🖼💻Unha ducia de obras do Museo de Pontevedra que agora se poden ver na rede. Hai uns días o Museo de Pontevedra publicou na web 25.000 obras da súa colección, uns contidos que na súa maioría non se exponen en sala e que supoñen o 90% do fondo da institución. Entre as pezas, que se poden procurar pola súa autoría, época ou técnica, hai obras pictóricas, escultóricas, elementos arqueolóxicos ou etnográficos. Destacan especialmente algunhas coleccións, coma a que compoñen as obras realizadas por Castelao, que suman 1.795 elementos. Velaquí unha escolma destes fondos
https://praza.gal/ducias/obras-do-museo-de-pontevedra-que-agora-se-poden-ver-na-rede

📺🎪🗣ENTREVISTA | Elías León Siminiani: "Fascinoume a idea de recuperar unha utopía nun tempo de distopía"O documentalista Elías León Siminiani dirixe a serie 'El circo de los muchachos', producida por Vaca Films e Amazon, que xa se pode ver na plataforma de Amazon Prime. A historia do que sucedeu en Benposta narrada de principio a fin, con entrevistas dos xornalistas Marga Pazos e Luís Pardo a moitos daqueles nenos que formaron parte do proxecto do cura Jesús Silva
https://praza.gal/cultura/fascinoume-a-idea-de-recuperar-unha-utopia-nun-tempo-de-distopia

📌Da COTOP á CRTVG: marcas públicas que marchan tras facer país. Nos anos 80 canda a autonomía naceu unha simboloxía composta por identidades corporativas ligadas ao autogoberno. Algunhas viraron moi populares, caso da CRTVG, que semella encarar a súa recta final. Coa axuda da doutora en Publicidade pola UVigo Mónica Valderrama analizamos as claves da "adaptación aos tempos" en marcas que, como a dos medios públicos, van alén do comercial e implican "sentimento de pertenza"
https://praza.gal/politica/da-cotop-a-crtvg-marcas-publicas-que-marchan-tras-facer-pais

*🟦Pontón revalida liderado e albo estratéxico no BNG: "Non hai nada máis revolucionario que gobernar"*. A candidatura encabezada pola reelixida portavoz nacional obtivo un 84% de apoio nunha asemblea que avalou cun 92% o labor político da dirección. "Non hai unha tarefa máis urxente e necesaria que acabar co réxime absolutista do PP", subliñou Pontón na clausura do conclave, que outorga á súa lista 16 membros na Executiva, por 2 da liderada por Noa Presas e 1 da que tivo á fronte a Gustavo Barcia https://praza.gal/politica/ponton-revalida-liderado-e-albo-estratexico-no-bng-non-hai-nada-mais-revolucionario-que-gobernar

Unha gran pandeiretada pecha o Culturgal 2024, polo que pasaron 12.700 persoas. Durante as tres xornadas pasou polo Pazo da Cultura de Pontevedra o máis destacado da cultura galega, con propostas para todos os públicos (cunha intensa programación para a rapazada) e espazos para todas as artes, dende a literatura á música, pasando polas artes escénicas e plásticas, pero tamén os videoxogos https://praza.gal/cultura/unha-gran-pandeiretada-pecha-o-culturgal-2024-polo-que-pasaron-12700-persoas

Un estudo da USC observa “fortes vínculos” entre sexo pagado, pornografía e violencia contra as mulleres. Dous equipos de investigación da Universidade de Santiago levaron a cabo entrevistas con mulleres prostituídas e persoal técnico, ademais de enquisas a entidades sociais. Alertan de que a prostitución na era dixital "trata as mulleres coma obxectos de Amazon" e incrementa a súa deshumanización, o mesmo que o porno, “ao tempo que se reafirma a identidade masculina hexemónica” https://praza.gal/acontece/un-estudo-da-usc-observa-fortes-vinculos-entre-sexo-pagado-pornografia-e-violencia-contra-as-mulleres

🟪REPORTAXE | Radiografia do VioGén en Galicia: camiño dos 60 concellos e co reforzo da atención directa ás vítimas pendente. 5.886 mulleres están protexidas no noso país co sistema de seguimento integral dos casos de violencia de xénero a día de hoxe, nun…

*🎥ENTREVISTA | Margarita Ledo viña percorrendo un camiño feminista e de clase no seu audiovisual, con 'Nación' sublimou esa viaxe dende o poder colectivo das mulleres e agora, en 'Prefiro condenarme', explora a heroicidade dunha muller que vogou pola igualdade na ditadura desde a convicción do seu dereito ao amor e ao desexo. A película chega vén de chegar ás salas de cine por todo o país. "Sagrario defendeu o dereito a querer e a que a queiran"*, explica https://praza.gal/cultura/sagrario-defendeu-o-dereito-a-querer-e-a-que-a-queiran

*🔴*⚖️Catro dos cinco axuizados por matar a Samuel Luiz, culpables de asasinato.** O xurado popular considera tres dos xulgados como autores do asasinato do mozo coruñés e a un cuarto, cómplice. Entende que o principal acusado actuou "por animadversión cara á orientación sexual que atribuíu á vítima" A quinta acusada é exculpada https://praza.gal/acontece/catro-dos-cinco-axuizados-por-matar-a-samuel-luiz-culpables-de-asasinato

Rueda critica "a politización" dos actos para mudar a política lingüística do PP. O presidente da Xunta salienta que houbo "moitas bandeiras independentistas" no acto deste domingo apoiado por ducias de entidades, incluídos BNG e PSdeG https://praza.gal/politica/rueda-critica-a-politizacion-dos-actos-para-mudar-a-politica-linguistica-do-pp