻman,
Sen uchun yoʻqman,
Meni eslama.

O'rtaydi hijron,
Yengilar bu jon,
Qiynalar vijdon,
Meni eslama.

Qilganda vafo,
Koʻrsatding jafo,
Ketgil, bevafo,
Meni eslama.

Yoʻllarim kutma,
Dard qo'lin tutma,
Aslo unutma,
Meni eslama.

Hammasi tamom,
Boʻlgin sogʻ-omon,
Men oʻsha yomon,
Meni eslama!

✍Abduraxmon Abduxalilov
🕰*1-iyul 2024yil

Abduraxmon Abduxalilov Rasmiy sahifalari
Telegram | Instagram

"OʻTKINCHI BA'RI"

Oltin qadahda may ichgan doʻstlarim
Taxtni boy berganda, bo'lguvchi nari,
Yuzimga aytolmas kamu kostlarim.
Oʻtkinchi dunyoda, oʻtkinchi ba'ri !

Umr daryo misol, to'lg'onar, shoshar,
Asli qay yer erur, eng so'ngi maskan?
Kimlardir mexrni, zarlarga sotar,
Oʻtkinchi dunyoda, oʻtkinchi ba'ri !

Bog'imdan ketishdi, qushlardek uchib,
Sevganim men emas, o'zgasin quchib,
Kelmang qaytib endi, bag'rimga ko'chib,
Oʻtkinchi dunyoda, oʻtkinchi ba'ri !

Tole bugun menga berganda sinov,
Yo'qlab kelolmadi bir zot-u, birov
Qo'limga tutdilar dasta cho'g', olov
Oʻtkinchi dunyoda, oʻtkinchi ba'ri !

Inson bor hayotda, o'z yo'lin topar,
Kimning oti oldin, kim keyin chopar
Kimda nomus qimmat, kimda esa zar,
Oʻtkinchi dunyoda, oʻtkinchi ba'ri !

✍ Abduraxmon Abduxalilov

Abduraxmon Abduxalilov Rasmiy sahifalari
Telegram | Instagram