قمت آتساما عن كلام الملاقيف
‏لين أحسبوها ضعف و أنا آتساما

‏الله ليّا حط الضعافا مواليف
‏حط النشاما في طريق النشاما

‏واديٍ غصونه راويات و مواريف
‏ماهو بـ واديٍ لا منابت ولا ما .

فِ حفظ الله ي وجهٍ حداني لين حديته
‏على درب الغياب اللي يسجّه كل ملتاعي

‏تمادى بالخطاء والظلم والبهتان وأهديته
‏خروج م يجي عقبه رجوعٍ ولا تجماعي .

" تهواك عين مَا لدّت لغيرك نظرها " .

عن اللي يكّن القلب يغني كلام العين
‏عيوني معاك أكثر صراحة من لساني

‏جهل قيمتي من يحسب إنّه عرفني زين
‏متى تِدرك إني غير يا باعث أشجاني

‏شعوري تجاهك فيه كيف أبتدي ومنين
‏عسى نبرتي تنبيك عن حجم حرماني

‏أنا مثل كلمة واضحة في عيون اثنين
‏من الشوق كلٍ ينتظرها من الثاني .

لا هاج موج البحر واحتار مجدافي
‏من لي عوينٍ على الشدات غير الله .

طيفك هو المرحبا والمسهلا والسرور
‏وشوفك هي المنوه اللي صعب تحقيقها .

طرا الطاري اللي لا طرا طار حلو النوم
‏علئ الضايق اللي ينجرح لا كشف كبته

‏عليه الطواري لا أظلم الليل جات تحوم
‏تعيد الجروح و تنتج ابداع موهبته

‏لاشفته وهو يضحك ووجهه عليه وسوم
‏تقول أن صكات المقادير منجبته

‏مايدري هو الظالم أو أنه هو المظلوم
‏أو أنه وقع وياك في سوء عاقبته

‏ هذا جرحك البارح و ذا جرح ذاك اليوم
‏وذا جرح مدري وين الأيام جايبته
‏
‏بعد طاحت دموعك علئ صدرك المكتوم
‏تأكد بـ أنك ذنب لـ الحين ماتبته

‏قسم ربي الفرقا و عشنا مع المقسوم
‏وقنع قلبي بهمه و الاحزان ناسبته

‏واذا مرتك ذكرا الهوا وانجرحت بـ يوم
‏تعلم من اللي ما تعلم بتجربته

‏لا تشره علئ نفسك عداك العتب واللوم
‏أنا العاشق اللي في يده سلم ارقبته .

من بعد مزح ولعب
اهو صار حبك صحيح🤍.

سالبٍ لب المدايح وتيجان الوقار
‏وفارقٍ في جيل متشابهه نوعيّته .