اللهم صل على محمد وآل محمد
السلام عليك يابقية الله في ارضة
قصيدة لمولاتي زينب عليها السلام
????

رهينة اجسادكم عالكاع مرمية
وزينب بت علي مشوهة مسبية
????
على نوك الهزل للشام مشؤهة
وبطول الدرب بس تون خلوهة
ورؤس اخوتي بارماح شالوهة
اون اعلة المشو والعين معمية
????
اصيح بصوت يهل الزود والغيرة
زينبكم بعدكم صارت بحيرة
صحت اه يالحنين الماالي غيرة
عكب عباس امشي وي الصخرجية
????
عفتكم ياهلي والقلب يلهب نار
اه يفراكهم بالقلب ضل بسمار
ارؤحن وين خوية والفكر محتار
جليلة امخذرة واليوم مسبية
????
عالوليان مابطل دمع عيني
وعالخوان ابد مايبطل ونيني
ياعباس خوية من يباريني
عكب عيؤنكم من ينشد علية
????
من ينشد علية والاهل نومة
عفناهم ضحاية بؤسط هالحومة
بكت فوك الترب غركانة بدمومة
غادرني زماني وانكطع بية
????
بقلمي المتواضع العلوية والشاعرة ام حسام الفاتحة الى شرف النبي والائمة الاطهار عليهم السلام والى رؤح ابنتي الشابة سلوى بت علي ذمة عدم مسح الاسم

اللهم صل على محمد وآل محمد السلام عليك يابقية الله في ارضه قصيدة لمولاتي شريفة بنت الحسن عليهم السلام

نخيتج ياشريفة بكلبي حسرة
هموم اهواي يابت فاطمة الزهرة
انظري وشوفي حالي
عذبتني الليالي
ياشريفة ياشريفة
✍✍✍✍
اريد امراد من ايدج تفرحيني
مولاتي اجيتج دمعتي بعيني
تمر ايام ابد ماغمضت عيني
بالشدات ياام الكرم حظريني
دمعتي اتلالي بالعين
يابنت الميامين
ياشريفة ياشريفة
✍✍✍
اريد انخة شريفة بعين سجابة
ابوج المايسد لليعتني بابة
كلبي من المصايب صار نشابة
يون وينوح كلمن فاكد احبابة
ابجي وتجوي دمعاتي
تضل بكلبي حسراتي
ياشريفة ياشريفة
✍✍✍
عيني ساهرت مانامت الليل
تبجي عالمشوا من شالوا بليل
اون وابجي واصيح الوبل ياويل
ياريت المشوا وياهم نشيل
صبريني عليهم
الفىكة مو بديهم
ياشريفة ياشريفة
✍✍✍
طبيت الضريحج والقلب نار
بكلبي من الهظيمة نبت بسمار
دمعتي عالوجن مولاتي مدرار
اسولف ضيم كلبي وانة محتار
مترديني خايب
يابنت الاطايب
ياشريفة ياشريفة
✍✍✍
بقلمي المتواضع العلوية والشاعرة ام حسام الفاتحة الى شرف النبي واله الطيبين الطاهرين والى رؤح ابنتي الشابة سلوى بت علي ذمة عدم مسح الاسم

اللهم صل على محمد وآل محمد السلام عليك يابقية الله في ارضه قصيدة لمولاتي الزهراء عليها السلام
???
روحي تشتاك وماخذة الراك
لامي مشتاكة لامي مشتاكة

مر الفراك صعبة الاشواك
الفركة حراكة الفركة حراكة
???
صار الغروب روحي تذوب
اتريد الاحباب اتريد الاحباب

هملت العين نور الاثنين
اهلي غياب اهلي غياب

صحت ياويل راحت بليل
قلبي انصاب قلبي انصاب

فاكدة احباب كلهة غياب
يمتة نتلاكة يمتة نتلاكة
???
اجهب الدار والقلب نار
من يلاكيني من يلاكيني

بس صدة يصيح ودمعتي تسيح
تارسة عيني تارسة عيني

ماكو اخبار من اهلي الاطهار
يمة حاجيني يمة حاجيني

مايعودون العشرة متهون
روحي مشتاكة روحي مشتاكة
???
اسهر الليل مابقة حيل
من يواسيني من يواسيني

دربج بعيد ولو اجة العيد
رسمج بعيني رسمج بعيني

الحسن وحسين يمة غاليين
زيدوا ونيني زودوا ونيني

فرك الاحباب بقلبي انصاب
كثر اشواكة كثر اشواكة
???
بقلم العلوية والشاعرة ام حسام
وقلم الشاعرة ام رحاب /كوت
الفاتحة إلى رؤح ابنتي الشابة سلوى بت علي ذمة عدم مسح الاسم

دارميات عن كرم الإمام الكاظم ع ?ابيات حاجه?
✍️✍️✍️✍️✍️✍️✍️✍️✍️

اليتعنه الك مولاي مايبقى حاير
وتكضيهن الكلفات يابو المناير
✍️✍️✍️✍️✍️✍️✍️✍️✍️

تكضيهن الكلفات ميصعبن اعليك
ومن عمك العباس غيره الله ناطيك
✍️✍️✍️✍️✍️✍️✍️✍️✍️

من عمك العباس ماخذ وفه وزود
وبالشده ابو الطلبات يفزعلي هادوود
✍️✍️✍️✍️✍️✍️✍️✍️✍️

يفزعلك من اطيح بس امشي كصده
وباب الكرم مفتوح لامايسده
✍️✍️✍️✍️✍️✍️✍️✍️✍️

مايسد بابه الحيد فاتحلك الباب
وشكم مريض اليوم جوه الصحن طاب
✍️✍️✍️✍️✍️✍️✍️✍️✍️

اشكم مرض وشكم صعبات حلهه وكضاها
ولمضيع الوصفات يمك لكاها
✍️✍️✍️✍️✍️✍️✍️✍️

يمه اشتريد ادكول احجي ويسمعك
ولو كتله بالعباس ثق مايردك
✍️✍️✍️✍️✍️✍️✍️✍️

لو كتله بالعباس مايحمل يغيض
ونهر العطا معروف من جفك يفيض
✍️✍️✍️✍️✍️✍️✍️✍️

لوكتله بالعباس وبالجف توسل
مايبطي ينطي ابساع لاعمه يزعل
✍️✍️✍️✍️✍️✍️✍️✍️✍️

مايبطي والمطبوب ابسرعه ينطي
وللكرم والحاجات ربك امخلي
✍️✍️✍️✍️✍️✍️✍️✍️✍️

للكرم والحاجات خلاله الف باب
وباب الحوائج هاذ مايرد طلاب
✍️✍️✍️✍️✍️✍️✍️✍️✍️

اكضيهن الصعبات يبن الكرامه
وخله المريض يعود لهله بسلامه

بقلمي ✍️عاشقه العباس الشاعرة والملا ام عراق الشمري
ولايجوز حذف الأسم شرعا وغير مبري الذمه لكل من ينسب الكلام لنفسه