Xaumea — Quyosh tizimidagi karlik sayyora.

2005-yil 29-iyulda bir-biridan bexabar holda 2 tadqiqotchi — Xose Luis Ortis (Ispaniya) hamda Maykl Braun (AQSh) tomonidan ochilgan.

Ispanlar dastlab obyektni nomlash uchun "K40506A" kodidan foydalanishgan. Biroq o'zaro suhbatlarda unga "Santa" nomini berishgan. Chunki sayyora 2004-yilgi rojdestvodan keyin ilk bor ko'zga tashlangandi.

2006-yil 7-sentyabrda u Pluton hamda Erida bilan birga "Kichik sayyoralar katalogi"ga kiritilgan.
Keyinroq ispanlar sayyorani Iberiya bahor ilohasi sharafiga "Ataetsina" (Rim mifologiyasidagi Prozerpina) deb nomlamoqchi bo'lgan. Biroq, bu variant "yer osti xudolari nomlari boshqa obyektlar uchun zahiraga olingani" sababli rad etiladi.

Shundan keyin Devid Rabinovits uni Gavayi tug'ilish ilohasi sharafiga "Xaumea" deb nomlashni taklif qiladi.

Xaumeaning 2 ta yo'ldoshi bor: Xiiaka (dastlab Santaning kiyiklaridan biri sharafiga "Rudolf" deb nomlangan) va Namaka (dastlab "Blitzen" deb nomlangan).

Nota bene!?****

Guantanamo kundaligi — AQSh hukumati tomonidan biror asossiz 14 yil davomida Guantanamo qamoqxonasida ushlab turilgan va qiynoqqa solingan maxbus — Muhammad Uld Slahi tomonidan yozilgan xotira kitobi.

Uld Slahi AQSh maxsus xizmati tomonidan 11-sentyabr voqealaridan ko'p o'tmay Mavritaniyada qo'lga olingan va 2002-yil avgustidan to 2016-yil 17-oktyabriga qadar Guantanamo qamoqxonasida saqlangan. Qiziq tomoni, unga nisbatan ayblov e'lon qilinmagan.

Advokat Nensi Xollanderning so'zlariga ko'ra, AQSh Mudofaa vaziri Donald Ramsfeld Muhammadga qarshi "maxsus so‘roq usullari"ni qo'llashni buyurgan.

Qamoqdalik paytida Slahi ingliz tilini o'rganib, 466 sahifalik kitob yozgan. Advokatlari kitobni jurnalist Larri Simsga berishga. Biroq AQSh rasmiylari bir necha yil davomida kitobning nashr etilishini ta'qiqlashgan. U 2015-yilga kelibgina nashr etilgan.

Ushbu kitob asosida "Mavritaniyalik" filmi suratga olingan.

Nota bene!?****

"Pudelmopstaksapincher va boshqa ibratli hikoyalar" ("Der Pudelmopsdackelpinscher und andere besinnliche Erzählungen") - nemis yozuvchisi Ernst Ximer tomonidan yozilgan va 1940-yilda nashr etilgan antisemitistik ruhdagi bolalar kitobi.

Ximerning hikoyalarida jamiyatda shakllangan barcha antisemitik stereotiplar ko'rsatilgan bo'lib, zoomorfik usulda hayvonlardagi salbiy xususiyatlar yahudiylarga ko'chirilgandi. Muallif bolalarni yahudiylarga qarshi urushda faol ishtirok etishga da'vat qilgan va ularni yo'q qilishga chorlagan.

Ernst Ximer o'qituvchi bo'lgan. Uning bundan tashqari yana bir bolalar kitobi — "Zaharli qo'ziqorin" (1938) ham antisemitistik ruxda yozilgan. Kattalar uchun esa, "Yahudiyalar turli xalqlar maqollarida" nomli kitob yozgan. Uning kitoblaridan natsistlar nemis yoshlari ongiga yahudiylarga nisbatan chuqur nafrat uyg'otish vositasi sifatida foydalanishgan.
Nota bene!?****

Telegram tarmog‘idagi naf olish mumkin bo‘lgan sara sahifalar

? Adabiy, ijodiy:
• @Jahon_kitoblar_olami – onlayn “kitob do‘koni”
• @Kitobshunoslik – barchasi kitoblar haqida
• @Maktub_Gazeta – ilm va ijod uyg‘unligi
• @Nosirjon_Jorayev – ko‘ngillarga malham she'riyat
• @Uzbekmunaqqidi (Adabiy jarayonlar)
• @ZakAdabiyot – adabiyot ummoni

⏳ Ilmiy, tarixiy:
• @AmirTemurtarixi (Amir Temur va Temuriylar tarixi)
• @Brain_Gamess – faktlar, testlar va biroz yumor
• @Burxonov_lite – nomsiz jurnalistning ilmiy izlanishlari
• @Ibtido_tarix (Sirli dunyo tarixi)
• @Jahon_statistikalar – qiziqarli va foydali raqamlar
• @Kadrdagi_tarix – biz bilmagan tarix
• @Mening_tilim (O‘zbek tili xazinasi)
• @Nota_bene1 – kamyob va kerakli ma'lumotlar
• @Svoyak_savollar – mavzulashtirilgan savollar
• @Tarix_uz_qollanma – tarixiy va ilmiy adabiyotlar
• @Tarixi_dunyo – tarix va tahlil
• @TikiPediya – har sohadan bir shingil
• @Uzbtarixkanal – qiziqarli faktlar va tarixiy suratlar
• @Shevashunos – dialekt va dialektologiya

? Ijtimoiy, siyosiy:
• @Azizbekh17mem – o‘ta nozik yumor
• @Harbiy_texnik – siyosiy va harbiy yangiliklar

? Kino, media:
• @Enigma_uz – sara filmlar

? Barcha kanallarga ulanish uchun bosing

​​Silbannak — III asr o'rtalarida yashagan Rim imperator-uzurpatori. Uning qanday hokimiyatga kelgani, shaxsiyati va, umuman, hayoti haqida ma'lumotlar deyarli yo'q. Faqat ikkita tangadagina uning surati saqlanib qolgan.

Silbannakning real hayotda mavjud ekanini tasdiqlovchi tangalardan biri 1937-yilda Lotaringiyadan topilgan. Tanganing aversida uzurpatorning rasmi va "IMP MAR SILBANNACVS AVG" ("Imperator Mar. Silbannak Avgust") degan yozuv bor edi.

1996-yilgacha bu tanga yagona bo'lgani uchun numismatlar orasida "Rim numizmatikasi Muqaddas Graali" deb atalgan.

1996-yilda Parijdan Silbannak tasviri tushirilgan yana bir tanga topiladi. Unda ham imperatorning rasmi hamda "MARTI PROPVGT" ("Mars himoyachisi") yozuvi bor edi.

Tadqiqotchilardan biriSilbannakning ismi kelib chiqishini o'rganib chiqqach, uning Galliyadan kelgan bo'lishi mumkinligini taxmin qilgan. Keyinchalik F.Xartman uning Filipp I Arab davrida (244-249) Reyn bo'yidagi gall qo'shinlariga rahbarlik qilgani haqidagi farazni ilgari surgan.

Ikkinchi tanga topilgach, S.Estio Silbannik 253-yillarning kuzida hukmronlik qilganini aniqlagan.

Nota bene!?****

*⚡️Hozirda telegramda eng foydali kanallardan iborat to’plamni siz aziz obunachilar uchun tuzib chiqdik.*

✨“Zakosfera” - foydali va qiziq malumotlar!

?Pastki linkni ustiga bosing va obuna bo’ling!

https://t.me/addlist/XprY5vmXb04yOWUy

Oltinko'l — Andijon viloyatidagi tuman. 1939-yilda tashkil etilgan. 1963-yilda Andijon tumaniga qo'shib yuborilgan hamda 1978-yilda qayta tashkil etilgan.

Tuman nomi etimologiyasi ayrim manbalarda "oltin ko'l" deya ta'riflansa-da, ba'zi olimlar bu versiyaga qo'shilishmaydi. Versiyalardan biriga ko'ra, ushbu hududda qadimda o'zlashtirilmagan yerlar, chakalakzorlar ko'p bo'lgan. Bundan tashqari bir qancha tabiiy ko'llar mavjud bo'lgan.

Shayboniyxon davrida bu yerlarga ko'chmanchi o'zbeklar kelib o'rnashishgan va yerlar asta-sekin o'zlashtirila boshlagan. Va o'sha yerdagi 6 ta ko'l atrofida vujudga kelgan qishloq "Olti ko'l" deb atala boshlangan.

Keyinchalik nom, balki yerning unumdorligiga ishora qilish maqsadida fonetik o'zgarishga uchrab, "Oltinko'l"ga aylanib ketgan.
Nota bene!?****