اليوم خلص دوري بهي القناة بعد 4 سنين،

شكراً لكل إنسان كان موجود و دعم
أو لكل حدا كانت هالقناة تحتويه،

تبقوا بخير يارب?❤️

كل الحُـب للنّـاس يلي وجودها بيطغي عَـالسّلبية يلي حوليك،
يلي دايماً مستعدّين يفرحوا قلبك، بس لحتى يشوفوا سعادتك و المقابل شوية حُب يزيد بينكن ??

_ رؤى حسن ابراهيم

ناموا وريحوا عيونكن،
البوست المسائي المعتاد،

بس قبل ما تريحوا عيونكن، اعملوا فلاش باك لأكتر ناس مرقوا بحياتكن وحبيتوهن ولو عندكن فرصة وحدة تعبروا عن محبتكن احكوا وخلوا فيه ذكريات حلوة ترافقكن،

الفقد متل اعصار طلع فجأة استهونّا فيه و أخد ناس غالية علينا بلا ما نعرف كيف و لي

الحياة قصيرة عيشوها بلطف و حٌـب ?

انشالله بكرا يومكن حلو مع يلي بتحبوهن??

_ رؤى حسن ابراهيم

ناموا وريحوا عيونكن،

الحياة أقصر بكتير من مَد بصرك لشي قدامك،
تفائل بكلشي بصير، وما تزعل على سوء صابك، ربنا رحيم وكريم ودايماً بوجهك لطريق يفرحك قد ما صابك أذى منو بنهايته رح تتعلم تمشي صح و تصير إنسان متل ما بتحب تكون ?

_ ربنا بحبّك بسوءك ولما تكون إنسان منيح ❤️

#بحبكن_قد_الشّبابيك
#أحلامن_هنية

_ رؤى

جسرٌ بأكوام حجارة أشبه بغيابك
عيناك كون،ٌ و قهوة كادت تطفو من غليانها وتفوح برائحة تخدر كلّ الوجودِ .. وجودك ?

رؤى

⁵ " ⁶
يا صباح الخير ..
يا صباح الصّدف الرّبانية . .
نبدا اليوم بتذكير " كل شي بالحياة موجود لسبب، لبيدخل لحياتك أو يلي بروح ف سر الشّي يلي وراهن كبير لأنّو بالضرورة و حتماً سمحوا إنّك تكون سبب لتساوي أشياء كتيرة " ?

_ إنت قادر تكون عظيم، إنت قصّة ?

صباح عَ البال غير ..
رؤى حسن ابراهيم

و أوقات بتصدف معرفتك للناس بالحياة و يمكن أكتر ناس بتفهمك و بترتاح معها،
كل حدا فيكن بمكان و مسافات بينكن بلاد،

و الشعور الأصدق من كل شي إيجابي موجود صح لأبعد الدرجات ..

المشكلة ااوحيد البُعد،
و يمكن هاد خير و أحسن ??

_ رؤى حسن ابراهيم

بس أوقات الحياة عم توقف عندك، و الشّارع يلي مرّينا فيه بكّاني ..

و الشّتا صار رفيقي، عم افرح لما ينزل مطر ..
يلي تغيّر إنّو التّلج أكبر حكاية عرفتا منك و كل ضحكة منّك يومها بالبال . .

أيّام بتعدي وكل شي تجاهك بيكبر، كل ما كبرت المسافات تعلّق قلبي ..

كل ما مرضت تذكّرت خوفك، لما افرح و ازعل، كل نجاح إلي عيوني عم تضحك إلك،

و بأصدّق المواقف لبتكون صدفة، بتذكّر أوّل الحكاية ..

التفاصيل كانت بتنحَب و الختام كان مسك لأبعد حَد صرنا كل مين بحياتو بدون ولا صدفة تجمعنا ?

_ رؤى

كل عام وانتو بخير و أحن على بعض ❤️

استقبلوا نهار بكرا بتفاؤل و دُعاد مليان أمل تبدوا فيه يومكن ??

و بعدين نحنا دايماً قابلين للتغيّر ب يلي بيخدم مصالحنا أو طُرقنا،

عبارة " أنا هيك، ما بقدر اتغيّر"
حِجة مر عليها وقت و فرطت مصداقيتها،

إنت بتتغيّر لصالحك نفسك و لقوتك تزيد
و توصل لمكان بتتمناه ?

_ رؤى