Sharoblar ichildi, xum qoldi, jonim,
Dengizlar quridi, qum qoldi, jonim.
Asrlar yashaldi, faqat yodimda
Sen bilan o‘tgan bir zum qoldi, jonim.

Agarchi ichimda vulqonim tirik,
Agarchi tilimda qalqonim tirik,
Valekin og‘zimda talqonim tirik,
Valekin tishimda mum qoldi, jonim.

Boshimdan o‘tdilar falokatlarim,
Tug‘ilish, uyg‘onish, halokatlarim,
Xorazmiy xatlarim, sug‘diy xatlarim...
“Dol”u “zol”, “lom” bilan “mim” qoldi, jonim.

Nobino ko‘rlarim binoday o‘tdi,
Sinoday zo‘rlarim Sinoday o‘tdi,
Bir yarim soatlik kinoday o‘tdi...
Topinmog‘im uchun kim qoldi, jonim?!

Savolmi, javobmi bo‘yla boqishing,
Mug‘ning rohibiday olov yoqishing?..
Javob bermasang ham mayli, xohishing,
Sendan kattalar ham jim qoldi, jonim.

Sharoblar ichildi, xum qoldi, jonim,
Dengizlar quridi, qum qoldi, jonim.
Asrlar yashaldi, faqat yodimda
Sen bilan o‘tgan bir zum qoldi, jonim.

Xudoyim, qovrildim, tugaydi qachon
Bu gulxan yurakning lovullashlari.
Bu tun yana menga bermadi orom
Qonimning olovli shovullashlari.

Menchalik yonmagan hech kim… menchalik
Hech kim o‘chmoqlikni etmagan orzu.
Boryapman chaqmoqning bo‘lagi yanglig‘
Lahzalik umrimni falakka osib.

Hatto vulqonlarda olovlik bekor –
Mening yong‘inimning yo‘qdir adog‘i.
Ichimda maysaning armonlari bor –
Yomg‘irda o‘sishning hasrati, dog‘i.

O, sasing yetishdi ruh ila tanga,
Rahmat, kalomlaring buncha muloyim!..
Meni o‘chirtirma biror bandangga,
O‘zing o‘chir meni… O‘zing… Xudoyim…

Latta puttaga qiziqadigan qizlar uchun kanal opkeldim:

https://t.me/Shahnozas_brand

Hayrli tun N, G, A

Gulyuz chiroyli qiz masalan ?

Endi bo‘laverar hayrlashsak ham, Qorlar eridilar... Yomg‘irlar tindi. Mensiz ham turadi bu ko‘hna olam, Sensiz ham hech narsa o‘zgarmas endi. Hissiz ko‘zlaringda suzar suratim, So‘ngi suhbatlarni olayapman yod. Hali sezmayapsan sog‘inch qudratin, Hali tomog‘imdan…

Endi bo‘laverar hayrlashsak ham,
Qorlar eridilar...
Yomg‘irlar tindi.
Mensiz ham turadi bu ko‘hna olam,
Sensiz ham hech narsa o‘zgarmas endi.

Hissiz ko‘zlaringda suzar suratim,
So‘ngi suhbatlarni olayapman yod.
Hali sezmayapsan sog‘inch qudratin,
Hali tomog‘imdan o‘tmadi faryod!

Endi bo‘laverar hayrlashsak ham,
Bizni o‘tin qilgan olovlar so‘ndi.
Begonalik sari qoldi bir qadam.
Faqat unutmoqni eplasak bo‘ldi!

Endi bo‘laverar hayrlashsak ham,
Yana bir nafasmi, bir onmi  hayot.
Faqat yashamoqlik qiladi alam,
Sening kelishingni kutib umrbod.

Malika Tavfiq

Hayer