**İmam Həsən ibn Əli (ə) buyurub :

“Hər keçənə salam vermək və məclisdə maqamından aşağıda əyləşmək təvazökarlıqdır”.

(Tuhəful-uqul səh 532 hədis,9)**

**Əmirəl-möminin (ə) buyurub :

“Hörməti olmasa belə, ağıllı adamla
yoldaşlıq etməyinin zərəri yoxdur. Onun pis əxlaqından özünü gözlə. Mərd insanın ağlından yararlanmasan belə, onu əldən buraxma. Öz ağlınla onun mərdliyindən yararlan. Axmaq adamdan var gücünlə qaç”.

(Tuhəful-uqul səh 200 hədis 32)**

**Əbu Həmzə İmam Sadiqin (əleyhissəlam) belə buyurduğunu nəql etmişdir:

“On iki mehdi (hidayətçi) bizdəndir”.

(Kəmalud-din səh 419 hədis 14)**

**İmam Sadiq (ə) buyurur:

“Göylərdə elə mələk yoxdur ki, İmam Hüseynin (ə) ziyarəti üçün Allahdan izn istəməsin. Onun ziyarəti üçün bir dəstə mələk enir, bir dəstə mələk isə yüksəlir”.

(Ravzatul-vaizin səh 333 hədis 409)**

**İmam Sadiqdən (ə) belə nəql edilmişdir:

“Allah rəsulu (s) buyurmuşdur: “Kim bir işi elmsiz (bəsirətsiz) görərsə, fəsadı (ziyanı) islahından (xeyirindən) daha çox olar”.

(Mişkatul-ənvar səh,187 hədis 13/680.)**

**İmam Baqir (ə) buyurur:

“Möminlər ata-ana qardaşıdırlar (əsl
qardaşdırlar), çünki Allah-taala möminləri cənnət torpağından yaratmış və onların üzlərinə cənnət mehindən göndərmişdir. Bu səbəbdən, onlar ata-ana qardaşı (əsl qardaş) olublar”.

(Əl-mumin vəz-zuhd səh,35 hədis 88)**

***Möminlərin əmiri Əli (ə) buyurur:

"Sən ancaq (insanları Allahın
əzabı ilə) qorxudansan. Hər tayfanın (doğru yol göstərən) bir hidayət edəni var!”⁶ ayəsində “hidayət edən” mənəm”.

(Ravzatul-vaizin səh,172 hədis 221)

⁶ Rəd,7.***

**İmam Əlidən (ə) belə nəql edilmişdir:

“Sizin ən xeyirliniz onlara baxıldığı zaman Allahın yada düşüldüyü kəslərdir".

(Mişkatul-ənvar səh,151 hədis 9/521.)**

**İmam Sadiqdən (ə) belə nəql edilmişdir:

“Bizim hədislərimizi düzgün oxuyun, çünki biz fəsahətli (səlist danışan) kəslərik”

(Mişkatul-ənvar səh,198 hədis 7/731.)**

**Nəql olunur ki, Allah rəsulundan (s) soruşdular:

“Ağıl nədir?” Peyğəmbər (s) buyurdu: “Allahın itaətinə əməl etmək. Yalnız Allahın itaətinə əməl edənlər ağıl sahibləridir".

(Ravzatul-vaizin səh,7 hədis 11)**