Poyezdda juft raqamdagi o'rindiqlarni yomon ko'raman :|

Men uylanish haqida post yozmaslikka harakat qilaman.

Yozmasligim kerak. Fikrlarim ommaniki bilan to’g’ri kelmagani uchun.

Lekin kechadan beri bitta fikr kalladan ketmayapti. Kecha tog’da velosayohat qilib yursam bir ukamiz maslahat so’rab yozipti. Bir qiz bilan tanishgan, hamma tomonlama ma’qul. Qiz yaxshigina muvaffaqiyatga erishgan, g’arbda yaxshi karyera boshlagan, pul topishi ham yigitnikidan ko’proq. Yigit ham u qizga ma’qul tushunishimcha. Yigit uylanish istagida. Hammasi zo’r va to’g’ri kelyapti. Ammo qiz shu 1-2-2,5 yoshga kattaroq ekanda. Shu o’ylantiryapti ukamizni… Nima qilay deydi.

Xayolim boshqa joyda bo’lgani uchun javobni qisqa qilib ”meni xotinim ham mendan katta, uylanganimda mendan ko’proq pul topar edi, gazini bos, barakali bo’ladi bundaylari” dedim.

Keyin o’ylab qoldim, nega yosh bunchalik katta ahamiyatga ega? Yigitlar bir qizni ko’radi, uni zo’r umr yo’ldosh sifatida ham ko’ra oladi, ammo yoshi katta bo’lgani uchun rishta qurishni xayoliga ham keltirmaydi.

Nega jamiyatimizda uylanmoqchi bo’lgan nomzod yoshi doim kichik bo’lishi kerak deyiladi? Bu qayerdan chiqqan fikr va standart? Javobini izlashga harakat qildim. Ayollar tez qariydi degan gap unchalik asosli emasdek, sababi kallik asosan erkaklarga hos. Semirish esa yosh va jins tanlamaydi.

Balki avallari oilalar asosan qishloq xo’jaligi bilan band bo’lgani va unda oilalarni bolalar mehnatiga ehtiyoji ko’proq bo’lgani uchundir?! Yosh ayol fertilroq bo’ladi va ko’proq bola ko’rishi mumkin deyilgandir. Bilmasam. Hozir bu ham argument emas. Sababi 2-3 ta farzand bilan STOP deyilyapti.

Men bilgan narsa shuki, ayolni va onani o’qigan bo’lishi, ilmi bo’lishi juda muhim. Bolalar kelajagi, jamiyat kelajagi uchun juda muhim. Bir soha mutaxassisi bo’lsa undanda zo’r. Turmushgacha bir sohada mutaxassis bo’lib, bir joyda ishlab muvaffaqiyatga erisha oldimi, yanada yaxshi. Demak mehnatkash, maqsadi bor, qiyinchilikka chiday oladi, o’z ustida ishlay oladi, jamiyatga foydasi ko’proq tegyapti. Ertaga oilani markaziga aylanadi bunday qizlar. Eng muhimi bolalari salomatligi va ta’limi bilan jiddiy shug’ullanadi. Bunday qizlar onalik uchun yaxshi nomzod hisoblanadi.

Endi bu natijalarga 17-18 yoshda erishib bo’lmasligi aniq. Bunday natijaga erishishi uchun institutda o’qir, ishlar, til o’rganar, bir sohani egallar. Bular 2-3 oyda bo’lmaydiku axir. Bunga kamida 6-7 yil vaqt ketib qoladi va qiz yoshi 25-27 bo’ladi.

”Yigit 25 yosh, qiz 27 yosh ekan” desang, ”Eee, jinnimisan, nimalar deyapsan…” degan reaksiya bo’lishi tabiiy.

”Katta bo’lsa aqli kirib qolgan bo’ladi” degan argument ham bor jamiyatda.

Bo’ydoqlar ishoning, sizga aqlli xotin kerak, zarur ?

Shu savollarni o’ylab yarim kechasi bir do’stimizga yozdim. Nega bizning jamiyatda shunday fikr bor, sababi nima bo’lishi mumkin deb so’radim.

”Ayol katta bo’lib, er yosh bo’lganini ko’rsatib beradigan misollar kam yoki deyarli yo’q bo’lgani uchun bo’lsa kerak” deb aytdi. Ha, fikriga qo’shilaman do’stimni. Hozirgi zamonamizda kam bunday misollar. Chunki yoshi kattaroq qizga uylanmaganimizdan keyin qayerdan ham bo’lsin bunday misollar.

Ammo misollar butunlay yo’q emas. Eng katta na’muna bor. Butun hayotini misol qilib oladigan shaxsimiz bor.

Yosh farqi 3 yoki 4 emas edi. Rosmana 15 yil edi.

Yigitlar, biz qo’shnilar, xolalar, bratanlar, atrofdagilar gapiga qarab emas, hayotga real qarab, onalar uchun yaxshi nomzodlarni tanlaymiz. Bu muhim. Onalikka nomzod ma’qul kelsa yoshiga uncha e’tibor bermaymiz.

Vaqt va umr nisbiy baribir.
Bek Olimjon
Norvegiya
23.05.24

#shunchaki Umrimiz minutiga 60 soniya tezlikda o'tib bormoqda...

Kanalga yozish doimo 2ta "ptichka" bilan sodir bo'ladi! Bu esa ajoyib.

Sevgi haqidagi kitoblar yoki kinolarga e'tibor bersangiz, aksar hollarda sevishganlar bir-birini azoblaydi, boshqalar ularni emas. Muammolar koʻpincha oʻzaro boʻladi va biri boshqasini baxtsiz qiladi. Oʻz-oʻzidan ikkinchisining ham hayoti mahv boʻladi. Nega?

Kema faqat suvda suzish uchun yasaladi, suv yoʻq joyda kema asl kemalik mohiyatini yoʻqotadi. Faqat suvdagina u oʻz vazifasini bajara oladi. Ammo ayni mana shu suv uning ichiga kirsachi? Ya'ni suv kemani ham yashatishi, ham yoʻqotishi mumkin. Toʻlaqonli yashash uchun uni mahv etishi mumkin boʻlgan suvga ehtiyoji bor.

Hayot ham, munosabatlar ham shunaqa. Sen ba'zi narsalarsiz yoki insonlarsiz yasholmaysan, ammo diqqat qilmasang, ehtiyot boʻlmasang, ostida boʻlishi kerak boʻlgan suv uning ichiga kirsa kema choʻkkani kabi, seni ham sevganing xarob qiladi. Usiz ham yasholmaysan, u bilan ham ehtiyot boʻlib yashash kerak. Hayot shu. Nimaniki qattiq sevsang, oʻsha sening imtihoningdir...

@salimov_blogi

Tushlikka bir kosa achigan bo'tqa.Yeysizmi?!

Haa-ya, yemaysiz: me'dangiz ayniydi.Yaxshi, oshqozonni o'ylarkansiz.

Lekin manovi miyyangiz ham axlat yutaverib charchadi-da, o'rgilay! Shu bechoragayam rahm qiling..

© muallifini aytmayman :|

Biz deyarli har kuni duch keladigan, lekin ularning nomlarini bilmaydigan narsalar:

1. Yomg'irdan keyingi yerning hidi - petrixor.

2. Bog‘ich ipning (shoelace) metall yoki plastmassa uchi, bu iplarni o'rashni osonlashtiradi - bu aglet

3. Tirnoq tagidagi yarim oy - lunula.

4. Ayol shakllariga o'xshash tabiiy shakllanishlar, odatda daraxtlar, toshlar, toshlar - bu natiform

5. Qo'shiqlardagi tushunarsiz so'zlar mondegrin

6. Ko'zlaringizni yumib, barmoqlaringizni ko'z olmangizga bosganingizda ko'radigan yorug'lik dog'lari - fosfendir

7. Ochlikdan gurillagan oshqozon - kollywubble.

8. Sharob shishasining pastki qismi puntdir.

9. Cheksizlik belgisi - lamniscata

10. Ertalab yotoqdan turish qiyin bo'lgan holat - disaniya.

11. Bir vaqtning o'zida savol belgisi va undov belgisidan foydalansangiz, bu interrobang.

12. Biror kishini yoki narsani derazadan uloqtirish defenestratsiya hisoblanadi.

....