🔴 تعالوا نتكلم شويه عن سيدنا معاوية بن أبى سفيان .. قال عنه بعض العلماء أنه يبقى "خال المؤمنين" لأن أخته أم حبيبة ( أم المؤمنين رضى الله عنها زوجة رسول الله صلى الله عليه وسلم ) .. سيدنا معاوية من الصحابة اللى اتظلموا جدا فى التاريخ واتشوهت صورتهم .. لكن الحقيقة هو صحابى جليل .. فلازم نحس بالمسئولية من ناحيته ولازم ندافع عنه رضى الله عنه وأرضاه .

مرة واحد من الصحابة لقى النبى ﷺ وقت السهر رافع إيديه وعمال يدعى ويقول: "اللهم علم معاوية الكتاب والحساب وقه العذاب" .. فكان سيدنا معاوية من أمهر الناس فى الحساب، وحفظ القرآن بالكامل وكان من كتبة الوحى .. فسيدنا معاوية مكنش حد عادى ده كان من سادة الصحابة وأسلم يوم صلح الحديبيه 👌.

💥 فى موقف حصل واتذكر فى صحيح مسلم، الناس بتقول من خلاله ان النبى ﷺ كان بيكره سيدنا معاوية والعياذ بالله .. الموقف هو انه امرأة راحت للنبي ﷺ وقالت له أن فى ٣ من الصحابة متقدمين لخطبتها، ومش عارفة تختار بينهم ،
فالنبي ﷺ سألها مين ال٣ ؟
فقالت له أسماءهم ( أبا الجهم ، معاوية ، أسامة بن زيد ) فالنبي ﷺ بدأ يقول رأيه فيهم وقال أما "أبا الجهم " فلا يضع العصا عن عاتقه وأما "معاوية" فصعلوك لا مال له ولكن تزوجى من أسامة .. فأطاعت النبي ﷺ وتزوجت أسامة فربنا جعل لها خير فيه لدرجة ان الناس كانت بتقول يا بختها .. طيب النبى ﷺ قال أن معاوية صعلوك .. يعنى إيه بقى صعلوك ؟ معناها فى اللغة يعنى الفقير اللى مش معاه فلوس يقدر يتزوج بيها ... بس كده يا جماعة هو ده معناها .. النبى ﷺ مكنش بيكره معاوية ولا حاجة ..
صلى الله على سيدنا محمد وآله وصحبه الكرام ❤️.

#صحابه_رسول_الله ﷺ

5️⃣
#صحابه_رسول_الله
#علي_بن_أبي_طالب ❤️
#الفتنه_الكبري
👈ايه اللي حصل بعد "موقعه الجمل".. ؟
👈 سيدنا معاويه رضي الله عنه "خال المؤمنين" 🤗

🔴 خلصت "موقعه الجمل" واللوم يقع طبعا على قتلة سيدنا عثمان اللي أشعلوا الفتن وقوموا الدنيا على بعضها ..
طيب سؤال هي السيدة عائشة وطلحة والزبير خالفوا أى أمر لسيدنا على بن أبى طالب ؟ 🤔
لأ طبعا ..ده حتى سيدنا طلحة والزبير بايعوا سيدنا علي وخرجوا من المدينة بعد ما استأذنوا سيدنا علي .. والسيدة عائشة كانت أصلا بتحج فى مكة وكانت بتنصح الناس بمبايعة علي بن أبى طالب وموافقة جدا 👌..

ولما راحت السيدة عائشة مع الصحابة للبصرة كان هدفهم يجيبوا قتلة عثمان ويساعدوا سيدنا علي على القصاص .. وفعلا سيدنا علي وقتها كان خارج للشام ومكنش فى مراسلات سريعة بينه وبينهم عشان يبلغوه بأى تفاصيل .. فكانت النية سليمة جدا بجانب سرعة التخطيط ولكن المنافقين كانوا هم السبب فى إشعال الفتنة ✋.

طيب ليه المنافقين كتروا أوي كده ؟🤔
ليه ماكنش في حاجة توقفهم ؟🤔
لأن المنافقين في كل زمان وكل مكان .. والصحابة قليلين ومات منهم كتير جدا، فكل ما الصالحين يقلوا كل ما الخبث يزيد ، والنبي ﷺ قال: "خير الناس قرني ثم الذين يلونهم ثم الذين يلونهم" .. لأن التلات قرون الأولى دول أكتر قرون كان فيهم صحابة وكل ما الصالحون يموتوا كل ما الخير يقل .. علشان كده النبي ﷺ قال: " لا تقوم الساعة إلا على شرارِ النَّاس" يعنى دى من علامات يوم القيامة ✋

🔴 طيب سيدنا علي بن أبى طالب هيعمل إيه دلوقتى ؟🤔 هيعمل اللى النبى ﷺ أمره بيه 👌 ..
فاكرين لما النبي ﷺ قال لسيدنا علي : يا علي سيكون بينك وبين عائشة أمراً ( يعني بعد ما أموت هيحصل بينك وبين السيدة عائشة سوء تفاهم )
فقال علي: أنا يا رسول الله !! ( أنا هيحصل مشكلة بينى وبين أم المؤمنين عائشة !! )
فقال النبي ﷺ: نعم ..
فقال علي: إذاً أنا أشقى القوم يا رسول الله ، فقال النبي ﷺ : لا يا عليّ ولكن حين يحدث ذلك فأرددها إلى مأمنها (يعنى أرفق بيها واحميها ). صدق رسول الله ﷺ ❤️ .

سيدنا علي هيجهز السيدة عائشة للرجوع للمدينة .. وهيكون معاها مجموعة من أصحابه منهم أخوها محمد بن أبى بكر وسيدنا عمار بن ياسر .. فلما السيدة عائشة تلاقي أنها خلاص هترجع للمدينة تقف أم المؤمنين وتقول: " يا أبنائى لا يعتب بعضكم على بعض ( محدش يتكلم ويعيد ويزيد ) ووالله ما كان بيني وبين علي إلا ما يكون بين المرأة وأحمائها ( يعني عايزة تقول أنا وعلي حصل بينا سوء فهم زى أى واحدة وأهلها ) ووالله إن علي من الأخيار 👌❤️ ..

فسيدنا علي يسمع كلامها ويتأثر فيقف هو كمان ويقول: " صدقت أم المؤمنين ووالله ما كان بيني وبينها إلا ما يكون بين المرأة وأحمائها وإنها لزوجة نبيكم في الدنيا والآخرة" ..
بجد حاجة في منتهى النبل وسمو الأخلاق 🤗❤️

✋ طب هما عملوا كده ليه ؟🤔
علشان يسكتوا ألسنة أي حد ممكن يروح يحكى ويتكلم .. خصوصا أن المنافقين مؤكد هيبقوا عايزين يستغلوا ده✋ ..

🔴 ويأمر سيدنا علي الناس أنها تتحرك .. وفى الطريق تعدى السيدة عائشة وتبص على قبور القتلى .. قبر طلحة والزبير فتبكى 😥😥.. والرواة بيقولوا أن كلما ذكرت السيدة عائشة معركة الجمل بكت حتى بلت خمارها وقالت ليتني مت قبل هذا اليوم بعشرين سنة ..
وسبحان الله سيدنا علي بن أبى طالب قال نفس الجملة لما اتفاجئ أن الجيشين بيضربوا فى بعض ( لما المنافقين عملوا الخدعة) الإتنين قالوا نفس الجملة .. الإتنين نفس تربية النبي ﷺ .. واللى حصل كان فعلا صعب جدا 😔 ..

سيدنا علي بن أبى طالب بقى مدرك إدراك تام أن المنافقين مسيطرين جوه الجيش بشكل قوى جدا ..
وهيكون ليهم يد فى سفك دماء المسلمين ..
فسيدنا علي دلوقتى بقى هدفه أنه يرجع لخطته الأولانية قبل ما يحول طريقه للبصرة .. وهى أنه يحاول بكل الطرق يتفاهم مع سيدنا معاوية عشان يقنعه أن لازم تبقى إيدينا فى إيدين بعض .. ولازم تتم مبايعة علي بن أبى طالب الأول وساعتها حيبقوا إيد واحدة وينضم له جيش سيدنا معاوية ويقتصوا من المنافقين لأنهم كتير جدا 👌 ..

لكن سيدنا معاوية دمه بيغلى ومش قادر يتحمل أن المنافقين قدام عينيه ومش بيقتص منهم .. وطبعا هو معزور لأن اللى المنافقين عملوه مش شوية .. لكن مكنش فى أي نزاع بين سيدنا معاوية وعلى بن أبى طالب على الخلافة .. ولما كانوا يسئلوا سيدنا معاوية كان يرد ويقول: والله إنى لأعلم أن علي أفضل منى وأحق بالأمر .. ولكن ألستم تعلمون أن عثمان قتل مظلوما وأنا ابن عمه وولي دمه ✋.

فسيدنا معاوية مكنش بينازع عشان الخلافة و أصحاب رسول الله خط أحمر بأمر من رسول رب العالمين ..
قال رسول الله ﷺ : لا تسبوا أصحابى ..
وقالﷺ : لعن الله من سب أصحابى ..
وقال ﷺ: "والذي نفسي بيده لو أنفقتم مثل أحدهم ذهبا ما بلغتم أعمالهم"..👌✋

🔴 ويجرى واحد على السيدة عائشة ويبلغها بمقتل الزبير وطلحة .. فتنفعل جدا رضى الله عنها لأنها مش جاية للحرب.. فمعقول تحصل معركة ويموت طلحة والزبير رضى الله عنهما ؟!😟

واشتدت المعركة أكتر .. فتطلع السيدة عائشة أم المؤمنين وتصرخ وتقول : يا أبنائى الله الله يا أبنائى، اذكروا يوم الحساب .. ( يعنى كفاية سفك دماء .. بس طبعا يا أم المؤمنين ماتحاوليش محدش بيسمع .. العدد كبير )
فتعمل السيدة عائشة محاولة وتجيب واحد من حراسها وتقول له: ارفع سيفك وضع عليه المصحف وقف فى أرض المعركة ( علشان الناس تشوف المصحف يمكن يقف القتال ) فلما الراجل رفع المصحف فقتلة عثمان قاموا قاتلينه بعد لحظات 😔..

فتقف السيدة عائشة تدعى وتقول: اللهم ألعن قتلة عثمان .. اللهم ألعن قتلة عثمان ✋.. فتبدأ الناس اللى حواليها تنتبه وتبدأ الناس تقول آمين وسط دوشه المعركة ..
وسيدنا علي بن أبى طالب يسمع دوشة من الناحية التانية فيقولوله أن السيده عائشة بتدعى وتلعن قتلة عثمان .. فيعمل إيه سيدنا عليّ؟فيقف هو كمان وبأعلى صوته يدعي اللهم ألعن قتلة عثمان ✋
فالمنافقين اللى اندسوا فى جيش السيدة عائشة انضموا على المنافقين اللى فى جيش سيدنا علي وبقى عندهم هدف واحد بس .. إيه هو ؟🤔 جمل السيدة عائشة ✋ أصل السيدة عائشة فى هودج فوق الجمل .. فكان المنافقين عايزين يؤذوا السيدة عائشة 😔😥 ..

وتبدأ السهام تتوجه ناحية جمل السيدة عائشة 😟 ..
واشتد القتال حوالين الجمل اللى فوقيه هودج أم المؤمنين رضى الله عنها ( واتسمت المعركة باسم معركة الجمل .. لأن كان الجمل رمز ،كل الناس بتقاتل حواليه .. فلو الجمل مات كده الدنيا هتهدى والمنافقين هيعتبروا نفسهم انتصروا على جيش السيده عائشة رضى الله عنها ).

فيشوف سيدنا علي بن أبي طالب المنظر ده .. فيحاول بأي طريقة ينقذ أم المؤمنين رضى الله عنها ✋ ..
ويبدأ يصرخ في الناس اللي واثق فيهم وكان منهم أخوها محمد بن أبو بكر الصديق ويؤمرهم أنهم يضربوا السهام على جمل عائشة .. طب ليه ؟🤔
عشان لما المنافقين يلاقوا كده يفرحوا ويبعدوا .. ويفتكروا أنهم قدروا يوقعوا بين السيدة عائشة وسيدنا على 👌 ..
فسيدنا علي بيلعب على نفسيتهم .. فبدأ يتظاهر أنه قاصد يبعت ناس عشان يضرب جمل السيده عائشة فالمنافقين اطمأنوا وبعدوا عن الجمل 👌 ..

فيفضل أصحاب سيدنا علي يضربوا جمل عائشة بالسهام لغاية ما سقط على الأرض .. فيأمر سيدنا علي أصحابه بسرعة أنهم يحملوا الهودج ويحطوه فى مكان آمن ( تخيلوا الرعب اللي السيدة عائشة فيه 😥😥 )
فيجروا أصحاب سيدنا علي ومعاهم أخوها وياخدوا هودج السيدة عائشة ويخبوه ..

يبقى اللي أنقذ عائشة مين؟🤔
سيدنا علي بن أبى طالب ❤️ .. وتنتهي المعركة ويفرح المنافقين بإنتصار جيش سيدنا علي شكلا ✋ ..
لكن الحقيقة أن المعركة انتهت بخسارة كبيرة 😔😥
اتقتل سيدنا الزبير وسيدنا طلحة رضى الله عنهما من العشره المبشرين بالجنه 😥😥 غير باقي الصحابه اللي اتقتلوا غدر من المنافقين ✋..

🔴 خلصت المعركة والسيدة عائشة بقت في حماية سيدنا علي الحمدلله 👌🤲.. ويبعت سيدنا علي بن أبى طالب أخو السيدة عائشة محمد بن أبي بكر عشان يطمن عليها ..
فيروح ويقولها يا أم المؤمنين كيف حالك؟
في عندك مشكلة أو تعبانه ؟ قالت له: لا ..
وبعدين يدخل عمار بن ياسر .. فقال لها: " السلام عليك يا أمي" ،فرفعت رأسها وقالت له: "لست لك بأم " ..
( إيه ده ؟ هي زعلانة منه ؟ طب ليه ؟
لأن أنت يا عمار كنت سبب في أن الزبير يموت .. لأنه لما شافك وضع سلاحه ومشى )..
فرد سيدنا عمار وقال لها: " لا والله أنت أمي وإن كرهتي" ( الله .. شايفين جمال الصحابة ومعاملتهم الجميلة ) فتهدى السيدة عائشة 😟❤️ ..

دور مين دلوقتي يدخل بقى ؟🤔
سيدنا علي بن أبي طالب ..
هيدخل سيدنا علي ويقول: " كيف حالك يا أمي" فقالت "بخير" فقال سيدنا علي: "يغفر الله لك "
فقالت السيده عائشة "ولك يا علي" ..
طيب هل كده فى مشكلة بين سيدنا علي والسيدة عائشة ؟ لأ خالص .. مفيش بينهم أى مشكلة 👌 ..

#صحابه_رسول_الله ﷺ

اجواء رمضان غيير بهذي القنوات ?*✨***
https://t.me/addlist/bLnEu69lhFwwY2E0

مسابقه على اهداء تلجرام مميز ست اشهر ( نصف سنه ) *⭐️ *- شروط المشاركه بسيطه بس مهمه .
- تتفاعل مع المنشور
ركز مهم توجه أو تشارك المنشور (بقناتك) *⭐️ *كل ما عليك للمشاركه بس حط اسمك بل تعليقات ورح اختار شخص عشوائي يكسب *?* تكرر اسمك = استبعاد اسمك + حظر

تسوي نفسك ذكي وتدخل بحساب وهمي = حظر*⭐️*ملحوظه مهمه / لو فزت و ما طلعت مشارك هذا المنشور (بقناتك) ما رح تفوز و رح اختار غيرك ⚡️ القناه - t.me/bIuei⭐️**

محديش ينسا يخرج من القنوات بعد ماالسحب ينتهي احنا بناخد مصلحتني المميز ونمشي بتوفيق والكل يفوز وكمان اي سحب هينتهي هنمسحو علشان محديش يتلغبط