Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — къуыри.

⚫️ Дæхи «СапÆ»-йыл бафысс

Ӕппӕты асламдӕр сты футбол ӕмӕ уӕгъдибар хъӕбысхӕст: сывӕллоны спортивон секцимӕ кӕнын Дзӕуджыхъӕуы цас сысты

?Сентябры канд ног ахуыры аз нӕ райдайы, фӕлӕ ма ныййарджытӕ мӕты бацӕуынц, сӕ кӕстӕрты цавӕр секцитӕм радтой, зӕгъгӕ. Иуӕй, спорты хуыз равзарын хъӕуы, иннӕмӕй та, цӕй аргъ сыстдзӕн, уый дӕр ахъуыдыйаг у. «Сапӕ»-мӕ дӕр цымыдисаг фӕкаст. Ӕргътӕ базыдтам тренертӕй ӕмӕ сӕрмагонд дуканиты.

Ӕппӕты зынаргъдӕр разынд къӕлӕттыл аив бырынӕй спорты хуыз. Къуыри 3 хатты тренировкӕтӕ кӕнгӕйӕ, мӕйæн бафидын хъӕуы 7-9 мин сомы. Тренировкӕтӕ вӕййынц профессионалтæн ӕмӕ йӕ уды дзӕбӕхӕн чи ахуыр кӕны, уыдонӕн. Цӕуӕн сӕм ис, 5 азы кӕуыл сӕххӕст, уыдонӕн. Ахӕм аргъ ма сыстдзӕн хоккейы секци, фӕлӕ сын уым спортивон уӕлӕдарӕс сӕхӕдӕг дӕттынц.

Дыккаг бынаты ис теннис. Къуыри 3 хатты тренировкӕтӕ кӕнгӕйӕ, мӕйӕн бафидын хъӕуы 6 мин сомы. Ракеткӕтӕ ныййарджытӕн сӕхицӕн ӕлхӕнгӕ сты. Тренер куыд радзырдта, афтӕмӕй, рӕстӕмбис нымадмӕ гӕсгӕ, иу ракеткӕ 5 мин сомы кӕны. Уӕлӕдарӕсмӕ бӕлвырд домӕнтӕ нӕй, кӕмӕн куыд йӕ бон у, ахӕм спортивон уӕлӕдарӕсы цӕуы.

Уӕдӕ ленк кӕнын сахуыр кӕнын кӕй фӕнды, уыдоны та ӕрвылмӕй сӕ дзыппӕй цыппаргай мин сомы исын хъӕудзӕн. Худ, уӕлӕ- ӕмӕ къахыдарӕс — алцыдӕр ӕлхӕнынц ныййарджытӕ.

Иу мӕй футболӕй архайыны аргъ у 4 мин сомӕй уӕлӕмӕ. Уӕлӕдарӕс, кӕмӕн йӕ къух куыд амоны, афтӕ. Сӕйрагдӕр у сӕрмагонд къахыдарӕс — бутсӕтӕ ӕмӕ «сороконожкӕ»-тӕ.

Йӕ сывӕллоны аивадон гимнастикӕмӕ радтынвæнд чи скӕна, уыдон мӕй фиддзысты 2,5 мин сомы. Ахӕм дзуапп нын радтой 3 секцийы. Тренировкӕтӕм хицӕн уӕлӕдарӕс нӕ хъӕуы, фæлæ ерыстӕм — о.

Ирон кӕфтыты къордмӕ цӕуыны аргъ у мӕй 1,8-2 мин сомы. Ам домӕнтӕ хицӕн кӕнынц. Зӕгъӕм, кафджыты скъолаты сывӕллӕттӕн балхӕнын кӕнынц ансамблы нысанимӕ футболкӕ. У мин сомы бӕрц.

Уыйхыгъд, горӕты уӕгъдибар хъӕбысхӕсты секцитӕм цӕуӕн ис лӕвар. Тренировкӕты лӕппутӕ хъуамӕ уой спортивон уӕлӕдарӕсы, ерысты та — сӕрмагонд трикойы.

⚫️ Дæхи «СапÆ»-йыл бафысс

Алагиры цӕрӕг амардта йӕ сыхаджы куыдзы, йӕ кӕрчыты йын кӕй бахордта, уый тыххӕй

?Пъӕлицӕмӕ хъаст ныффыста 38-аздзыд К. Мӕдинӕ. «Сапӕ» куыд базыдта, афтӕмӕй йын йӕ куыдзы мард йӕ сыхаг радта. 55-аздзыд А. Марат куыд бамбарын кодта, афтӕмӕй куыдз знӕтхуыз уыд ӕмӕ кӕрчытӕм лӕбурдта. Нӕлгоймаг ыл куы фӕхъӕр кодта, уӕд ыл куыдз фӕхӕцынмӕ хъавыд. 

Нӕлгоймаг бацыд хӕдзармӕ, райста йӕ пневматикон топп ӕмӕ йӕ фӕтӕрсын кӕныны тыххӕй цалдӕр хатты нӕмыг суагъта. Фӕстӕдӕр ӕй мардӕй куы федта, уӕд рабæрæг, кӕй йыл сӕмбӕлд. Нӕлгоймаг мард куыдзы йӕ хицаумӕ ӕрбахаста.

➡️ Байгом кодтой уголовон хъуыддаг.

⚫️ Дæхи «СапÆ»-йыл бафысс

Петардӕты срӕмыгъдӕй 7-аздзыд камбилеевкӕйаг лӕппуйӕн атахтысты йæ æрмттæ

?«Сапӕ» куыд базыдта, афтӕмӕй сывӕллон тынг уӕззау уӕвӕры ис. Йӕ цӕсгом у сыгъд, йӕ къӕхтӕ — цӕфтӕ.

7-аздзыд лӕппу хӕдзары фарсмӕ ссардта ӕхсыры ӕфсӕн къопп. Бавӕрдта дзы петардӕ ӕмӕ чысыл рӕмудзӕн ӕрмӕджытӕ, афтӕмӕй срӕмыгътой. Сывӕллоны раздӕр аластой Горӕтгӕрон районы рынчындонмӕ, уырдыгӕй та — Сывӕллӕтты республикон клиникон рынчындонмӕ.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — рагфӕдзхст.

⚫️ Дæхи «СапÆ»-йыл бафысс

«Бахъуыд нӕ паддзахы рӕстӕджы агуыридур агурын»: медицинон академийы историон бӕстыхайы фӕвӕййынц рацарӕзты куыстытӕ

?Культурон нысаниуӕг кӕмӕн ис, уыцы объекты рацарӕзты куыстыты 85% уал фесты. Специалисттӕ фӕфидар кодтой бӕстыхайы бын, ногӕй йын бамбӕрзтой йӕ сӕр, сног ын кодтой йе 'ддаг бакаст.

? «1950-1960-ӕм азты архитектурӕ ӕмӕ арӕзтады тыххӕй закъон афтӕ карз нӕ уыд, ӕмӕ бӕстыхаймӕ бафтыдтой дыккаг уӕладзыг. Самадтой йӕ советон агуыридурӕй, уый та паддзахы рӕстӕджы дуртӕй дзӕвгар хицӕн кӕны. Ныр нӕ бахъуыд  рагон агуыридуртӕ агурын ӕмӕ, агъуыст кӕм фехӕлд, уым советон агуыридурты бӕсты, цӕмӕй арӕзт у, ахӕмтӕ ӕвӕрын», — радзырдта Цӕгат Ирыстоны медицинон академийы ректор Олег Ремизов.

Бӕстыхай рацаразыны проектыл афӕдзӕй фылдӕр куыстой. Куы бавнӕлдтой, уӕд дзы разынд ног бакусинаг хъуыддӕгтӕ.

? «Къултӕ сыгъдӕг кӕнын куы райдыдтам, уӕд рабӕрӕг, ӕвзӕр уавӕры нӕ, фӕлӕ раст кӕлӕддзаг уавæры кӕй сты, уый. Цы 'хца нӕм уыд, уый хынцгӕйӕ, ногӕй бакуыстам проектон-сметон гӕххӕттытыл», — радзырдта «Сапӕ»-йӕн реставрацион компани «Скифос-РСК»-ы разамонӕг Петр Павлов.

Зындӕр куыстытӕ фесты. Специалистты ма хъӕуы мидӕггаг куыстытӕ бакӕнын. Объект мӕйы кӕронмӕ сцӕттӕ уыдзӕн. Фыццаг уӕладзыджы уыдзысты факультетты деканаттӕ, дыккаджы та скӕндзысты музей, аудиторитӕ, лекцитӕ кӕсӕн зал.

➡️ Бӕстыхай арӕзт æрцыд инженер Павел Шмидты проектмӕ гӕсгӕ 1911 азы. Уыдис Терчы ӕфсады ахуыргӕнджыты семинарийы бӕстыхӕйттӕй иу. 1918-1920-ӕм азты хъазахъхъӕгты ӕфсад куы ныппырх кодтой, уӕд ахуыргӕнджыты семинарийы куыст дӕр бамынӕг, йӕ бӕсты та байгом кодтой Адӕмон ахуырады теркаг институт. 1940-ӕм азтӕй фӕстӕмӕ бӕстыхайы ӕрбынат кодта медицинон институт — ныртӕккӕ Цӕгат Ирыстоны медицинон академи.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — ныв.

⚫️ Дæхи «СапÆ»-йыл бафысс