Бүгүн биэриибит ыалдьыттара Саха сирин опорнай пуунун байыаһа Петр Иннокентьевич Лебедев Новоазовскай куораттан бу күннэргэ дойдутугар кэлэ сылдьар. Дьокуускайга үлэлиир сиэккэни өрөөччүлэр "Боевые шелкопряды Якутии" хамсааһынтан Тамара Дмитриевна Попова итиэннэ "Добровольцы" хамсааһынтан Татьяна Петровна Прохорова. Онон кэпсэтиибит бу тула барыаҕа.

Толору "Дойдум Тэтимэ" биэриини манна истиэххитин сөп.

Радио России Саха 104.9

Сайын үгэнэ буолан сынньанааччы ахсаана үксүүр. Өлүөнэ очуостарыгар быйыл туристар ахсааннара элбээн, эттиин-хааннын дууһалыын сынньанарга саҥа сүүрээннэр киирэ тураллар. Ол курдук туристар очуостарга чэпчэкитик тахсалларыгар 3 км. усталаах ыллык оҥоһуллар, эбиитин уот ситимэ киирэн, Wi-Fi баар буолуоҕа. Бу туһунан Өлүөнэ очуостара национальнай паарка дириэктэрэ Аркадий Семенов иһитиннэрэр.

Радио России Саха 104,9
Корреспондент: Кыыдаана Иванова

Азия оҕолорун оонньууларын 9 күнүн түмүгүнэн Саха сирин сүүмэрдэммит хамаандата уопсайа 18 мэтээллэннэ. Оҕунан ытыыга Кристина Дрозд кыһыл көмүс мэтээллэннэ, стендовай ытыыга саха спортсменнара эмиэ тэҥнээхтэрин булбатылар.  Саян Константинов, Амилия Седельникова кыһыл көмүс мэтээллэннилэр. Бүгүн от ыйын 5 күнэ Дохсун спорт комплексыгар скалолазание көрүҥэр түмүктүүр күн финал ыытылла турар. Азия оҕолорун оонньууларыгар Өрөспүүбүлүкэбит араас улууһуттан успуорду сэргээн көрөөччүлэр мусталлар. Бүлүүттэн Кристина бу улахан хабааннаах тэрээһин туһунан санаатын үллэстэр.

Радио России Саха 104,9
Корреспондент: Виталий Буслаев

Туймаадаҕа алгыстаах алаадьынан, арыылаах саламаатынан, уохтаах кымыһынан ыһыах ыһыллар күнүнэн ЭҔЭРДЭ!
Үрдүк Айыылардыын алтыһан, алгыстанан, сыллааҕы күүс-сэниэ иҥэринэн доруобай, дьоллоох буолуҥ!

"Далла мэндэй" саха төрүт оҕунан ытыы күрэҕэ Д.Н. Трифонов аатынан ипподромҥа буолан ааста. Манна барыта 14 кыттааччы араас улуустартан кытыннылар. Муҥутуур кыайыылааҕынан Сунтаартан Кирилл Петров буолла???

@amma_olo5o @ulusmedia