Қарши транспорт прокурори адлия маслаҳатчиси А.Қ.Ғаниев ҳамда тегишли соҳа вакиллари иштирокида Қарши, Касби ва Миршикор туманларини Қарши шаҳри билан боғловчи 4Р92 “Қарши ш.-Таллиқурон қ.-Касби ш.-Жейнов қ.-Помук қ.” автомобиль йўлининг 3-41 км. қисми оралиғида бажарилаётган жорий таъмирлаш ишларида ўрганиш олиб борилди.
Хусусан, Қашқадарё вилоят автомобиль йўллари бош бошқармаси буюртмачилигидаги 38 км. узунликдаги автомобиль йўлида бажарилаётган жорий таъмирлаш ишлари жараёни ўрганилганда объектда бош пудратчи ва 5 та ёрдамчи пудратчилар томонидан таъмирлаш ишлари олиб борилаётганлиги ва улар томонидан йўл асосини қуришда ишлатилаётган қум-шағал аралашмаси белгиланган меъёрга тўғри келмаганлиги сабабли баъзи бир жойларда сифатсиз ишлар аниқланган бўлиб, тегишли соҳа вакилларига мазкур камчиликларни зудлик билан бартараф этиш юзасидан кўрсатмалар берилди.
Шунингдек, объектдаги бажарилаётган жорий таъмилаш ишларида сарфланаётган йўл қурилиш материаллари сифатига алоҳида эътибор қаратишлари сўралди.

"Ўзбекистон темир йўллари" АЖ 30 йиллигига бағишланади.