Metroda qo‘llar pranki
Sen olib qochasan. U taʼqib qiladi. Ortda esa jarayonni prank sifatida videoga olib turishadi.
Toshkent metropolitenida tutqichdan ushlab turgan qizga tegajog‘lik qilgan yigitning videosi tarqaldi.
Unda ikki yigitdan biri telefonga video olishni boshlaydi. ikkinchisi esa qo‘li bilan tutqichdan ushlab turgan qizning qo‘lini bosib turishga harakat qiladi. Qiz qo‘lini olib qochsa ham, yana harakatda davom etadi.
Nemolchining [yozishicha](https://t.me/nemolchiuz/8723), bu TikTokerning pranki ekan. U videoni tarmoqqa qo'yib keyin o'chirib tashlagan. Toshkent shahar IIBBga murojaat qilganimizda, ular holatni o'rganishlarini aytishdi.

Yo‘q, vahima qilinmayapti, albatta)
Bu oddiy holatdek ko‘rinishi mumkin. Ammo, fuqarolarning buni ataydan tasvirga olishiga haqqi bor yoki yo‘qligi qiziq. Videodagi qiz kim, yigitlarni taniydimi yoki yo‘q, o‘zi uni videoga olishganini biladimi, yo‘qmi? Buni bilish qiyin) Balki arz ham qilmagandir.

Biroq, unga eslatib o‘tmoqchimiz, agar u holatdan bexabar bo'lsa, O‘zbekistonning tegishli qaroriga ko‘ra, uning o‘ziga nisbatan tazyiq va zo‘ravonlik sodir etilganligi ariza bilan tegishli vakolatli organlarga hamda tashkilotlarga yoxud sudga murojaat etishga haqqi bor!