عليك في صدري الأشواق محتدمه ‏ارجع.. ورجّع محبتنا بـ أثر رجعي

عليك في صدري الأشواق محتدمه
‏ارجع.. ورجّع محبتنا بـ أثر رجعي

أحبّك.. وإذا ما كنت داري؟ أنا داري
‏أنا كلّ يوم أقولها لَوْ ما تسمعها
‏- سعد علوش

ذكرناك يوم إن المحبة.. من الأعماق
‏وتركناك يوم إن الكرامة على المفرق

"غطيت وجه السماء بغيوم وخيالي
‏والأرض غطيّتها بـ ورود سحريّه

‏متشابكٍ نبتها من كل الأشكالي
‏من كل الأشكال تقل نقوش زوليّه"
- بن زويبن

نسّم علي الهوى من مفرق الحارة
‏وأنا دخيل الهوى من يوم ما كنتي

‏أسوي من الورق والخيط طيارة
‏وأعلق النبض.. حتى لا تبيّنتي

‏تشوفين كيف الغريب يحن لدياره
‏وشلون لا صارت ديار الغريب: أنتي
‏- خالد الحربي

على كثر ما انت بقصةٍ ما تبي تفسير
‏على كثر ما احتاجت نهاياتها لإيضاح

‏رضيت الجفا .. مع وافر الود والتقدير
‏لأماكن لقاك اللي من أقفيت ما تنراح

‏انت يا حضرة جناب العاشق الزعلان مني
‏من يقول إن الهوى محتاج تلميح وإجابة؟

أنا اللي بيني وبينك
مسافة فارغة واحساس
‏تشوف اني على ظنّك.. ولا أشوفك على ظنّي