{ بـسمـه تعـالى }

الـقصـيدة : على وداعك
اداء : محمد باقر الخاقاني
كلـمات : احمد الهلباوي

✮✮✮✮✮✮✮✮✮✮✮

على وداعك عمر انعى ودمعتي تگلي عيني
وبعدني الهسه يحسين انتضر ما نزلت ايدي

{ حسينآ وا حسينآ }

على وداعك ذبل گلبي وگبع جفني ابواجيه
العمر خيمة وغيابك نار بمهب الريح شيضل بيه
الهوى المابيه عطر منك حرام يمر على الريه
بعدني الداري ما طبيت اتاني ورافعه ايديه
بعدني احسب الك واكتب رسايل من حبر عيني
يهالمبعد بعدني اگعد على دربك بلچي تلفيلي
بعدني الهالوكت اسئل واجاوب ويه ليلي
اذا رد مهجه الزهرا شيلم فرحة دليلي

{ حسينآ وا حسينآ }

✮✮✮✮✮✮✮✮✮✮✮✮

صدگ مو انا ربيتك ولا شلتك ولا لوليت
يبو الطول اليسد العين بعد طولي شكثر ونيت
عاشرتك هوه عذيبي اشمه بكل كتر بالبيت
صرت يحسين ابن گلبي اعز من كل ولد ربيت
صحت يبني وكبر حزني وحنان البيني وبينك
عشگتك ام ادگ والطم لان حرگو صواوينك
فرگتك تاكل بحيلي وبعد ما تطفه ناري
شيطفيها وابن گلبي انذبح بالهيمة عاري

{ حسينآ وا حسينآ }

✮✮✮✮✮✮✮✮✮✮✮✮✮

الك مخلوقة دمعاتي ومصابك اكبر جروحي
ابو فاضل عديل الروح والك نرخص انا وروحي
يهل نايم بدون ثياب اموت وما يكف نوحي
احن واترخص من امك وانادي حسين مذبوحي
وابو فاضل صبح كافل وعبد عند اغلى مكفولة
عبد عندك الك وحدك ويلوگ الهيبتك طوله
شفت عودك علي بذاك النهار يقبل ايده
گلت هنيالي صار ابني اخو ينصر عضيدة

{ حسينآ وا حسينآ }

✮✮✮✮✮✮✮✮✮✮✮✮

يالرايح اگول تعود لچن گلبي شيقنعه
لشايل للطفوف بليل ما اظن بي بعد رجع
اليوگع من مهرته هناك وما يمة اخوته وربعه
يشبون بخيامة النار وما يسلم ابد ضلعه
الشمس تسعر وابو الأكبر غبار الطف يفييله
يراوونه سبي ظعونه ويمنعون اخته توميله
اگولن هم يرد بيته الاخذ ويا رضيعه
وعطش عاشر نصب سهمه ويتاني على الشريعه

{ حسينآ وا حسينآ }

✮✮✮✮✮✮✮✮✮✮✮

يهل ماخذ بنات امك واعرفك مالك رده
شيصبرهن اذا شافن وليهن عالثره لوحدة
اذا هدت عليهن خيل يضيعن بأول الهده
يطلعن للسبي خلافك وحدة تشد حبل وحدة
الحده بيهن يبچيهن ويمر بيهن على اعيونك
اليسر دربة وبجي غربه وهظم ما شافت عيونك
الدهر لو غربك بالطف تصير اختك غريبة
كلف هظم الزلم يبني وحجي الشامت مصيبه

{ حسينآ وا حسينآ }

✮✮✮✮✮✮✮✮✮✮✮
حساب الانستاا
fanz_mullah_muhammad_1

☜ بـسمـه تعـالى ☞

الـقصـيدة : غرامك جذبني
اداء : محمد باقر الخاقاني
كلـمات : كرار المحمداوي

❀❀❀❀❀❀❀❀❀❀❀

حبيبي حسيناه حبيبي يا حسين

غرامك جذبني واخذني اعلى بابك
أمرني بسجودي واقبل ترابك
يعلت وجودي اخذني برحمتك
أنا السائل الانتظر بس جوابك
اسلملك امري واوجه دموعي
وأني اليكَ ذهابي ورجوعي
يمالك حياتي واعيش بنعمتك
رفعتي على بابك دمعتي وخضوعي

حبيبي حسيناه حبيبي حسيناه

❀❀❀❀❀❀❀❀❀❀❀

احس بروحي ميت وحياتي بعزائك
واحس كل ضلامي تلاشى بضيائك
على اسبابك اسعى وامد ايدي الها
وترد الي اديه ضفيرة بعطائك
هواك انه اشمن عطر من محرم
عطر من بقاية رماد المخيم
عساني بمحبتك عشت عمري صفنة
وعسى تمس جبهتي وتعيشني مأتم

حبيبي حسيناه حبيبي حسيناه

❀❀❀❀❀❀❀❀❀❀❀

شعوري انته ساكن يمهجت محمد
ضميري السگيته بحروفك تورد
طويلة المسافة وغريب برحمتك
اخذني الغرامك ذليل ومقيد
احب على بابك تأجل زماني
وعسى لا تمر بحياتي الثواني
على اوقاتي كلها اعتذر يا امامي
ندبتك لساني اخافن تعذر ندبتك لساني

حبيبي حسيناه حبيبي حسيناه

❀❀❀❀❀❀❀❀❀❀❀

أنه عمري كله بغرامك توضى
وسگيني على ذكرك تمر چنها لحظة
اريدن رضاك واخذ كلشي بيه
وذا ترضى انته يقين الله يرضى
لحظرتك دموعي ارفعتها بأديه
يمن خله حبه يعت كلبي بيه
ابد مو جناني من اجيت طلبتكم
يمولاي اريدن رضاكم عليه

حبيبي حسيناه حبيبي حسيناه

❀❀❀❀❀❀❀❀❀❀❀
حساب الانستااا
fanz_mullah_muhammad_1

☜ بـسمـه تعـالى ☞

الـقصـيدة : فاطمة المعصومة
اداء : محمد باقر الخاقاني
كلـمات : كرار المحمدواي

❃❃❃❃❃❃❃❃❃❃❃❃❃❃

فاطمة المعصومة روحي الدارهم
يا گلب واحترگ حيل بنارها
نارها السر القداسة تحفظة
روح قدسية السفل بيها حضه
نارها البيها تعنت للرضا
لاحته سر سوته من اسرارها

❃❃❃❃❃❃❃❃❃❃❃❃❃❃

ودارها البال خير ضلت عامره
كل سمة بگيض وسماها ما طره
بدرب اخوها لأن ماتت زايره
الله كرم على البشر زوارها

❃❃❃❃❃❃❃❃❃❃❃❃❃❃

بيدها الخير واعتگلها النعم
يا كريمة واعلى من شان الكرم
صاروا ملوك الي قبلتهم خدم
وصار نور بنور كلمن زارها

❃❃❃❃❃❃❃❃❃❃❃❃❃❃

الرحمتة بنظرة ابتسامة من البشر
ماله صيت ولا اسم منها كبر
الكرم من فاطي العطاية افتخر
لگوا فردوس وعدم خطارها

❃❃❃❃❃❃❃❃❃❃❃❃❃❃

يلگه كل خير اليمد الها ايد
تلگه چم ناجي ما شافتله عين
يا جنات الي ما شافتها عين
انته بس بابها اصرخ يا حسين
تشوف خيرات الدمع مذراها

❃❃❃❃❃❃❃❃❃❃❃❃❃❃

تشوف شوگ الميخروها تعنت
تريد توصل يمه تعنه العمتي
الشوگ الحد نص الدرب ما حملته
ماتت ولرضا تربه انطته

❃❃❃❃❃❃❃❃❃❃❃❃❃❃

حساب الانستااا. fanz_mullah_muhammad_1

القصيدة : يجهزون بضعنهم
اداء : محمد باقر الخاقاني
كلمات : كرار المحمداوي

●●●●●●●●●●●●●●●●●●●●●●●●●●●●

بحلم جني جنت ومفاركة همومي
وعلى صوت الضعن فزيت من نومي
شفتهة لكربلا ناوين كل كومي
والموادع جواني وغير رسومي

●●●●●●●●●●●●●●●●●●●●●●●●●●●●

يجهزون بضعنهم واني ادير العين
ومحاملهم يكللي الصبح ماشين
عفت النوم هذا الليل ليل وداع
ضايكني الوكت والصبح عني ذراع
شجاه الليل وكتة شبي يمشي بساع
ما يرحم قلب بي حسرة مودعين

●●●●●●●●●●●●●●●●●●●●●●●●●●●●

ملزمة بل محامل ابجي واشتمهن
تهدهن كوة روحي وارجع الزمهن
كضيت الليل حد طرت الفجر يمهن
طفلة وليلة وحدة كبرتني سنين

●●●●●●●●●●●●●●●●●●●●●●●●●●●●

افكد بل ضليت سهرانة
يا محمل امرة فراك نيشانة
اكولن كون هذا محملي انة
ويجاوبني هلج يمشون وتضلين

●●●●●●●●●●●●●●●●●●●●●●●●●●●●

هلي رحموا دليلي وخاطري المفجوع
هلي والصبح من عندي يريد دموع
باجر اخ باجر يا شمل مكطوع
بيا عين الصبح وانطرهم مغربين

●●●●●●●●●●●●●●●●●●●●●●●●●●●●

صار الليل يكضي وانة اربيلة
تأخير الصبح ما بلقلب حيلة
وين الكة اليعطلهم بعد ليلة
هلبت يبدي امرة وما يروح حسين

●●●●●●●●●●●●●●●●●●●●●●●●●●●●

خذوا صيوان شفتة وخيم بل ركبان
واحس بروحي وج وما طفة الصيوان
اشم ليش بخيمهم ريحة الدخان
وعطش بل روح خضر ما دريت منين

●●●●●●●●●●●●●●●●●●●●●●●●●●●●

مكفة ضعونهم يخبرني لا رجعة
وبلوجدان احس ناعي الفكد ينعة
وراهم للضحة تمنيت ومودعة
الموت يحل ردت ما دامهم عدلين

شالو كل هلي. ضل داري خلي

ودمعاتي تهلي...حسـين

طحت اعله الدرب ودموعي تصب

كل دگه گلب....حسـين

من طوح الضعن دموع الصبر گضن

تمنيته بالرحيل لو يوگف الزمن

ريته ....يوگف ابابي....يعطل احبابي

ع الرحيل وترد ليه عافيتي

ريته...مهجة الباري ...يوگف ينادي

گومي يافاطمة بضعن اهل بيتي

علي مكتوب اناطر...واضل مكسورة خاطر

.......... ....................................... ....

ماضل عندي حس ...يابوية من امس

ضلت بالنفس....حسين

بيدك توملي الي تكلي استعجلي

صعدي بمحملي...حسين

بس انت ماحجيت وادري شكثر بجيت

وادري شكثر بجيت لمن

شفتني احوم وع المحمل انتجيت

ليلي...لازمة الرايه....واذكر حجايه

كتلي الله كريم الصبح نامي

ليلي...ابجي سهرانه ...من شلت وانا

انظر گبالي يتبدن احلامي

اعرفت ماضني اسافر ....واضل مكسورة خاطر
......... ...................................... ......

بالباب انتظر .....وصليت شكثر

ودموعي حمر....حسين

فارگني الضوه احجي وي الهوى

مر بنينوى.....حسين

گلهم عمه النضر مارجعو خبر

متغربة ياهلي والخاطر انكسر

وينه ....ياخذ ادموعي ...ويحجي موضوعي

لوالدي وعمتي.وعمي واخواني

وينه...خل يلحگوني.... ماتن اعيوني

اتفطرت من نعي الفرگه حيطاني

وبعد مابيه اكابر .....واضل مكسورة خاطر

......................................................

اعطش وانحني...وللماي اعتني

وانوب انثني ...حسين

ما اشرب وانا...بيك مدوهنه

مرت نص سنه....حسين

كلبي انكسر عليك...ماضگته وادري بيك

ضامي والك رضيع...غصنه انكسر بديك

بوية...ضاعت اخبارك ...من اطب دارك

بس. انوحن والولي لمهد خالي

بوية ....مظلمة الديره...تكتل الحيره

واشعر سكينه تتعثر اگبالي

جمر بيديها صاير.....واظل مكسورة خاطر

........................................................

فززني الجرح.... وي خيط الصبح

شاهدت الرمح....حسين

نحرك يجري.... دم وبگلبك سهم

محروگه الخيم.....حسين

قارورة التراب...تنزف دمع مصاب

تگلي انذبح ابوج وتهتك ااحجاب

طايح...كثرت اسهامه وعينه لخيامه

وعينه لخيامه يسمع الصايح الي كثر بيها

طايح.....واخته محتارة من تهد غارة

ع الخيم والحرم ياهو يحميها

..................................................

الملا: محمد باقر الخاقاني
اسم القصيدة: شالو كل هلي
الشاعر: احمد الهلباوي