🗣 Կարևորը ԱԺ-ից. Նոյեմբերի 15, 2024թ․
#ԱԺ #ՀայաստանԴաշինք

📌 Արթուր Խաչատրյան
Միայն այս իշխանության օրոք են թուրքերը բույն դրել Հայաստանում, չի եղել ուրիշ ժամանակ։ Ինքնիշխանությունից եք խոսում․ այնքան ինքնիշխան եք, որ չեք կարողանում սեփական տարածքում գործարան կառուցել։ Ուզում եք ԱՄՆ դրոշը դրեք, ուզում եք՝ ՄԱԿ-ինը։ Ալիևը չի թողնում։ Հիմա էլ որոշել են, որ մեր երկրի բոլոր դժբախտությունների հիմքը ՀՀ անկախության հռչակագիրն է եղել։

📌 Թադևոս Ավետիսյան
ՔՊ-ի նոր բանաձևը հետևյալն է ու շատ պարզ․ փող տո՛ւր ու դարձի՛ր հերոս, և հետո փող տո՛ւր, որ մնաս հերոս, թե չէ պետական տեռորի զոհ կդառնաս, կզրկվես բիզնեսիցդ, տնից-տեղիցդ, և պետությունը քեզ համար նոր կացարան կապահովի բանտախցում։ Հակահերոս են միայն թոշակառուներն ու սոցաջակցություն ստացողները։

📌 Ագնեսա Խամոյան
ՀԾԿՀ նախագահի պաշտոնում առաջադրված մարդու աշխարհընկալումն այնպիսին է, որ Ռուսաստանը մեր «ոխերիմ» բարեկաման է։ Ինչպե՞ս է նա պատրաստվում աշխատել ռուսական կապիտալով ընկերությունների հետ՝ Գազպրոմի, Հարավ-Կովկասյան երկաթուղու։ Իսկ հնարավո՞ր է, որ Փաշինյանը նրա առջև պայման է դրել, օրինակ, Սամվել Կարապետյանից խլել ՀԷՑ-ը։

📌 Գառնիկ Դանիելյան
Երկակի ստանդարտներով առաջնորդվելն այս պետությանը օգուտ չի տալու, և որակյալ աշխատողներն ու մասնագետները միշտ էլ իրենց սկզբունքայնության պատճառով տուժելու են։ Այդ մարդիկ որևէ իշխանության հետ չեն հարմարվելու ու միշտ տուժելու են։

📌 Գեղամ Մանուկյան
Երեկ ՀՀ վարչապետի պաշտոնը զբաղեցնող Նիկոլ Փաշինյանը ԱԺ ամբիոնից փորձեց սպանել մեր անկախությունը, ասելով՝ Հռչակագիրը պետություն չլինելու մասին է։ Գիտե՞ք՝ ինչու։ Ոչ թե նրա համար, որ նա այդպես է մտածում, այլ որովհետև Ադրբեջանն ամեն օր Հայաստանին ստիպում է Անկախության հռչակագրից հրաժարվել։

📌 Լիլիթ Գալստյան
Փաշինյանի երեկվա հակապետական, հակազգային, թուրանական թեզերից հետո պիտի նվազագույնը 15 րոպե անց այս դահլիճում հայտնվեր դատախազությունն ու ԱԱԾ-ն։ Բայց ոչ։ Բանակցությունները զրոյացրած Փաշինյանը հանկարծ զրոյացնում է Անկախության հռչակագիրը, հայտարարելով, որ այն ՀՀ չգոյության մասին է։

📌 Քրիստինե Վարդանյան
Եկեք պարզենք՝ ովքեր են հոկտեմբերի 27-ի շահառուները։ Հոկտեմբերի 27-ին այդ խառը պահին մի խումբ մարդիկ երկրի այն ժամանակվա ղեկավարին ներկայացրել են մի ցանկ ու ասել, որ այդ մարդկանց պետք է պաշտոն տաք, թե չէ երկրում խառնաշփոթ կառաջանա։ Ցանկից երկուսը հիմա պաշտոն ունեն, այդ թվում՝ Անդրանիկ Քոչարյանը։

📌 Արծվիկ Մինասյան
Սա մի իշխանություն է, որը Հայոց բանակին համարում էր տարածաշրջանում որոշիչ ազդեցություն ունեցող, մարտունակ և ինտելեկտուալ բանակ: Զուգահեռաբար նա գերեվարում էր Զինված ուժերի ներկայացուցիչներին, կեղծ թիրախներ դնում, ոչնչացնում բանակը, սպայական կազմի հեղինակությունը: Հետևանքն էլ եղավ այն, որ կորուստների համար մեղադրեց ԶՈՒ-ին։

📌 Գեղամ Նազարյան
Նիկոլ Փաշինյանին կոչ եմ անում ևս մեկ անգամ ընթերցել Անկախության հռչակագիրը և առաջին իսկ առիթով գա ասի՝ ո՞ր դրույթն է մեր անկախությունը հերքում։ Ի՞նչ մոլուցք է՝ հայրենիքից հրաժարվել։

📌 Աննա Գրիգորյան
Ամբողջ օրը խոսում են ՀՅԴ բազմաթիվ շրջաբերականներից մեկի մասին, բայց ոչ մի խոսք՝ թե Ադրբեջանի հետ չհամաձայնեցված կետն ինչի՞ մասին է։ Ի՞նչ եղան Թուրքիայի հետ բանակցությունները, ինչպե՞ս ադրբեջանցիները մտան Տեղ գյուղ, ինչպե՞ս հանձնվեց Գորիս-Կապան ճանապարհը։ Եկեք դրա մասին խոսեք, որովհետև այդ ամենը ՀՀ քաղաքացու մասին է։

🗣 Կարևորը ԱԺ-ից. Նոյեմբերի 14, 2024թ․
#ԱԺ #ՀայաստանԴաշինք

📌 Քրիստինե Վարդանյան
Թուրքիային ու Ադրբեջանին մեր անվտանգության երաշխավոր սարքելը փաթեթավորել են «իրական Հայաստան» անիրատեսական տերմինի ներքո։ Մենք ասում ենք, որ աշխարհում ընդամենը մի պետություն կա, որ մեր ազգին ցեղասպանել է՝ Թուրքիան, և կա մի պետություն, որ բազմաթիվ անգամներ հարձակվել է Հայաստանի վրա՝ Ադրբեջանը։ Հայ ժողովրդին գոյաբանական սպառնալիք շարունակում են ներկայացնել այս երկու պետությունները։

📌 Գառնիկ Դանիելյան
Փաշինյանն ասում է՝ Կիրանցում անվտանգ է։ Խնդիր չկա, բայց Ձեր կառուցած պատը Կիրանցում համարում են լացի պատ։ Գյուղացիները հեռադիտակով հետևում են, որ անասունը սահմանը չանցնի։ Մարդիկ զրկված են ցորեն ու գարի ցանելու հնարավորությունից։

📌 Արթուր Խաչատրյան
ՔՊ-ի կառավարությունը Հայաստանը գցել է անիծյալ շրջանի մեջ։ Պարտքի միջոցով արհեստական շնչառություն եք տալիս, բայց դրանով չեք թողնում, որ թոքերն աշխատեն, սպանում եք տնտեսությունը։ Խոսում եք հայ-ամերիկյան հարաբերությունների մասին, բայց փաստն այն է, որ Նիկոլ Փաշինյանը ՀՀ միակ ղեկավարն է, ում ԱՄՆ ոչ մի նախագահ չի ընդունել։

📌 Գեղամ Մանուկյան
Այս իշխանությունն անհավատալի տաղանդ ունի։ Հիմա պարզվում է, որ իրենց թիկնազորը և ՊՊԾ-ն շատացել է, եղած-չեղած մարդու հետևից մարդ են դնում, որովհետև ընդդիմությունն է մեղավոր։ Ընդդիմությունը ուզում է իրենց խփի, վախեցած են:

📌 Ագնեսա Խամոյան
2020 թ․պատերազմի 36-րդ օրը Փաշինյանը կամավորներին կոչ էր անում լսել իր հրամանը, ոտքի կանգնել և գնալ զինկոմիսարիատ, իսկ հետո հայտարարեց, որ էն գլխից մենք պարտված էինք, արդյունքը նույնն էր լինելու, միայն առանց զոհվելու։ Ասում է՝ երրորդ հանրապետության մեծագույն սխալը բանակի սրբագործումն է։ Երրորդ հանրապետության մեծագույն սխալը ՔՊ-ին իշխանություն տալն էր։

🗣 Կարևորը ԱԺ-ից. Նոյեմբերի 13, 2024թ․
#ԱԺ #ՀայաստանԴաշինք

📌 Արմեն Ռուստամյան
Պարզվում է, որ շուտով նոր կատեգորիա կարող է առաջանալ՝ «իրական Հայաստանի քաղաքացի»։ ՀՀ ո՞ր քաղաքացիներն են համարվելու «իրական Հայաստանի քաղաքացի», որոնք՝ ոչ։ Այն քաղաքացիները, որոնք իրենց տանը կունենան Արարատ լեռան նկարը, «պրոբլեմ են ունենալու», որովհետև Արարատը պետք է փոխարինվի Արագածով:

📌 Գեղամ Մանուկյան
Որոշեցի վերհիշել մի «թունդ ընդդիմադիրի» ելույթները։ 2012 թվականին արտաքին պարտքի սպասարկման համար հատկացված 1 մլն դոլարը խայտառակություն էր գնահատվում: 2025-ին արտաքին պարտքի սպասարկման համար կհատկացվի է 1 մլրդ դոլար։

📌 Գեղամ Նազարյան
Կենսաթոշակառուները դեռ պետք է գոհ լինեն, որ չենք հասել մի կետի, երբ նրանց առաջարկեն բարձր կենսաթոշակ ստանալու համար անցնել ատեստացիա՝ ապացուցեն, որ իրենք լավ տատ ու պապ են, նոր կենսաթոշակը կբարձրանա։

📌 Թադևոս Ավետիսյան
2024 թ․երկրորդ եռամսյակից սկսած տնտեսական աճը նվազել է շուրջ 2 անգամ, իսկ 2025 թ․նույնիսկ լավագույն սցենարի դեպքում կանխատեսվում է ընդամենը 5,6 տոկոս աճ։ «Հարկատուն հերոս է» կեղծ հայտարարություններին զուգահեռ աճում է ՓՄՁ սուբյեկտների և քաղաքացիների հարկային բեռը։

📌 Արծվիկ Մինասյան
Այս կառավարության խոստումներն ու իրականացրած ծրագրերը համադրելիս՝ տեսնում ենք, որ դրանց 99 տոկոսը ծալել դրել է մի կողմ և իրականացնում է իրավիճակային գործողություններ։ Ամեն ինչ անում է սեփական վերարտադրությունն ապահովելու համար, և հանրության համար ստեղծած նույնիսկ փոքրիկ բարիքը ներկայացնում է որպես մի մեծ աստվածաշնորհ երևույթ։

📌 Արթուր Խաչատրյան
Մեզ ներկայացված բյուջեի նախագիծը ես կկոչեմ «պարտքով ու երազներով ապրելու բյուջե»: Վերից վար ձախող բյուջե է, իրականության աղճատում, չհիմնավորված խոստումներ, ձախողումների արձանագրում։ Միակ դրական կողմն այն է, որ կառավարությունն ԱԽՔ Արմեն Գրիգորյանին ասել է՝ ձենդ կտրի ու մի խառնվի էն հարցերին, որից ոչ մի բան չես հասկանում, որովհետև բրնձաբուծության մասին այստեղ խոսք չկա։

📌 Ագնեսա Խամոյան
ՀՀ հպարտ քաղաքացիներ, շնորհավորում եմ ձեզ։ Դուք ոչ միայն 3 մլն վարչապետեր եք, պարզվում է՝ ձեր 80%-ը նաև հերոսներ են, շնորհավորում եմ։ Դուք հերոս եք, բայց հերոս եք ՔՊ-ի բացատրական բառարանով։ 2018 թվականի իշխանափոխության առաջին օրվանից ստանձնեցիք Արցախյան ազատամարտն ու հերոսներին արժեզրկելու և բարոյալքելու գործընթացը։

📌 Արմենուհի Կյուրեղյան
Այս իշխանության համար կարևորը հանրությանն իր կողքին պահելն է՝ թեկուզ և հատկապես խաբելով ու հազար ու մի խոստում տալով։ Կխոստանան, հետո երբ ժամկետը լրանա, այդ հարցերը շրջանցելու նուրբ արվեստին տիրապետելով, հանրության համար կստեղծեք ավելի լուրջ ու ցավոտ խնդիրներ, որ այդ խստումների մասն հանրությունը չհիշի։

📌 Աննա Գրիգորյան
Նիկոլ Փաշինյանը, պադավատապետության դեմ պայքարելու փոխարեն, 21-րդ դարի ամենասիրուն, էկոլոգիապես մաքուր պադավատապետությունն է ստեղծել։ Հեղափոխական տղերքը մետրո էին նստում, հեծանիվ էին քշում, հիմա մինչև էլեկտրական մեքենա չնստեն, մարդիք երևի գործի չեն գնա։ Այս տարի կառավարությունը ծախսել է 2,5 մլրդ դոլար միայն սեփական հարմարավետության համար։

📌 Ընդդիմությունը բոյկոտեց հարցուպատասխանը կառավարության անդամների հետ

🗣 Կարևորը ԱԺ-ից. Նոյեմբերի 12, 2024թ․
#ԱԺ #ՀայաստանԴաշինք

📌Ընդդիմությունը հրատապ քննարկում կազմակերպեց Բաքվում պահվող հայ ռազմագերիների հարցով, սակայն ՔՊ-ն վիժեցրեց պատանդառված անձանց հայրենիք վերադարձնելու մասին հայտարարությունը

📌Արմեն Ռուստամյան
Քանի Երևանի պաշտոնական դիրքորոշումը Բաքվում պահվող հայ ռազմագերիների հարցով չի հնչել, մեր լոբիստական աշխատանքները դժվարություն են ունենում։ Արցախի ռազմաքաղաքական ղեկավարությանը դատելով՝ Բաքուն, ըստ էության, դատում է արցախահայությանը՝ հավաքական իմաստով, որովհետև նրանք Արցախի ժողովրդի կողմից ընտրված ղեկավարներ են եղել։ Պետք է թույլ չտալ, որպեսզի Ադրբեջանը հանգիստ, խաղաղ իր նպատակներն իրականացնի։

📌 Լիլիթ Գալստյան
ՀՀ խորհրդարանի պարտականությունն է հանդես գալ միաձայն հայտարարությամբ՝ պահանջելով Ադրբեջանում պահվող հայ ռազմագերիների, այդ թվում՝ Արցախի ռազմաքաղաքական ղեկավարության վերադարձը։ Անհնար է որևէ բանակցություն, որի առանցքում չկա հայ գերիների վերադարձը։ Սա Հայաստանի և ՀՀ յուրաքանչյուր քաղաքացու արժանապատվության հարցն է։

📌 Արծվիկ Մինասյան
ՀՀ խորհրդարանը, ինչպես հայ ժողովրդի բարձրագույն ներկայացուցչական մարմին, պարտավոր է միջազգային հանրության առջև առնվազն դնել այն խնդիրը, որ չի կարող մի երկրի ղեկավար հանգիստ նստել և անցկացնել միջազգային համաժողով, քանի դեռ պատանդ է պահում մարդկանց, ովքեր պայքարի էին դուրս եկել սեփական հայրենիքի ու արժանապատվության համար։

📌 Արթուր Խաչատրյան
Ադրբեջանը շարունակում է հայ ռազմագերիներին որպես լծակ օգտագործել Հայաստանի դեմ։ COP-29-ի առիթը պետք է օգտագործենք գերիներին վերադարձնելու համար։ ԵԽ-ն և տարբեր երկրներ բարձրագույն մակարդակով Բաքվից պահանջում են հայ գերիներին վերադարձնել, ՀՀ կառավարությունը լուռ է։ Կասեք՝ դիվանագիտությունը ամեն ինչ չէ, որ բարձրաձայն ասում է։ Բարձրաձայն չասող դիվանագիտության արդյունքը տեսնում ենք՝ որևէ առաջընթաց չկա։

📌 Աննա Գրիգորյան
Առավոտից երեկո խոսում եք խաղաղության մասին։ Չկա խաղաղություն, քանի մեր բոլոր հայրենակիցները վերադարձված չեն Ադրբեջանից։ Դա մեր թիվ 1 օրակարգը պետք է լինի։ Մեր արժանապատվության վերականգնումն սկսվելու է մեր բոլոր ռազմագերիների վերադարձից, և այսօր այն օրն է, երբ պետք է դիրքորոշում հայտնենք։

📌 Արծվիկ Մինասյան
Սա քաղաքական ամոթ է։ Այս կարևոր նախաձեռնությանը մենք բոլորս պետք է միավորվեինք և ասեինք՝ այո՛, սա մեր ազգի արժանապատվության հարցն է, բոլորս պետք է ջանք գործադրեինք հայտարարությունն ընդունելու համար։ Այստեղ արտացոլված է հայ ժողովրդի շահը։ Եթե քաղաքական մեծամասնությունը սրան դեմ է արտահայտվում, ուրեմն այն դեմ է արտահայտվում հայ ժողովրդի հավաքական կամքին ու շահին։

📌 Թադևոս Ավետիսյան
Սուտ խոստումների և մանիպուլյացիաների հերթական ականատեսն ենք եղել այս անգամ Երևան քաղաքում։ Օրինակ, գույքահարկի բարձրացումը, տրանսպորտային «բարեփոխումը»։ Ինչ անում եք, վատ եք անում։ Իջեք փողոց տեսեք, փողոցից եք եկել։ Երևանի խնդիրներն օր օրի խորանում են, դրանք լուծելու փոխարեն տեսնում ենք հերթական պոպուլիստական դրսևորումներ։

📌 Մհեր Մելքոնյան
Գյումրիում տեղի ունեցածն առկա անօրինականության, քաղաքական հետապնդումների, իշխանությունների կողմից ատելության, թշնամանքի մթնոլորտի հերթական դրսևորումն է, որի պարագայում անընդունելի և դատապարտելի է նաև հազարավոր գյումրեցիների քվե ստացած «Բալասանյան» դաշինքի դրսևորած նման վարքագիծը։ Այս ամենն իրականացվեց համայնքում իշխանությունն ամբողջությամբ զավթելու և այնտեղ կուսակցական բացարձակ իշխանություն հաստատելու նպատակով։

📌 Գառնիկ Դանիելյան
ՀՀ պետական բյուջեի միջոցները շարունակում են անխնա վատնել՝ հսկայական միջոցներ են գնում տարբեր համերգների, արբանյակների, հեծանվարշավների, ֆեստիվառների վրա։ Հիմա էլ որոշել են հունվարի 1-ից երեք անգամ թանկացնել տրանսպորտի գինը և ներկայացնել որպես մեծագույն հաջողություն։ Ի՞նչ է այս ամենը, եթե ոչ թալան և անարգանք սեփական ժողովրդի նկատմամբ։

📌 Քրիստինե Վարդանյան
Հայտարարություն չեն ընդունում, որևէ կոնկրետ քայլ չեն ձեռնարկում ու գլուխ են գովում, որ հարյուրավոր գերիներ են հետ բերել։ Կներեք, իսկ նախքան ձեր իշխանությունը քանի՞ գերի ենք ունեցել։ Գերիների անհապաղ և ամբողջական վերադարձը կարող էր լինել նախապայման ցանկացած բանակցությունների համար։ Ու նախքան որևէ հող, դիրք հանձնելը, պետք է լուծվեին այս մարդասիրական հարցերը։

🗣 Կարևորը ԱԺ-ից. Հոկտեմբերի 23, 2024թ․
#ԱԺ #ՀայաստանԴաշինք

📌 Ընդդիմադիր խմբակցությունները բոյկոտել են հայ-ադրբեջանական սահմանազատման հանձնաժողովների կանոնակարգը վավերացնելու քվեարկությունը։

📌 Լևոն Քոչարյան
Այսպես կոչված հատվածային սահմանազատման անվան տակ Հայաստանը, Տավուշի օրինակով, հետագայում մեկ այլ հատվածում կարող է կրկին տարածքներ զիջել Ադրբեջանին։ Մեր զինվորները հնարավոր է հետ քաշվեն մի տեղից, իսկ ադրբեջանցիները՝ հետ քաշվելու փոխարեն, մնան նույն տեղում՝ մեր սուվերեն տարածքում։ Ո՞րն է ադրբեջանցիներին կուրորեն հավատալու պատճառը։

📌 Մհեր Մելքոնյան
ՔՊ-ն, չհամակերպվելով, որ Գյումրիում չունի լիարժեք իշխանություն, այսօր էլ, օգտագործելով իշխանական ճնշում գործադրելու հնարավոր և անհնարին բոլոր մեթոդները, փորձում է Ախուրյանի, Ալավերդու, Վանաձորի օրինակով իշխանությունը գրավել նաև Գյումրիում։

📌 Լիլիթ Գալստյան
Քաղաքակիրթ աշխարհը փորձում է առիթն օգտագործել և COP29-ին ընդառաջ Բաքվի վրա ճնշում գործադրել հայ գերիներին, անօրինական պահվող քաղաքացիական անձանց և Արցախի ռազմաքաղաքական ղեկավարությանն ազատ արձակելու ուղղությամբ։ Այդ աշխատանքը կարող է արդյունավորվել պաշտոնական Երևանի հետ համահունչ ջանքերով։

📌 Գեղամ Մանուկյան
Փոխվարչապետ Մհեր Գրիգորյանն ընդունեց, որ սահմանազատման հարցով կան ռիսկեր, որ կարող է ինչ-որ հատվածից հետո այդ սահմանազատումը չլինի: Արդյո՞ք կառավարությունը գնահատել է այդ ռիսկերը, որ դիցուք, Ադրբեջանի պահանջով կկվի էլի որևէ ձագ տալուց հետո հաջորդ անգամ Հայաստանին ձեռնտու, ՀՀ-ի օկուպացված որևէ հատված, դիցուք Ներքին Հանդում, պատճառ բերեն, որ “Սոսիների պուրակ” արգելոցի ամբողջականության համար այդ հատվածը հանձնեն Ադրբեջանին։

📌 Գառնիկ Դանիելյան
Մեր հասարակությունն ամեն անգամ ականատես է լինում անթաքույց կոռուպցիոն սխեմաներին։ Այսօր փորձում են կոծկել, ծածկել որոշ կոռուպցիոն սկանդալներ, ընտրովի արդարադատություն են իրականացնում՝ կուսակիցներին, համախոհներին ներելով, աչք փակելով նրանց արարքների վրա։

📌 Քրիստինե Վարդանյան
Ռիսկերը նվազեցնելու համար հայկական կողմը կարող է սկզբից ամբողջ գծով անել սահմանազատումը, ֆիքսել, հետո նոր զորքերը հետ քաշել։ Սա կբխի ՀՀ շահերից։ Կարո՞ղ է անել։ Այո։ Կանե՞ն՝ ոչ, որովհետև ամբողջ գործընթացն իրականացվում է Ադրբեջանի պահանջներով։ Ե՞րբ են ադրբեջանական զորքերը դուրս գալու ՀՀ սուվերեն տարածքից։

📌 Ագնեսա Խամոյան
Քննչական կոմիտեի ղեկավարը մեկ շաբաթ առաջ բացահայտ հայտնել է իշխանական պատգամավորի կողմից իր որդու գործի վերաբերյալ հովանավորչության միջնորդությունների մասին։ Սակայն մինչ օրս այդ հայտարարությունը ոչ մի իրավական հետևանք չի ունեցել։

📌Աննա Գրիգորյան
2019 թվականին մեծ շուքով ստեղծված ԱՆԻՖ հիմնադրամը այս տարի փակ դռների հետևում փակվեց։ Բայց այս մի քանի տարվա ընթացքում հօդս է ցնդել մոտ 10 մլրդ դրամ գումար՝ ներառյալ հիմնադրամի աշխատակիցների անհասկանալի բարձր աշխատավարձերը, պարգևավճարները, ու իրենց հիմնական գործառույթներն արտապատվիրակել են մեկ այլ կազմակերպությանը։ Սա բացահայտված դեպք է, որի իրավական հետևանքները չկան։

🗣 Կարևորը ԱԺ-ից. Հոկտեմբերի 22, 2024թ․
#ԱԺ #ՀայաստանԴաշինք

📌Ընդդիմադիր խմբակցությունները բոյկոտել են հայ-ադրբեջանական սահմանազատման հանձնաժողովների կանոնակարգը վավերացնելու հարցի քննարկումը։

📌Գեղամ Մանուկյան
ՄԱԿ-ի բանաձևերը չեն վերաբերվել Արցախի կարգավիճակին։ Դրանք վերաբերվել են հրադադարի հաստատմանը, ռազմական գործողությունների դադարեցմանը։ ՄԱԿ-ի բանաձևերը որևէ կիսալեգիտիմ, նույնիսկ աննշան, Ադրբեջանին որևէ իրավական հիմք չէին տալիս Արցախի վրա հարձակվելու և Արցախի օկուպացիայի համար։ Այդ հիմարագույն թեզն ո՞վ է խորհուրդ տվել։

📌 Արծվիկ Մինասյան
Վարչատարածքային բաժանման մասին օրենքին տարբեր ժամանակներում կողմ է քվեարկել նաև Նիկոլ Փաշինյանը։ Հարց՝ ինքն էլ էր այդ ժամանակ մտածում Արցախն Ադրբեջան է և վե՞րջ։ Եթե այո, նշանակում է՝ էն գլխից, փաստորեն, Նիկոլ Փաշինյանը մտածում էր՝ Արցախն ինչպես թողնել Ադրբեջանի կազմում։ Եթե ոչ, ուրեմն ձեր ամբողջ թեզը փլուզվում է։

📌 Արմեն Ռուստամյան
Այս Ազգային ժողովը ձեռնամուխ է լինելու ամբողջությամբ հակասահմանադրական և հակաօրինական կանոնակարգի վավերացմանը, այն էլ այն պայմաններում, երբ որ Ադրբեջանում նման համընթաց գործընթաց տեղի չի ունենում։ Սա նոնսենս է։ Հիմա մենք վավերացնում ենք, չենք կարող բացառել, որ Ադրբեջանը չի վավերացնելու։ Առավել ևս, կարող է վավերացնի Հայաստանի համար անընդունելի վերապահումներով։

📌 Արմենուհի Կյուրեղյան
«Բարձրագույն կրթության և գիտության» օրենքի նախագիծը դատարկելու է մարզերը երիտասարդներից, նրանք այլևս հնարավորություն չեն ունենալու իրենց ապրելու վայրում բարձրագույն կրթություն ստանալ։ Իսկ ինչի՞ համար է դա, եթե ոչ՝ երկիրը կամաց-կամաց, սահմանամերձ բնակավայր առ բնակավայր ազատել հայ քաղաքացուց, և ավելի հեշտ հանձնել թշնամուն, կատարել թուրք- ադրբեջանական տանդեմի պահանջները։

📌 Գառնիկ Դանիելյան
Տավուշի սահմանամերձ գյուղերի բնակիչները տեղյակ չեն՝ որտեղ և երբ է լինելու հաջորդ «սահմանագծումն ու սահմանազատումը»։ Պարզվում է, որ այդ հարցով զբաղվող փոխվարչապետը նույնպես չգիտի։

📌Լիլիթ Գալստյան
Ալմա-Աթայի հռչակագիրը չի նկարագրում ԱՊՀ-ին անդամակցող որևէ երկրի սահման։ Այս վեց տարիների գործունեության ընթացքում ՔՊ-ն առաջարկվող տարբերակներից ընտրել է միայն վատթարագույնը։ Ինչո՞ւ եք մինչև հիմա թաքցրել 80-ականներին ստեղծված հանձնաժողովի կողմից արված սահմանազատման քարտեզները և փաստերը։

📌 Քրիստինե Վարդանյան
Ո՞նց է լինում, որ Ադրբեջանը բացառապես ՔՊ-ի հայտարարություններն ու ստորագրություններն է վկայակոչում որպես Արցախի վրա իրավազորության հիմք: Անգամ Ալիևը Սամվել Շահրամանյանի ստորագրած թուղթը չի վկայակոչում որպես Արցախի վրա իրավազորության տարածման հիմք: Վարչատարածքային բաժանման մասին օրենքով՝ մայիսին «սահմանազատված» տարածքները ՀՀ տարածքներ են։

Ինչպես բոլոր նախորդ դեպքերում, Սահմանադրության օրվա կապակցությամբ Ազգային Ժողովի կողմից տրված պարգևավճարը «Հայաստան» խմբակցության պատգամավորներն ուղղելու են սոցիալական աջակցությանը։

ՀԱՅՏԱՐԱՐՈՒԹՅՈՒՆ

ԱԺ-ում ընդդիմադիր ֆրակցիաների կողմից հրավիրված «Կառավարության հրաժարականի և նոր կառավարություն ձևավորելու անհրաժեշտության մասին» թեմայով արտահերթ նիստին զուգահեռ, որին ՔՊ-ն, հերթական անգամ խախտելով Սահմանադրությունը, հրաժարվեց մասնակցել, փոխարենը ԱԺ քննարկման օրակարգ բերեց «Հայաստանի Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» լսումներ անցկացնելու հարցը:

Մեր կարծիքով, այս հարցը ներկայումս օրակարգ բերելը խիստ արհեստական է, աշխարհաքաղաքական իրողություններից կտրված և ներքաղաքական իմաստով՝ կեղծ։ Այն նպատակ ունի շեղել հանրության ուշադրությունը գործող իշխանությունների հեռացման իրական օրակարգից:

Կարծում ենք, որ իշխանությունների կողմից այս օրակարգի առաջ բերման իրական նպատակը Սահմանադրության փոփոխության հանրաքվեի անցկացման հարցն է, որը կարող է զուգորդվել Հայաստանի՝ Եվրոպական միությանն անդամակցության հայտ ներկայացնելու հարցի վերաբերյալ հանրաքվեով: Սա արվում է այն պարզ պատճառով, որ ԵՄ անդամակցության քողի տակ անցկացվող Սահմանադրության փոփոխություններով բավարարեն թուրք-ադրբեջանական հերթական պահանջը։

Իշխանությունները և նախագծի հեղինակները նախ և առաջ պետք է ազնվորեն հանրությանը իրազեկեն և պատասխանեն հետևյալ հարցին՝ արդյո՞ք ՀՀ-ն պետք է դուրս գա ԵԱՏՄ-ից՝ հաշվի առնելով, որ ԵՄ-ն առաջին հերթին մաքսային միություն է։ Նկատի ունենալով ՀՀ ձևավորված առևտրատնտեսական հարաբերությունները, տնտեսության և արտաքին առևտրի կառուցվածքը, նման քայլը կարող է խիստ վնասակար լինել Հայաստանի տնտեսության համար:

ԵՄ անդամակցության հարցը կարող է լուծվել բացառապես ԵՄ-Հայաստան բանակցություններում ձեռք բերված համապատասխան փոխադարձ համաձայնությունների միջոցով։ Հանրաքվեի միջոցով անդամակցության հայտ ներկայացնելու վերաբերյալ ԵՄ կողմից դրական արձագանքի հնարավոր բացակայությունը լրջագույն հարված կլինի երկրի հեղինակությանը։ Պատահական չէ, որ ԵՄ անդամակցության թեկնածու ԱՊՀ նախկին պետությունները՝ Ուկրաինան, Մոլդովան, Վրաստանը հայտ ներկայացնելու համար հանրաքվեներ չեն անցկացրել։

Այսօրինակ նախաձեռնություններով իշխանությունը շարունակելու է պառակտումը հասարակության մեջ՝ բերելով նոր բաժանումների՝ հակառուսական, հակաեվրոպական, պիտակավորումներով։

ԱԺ «Հայաստան» խմբակցություն
21.06.2024թ.

Մաս 2-րդ

Բոլոր քաղաքական ուժերին և հասարակական կազմակերպություններին, որոնք իրենց համարում են ժամանակակից հայ հանրության մաս և պատրաստ են պայքարել ազատության ու արդարության համար, պետք է իրենց հստակ վերաբերմունքը արտահայտեն հունիսի 12-ի իրադարձությունների կապակցությամբ։ Հակառակ դեպքում, մենք գտնում ենք, որ նրանք հավասարապես պատասխանատվություն են կրում Փաշինյանի վարչակարգի քաղաքականության համար, համերաշխ են նրա հետ և իրենց գործողություններով ամրապնդում են այն։

Կոչ ենք անում

1. Միջազգային հանրությանը՝ դատապարտել իշխանությունների գործողությունները։ Հակառակ դեպքում՝ ակնհայտ կլինեն երկակի ստանդարտները առ այն, որ մարդու իրավունքների, ժողովրդավարության և օրենքի գերակայության հարցերում միջազգային հանրության հետ համագործակցության օրակարգը սպառել է իրեն և կրում է բացառապես աշխարհաքաղաքական նպատակահարմարության բնույթ՝ սպասարկելով Փաշինյանի ռեժիմի շահերը։

Կոչ ենք անում ԵԽԽՎ-ին հունիսյան նստաշրջանի օրակարգից հանել Հայաստանի կողմից ստանձնած պարտավորությունների կատարման հարցը, քանի որ նախապատրաստված նյութերն օբյեկտիվ չեն, չեն արտացոլում մարդու իրավունքների և ժողովրդավարության որակի իրական վիճակը երկրում և էապես խրախուսում են Նիկոլ Փաշինյանի ավտորիտար ռեժիմի ամրապնդումը։ Եվրախորհրդի հետագա կողմնակալ վերաբերմունքը Հայաստանում մարդու իրավունքների, ժողովրդավարության և օրենքի գերակայության իրական վիճակին, ընդդիմության և քաղաքացիական հասարակության կարծիքների անտեսումը կվարկաբեկի այս կազմակերպության հեղինակությունն ու նշանակությունը։

1. Հաշվի առնելով, որ գործող իշխանությունների օրոք անհնար է հասնել իրավապահ մարմինների ղեկավարների գործունեության օբյեկտիվ և արդարացի իրավական գնահատականի (ներքին գործերի նախարար, ոստիկանապետ, ԱԱԾ տնօրեն, քննչական կոմիտեների ղեկավարներ), առաջարկում ենք նրանց ինքնակամ հրաժարական տալ։

Այս կոչին չհետևելը հետագայում դիտվելու է որպես Ձեր գործողությունները ծանրացնող հանգամանք, քանի որ պաշտոնավարման շարունակությունը ընկալվելու է որպես ապօրինի և հակաօրինական գործողությունները շարունակելու գիտակցված ցանկություն։

1. ՀՀ արժանապատիվ քաղաքացիներին՝ աջակցել Սրբազան շարժմանը, կանգնել այն մարդկանց կողքին, ովքեր ցանկանում են սրանց հեռացմամբ թևակոխել կայուն խաղաղության և ամուր պետության ժամանակաշրջան։

ՀՀ ԱԺ «Հայաստան» խմբակցություն
ՀՀ ԱԺ «Պատիվ ունեմ» խմբակցություն

13 հունիսի, 2024թ.Հայտարարություն

? Կարևորը ԱԺ-ից. Մայիսի 22, 2024թ․
#ԱԺ #ՀայաստանԴաշինք

? «Հայաստան» խմբակցությունը բոյկոտեց Սահմանադրական դատարանի դատավորի ընտրությունը և կառավարության հետ հարցուպատասխանը

? Արթուր Խաչատրյան
ՔՊ-ի միակ լեգիտիմությունը Ադրբեջանի բարեհաճ վերաբերմուքն է։ Ադրբեջանին կարգել են լեգիտիմության և անվտանգության երաշխավոր։ Փաշինյանը հայտարարում է՝ Արցախը «պավադոկ» էր, թոկ էր Հայաստանի վզին: Բնականաբար, եթե թոկ էր, պետք էր այդ «պավադոկը» կտրել: Արդյունքում շահեց Ադրբեջանը, շահեց ՀՀ կառավարությունը։ Սա ՔՊ-ի և «Նոր Ադրբեջանի» շահերի համադրման հրաշալի օրինակ է։

? Արծվիկ Մինասյան
Հիմա որքա՞ն է ՀՀ տարածքը, այս պահի դրությամբ 29743 քառ․ կմ-ից որքա՞նի նկատմամբ Հայաստանն ունի իշխանություն, ձեր՝ իշխանության գալուց հետո ինչքա՞ն տարածք եք թողել ՀՀ-ից ու Արցախից։