شگالولَك عَليه وصار وجهَك سيف
وتعرفني التكتلَك و الحَجي مصدگه
شجرة ومو بديه تدري وَكتك ريح
وتحَملني ذَنب من طيحة وَرگة
خلك ساتر ولك سويت خلك وياك
شگد موت وجثث ماضيجت خلگه
مو مِن صالحَك على الجرف تزرع عود
ماتدري على ساعه يفيض ويغرگه
"ومن شفت الخناجر خذت دور السيف
گلت ياروح صيّري بهل وَكت دَرگه"
وتسألني شسوه وَكتك بيك ؟
شسولف لك شگلك تكتل الحرگه
ذَبني بـ بير بيده وگال اكلني الذيب
ورسم للذيب صوره وجثتي بحلگه .

بنُص حِزني وأتذكَرك
وأرجَع و أحِن وأبتسِم
وهيّ المُصيبة تَرا چان الحِزن منّك
أذكر گعدنا سوا ، وأذكر ضحكنا سوا
وكُل العليّة أذكره وهسَه انا مو يَمك
تغَيرت مو الأولي !
ولو بيدَك انتَ القَلم هَم غيّرت إسمَك
مِن شوَكت صاير عِطر ياهو اليجي يشمّك
شبسُرعة تنسى بَشر من عينَك يفهمَك
گتله حلمت نفترگ
ومن عدها خَذت الحَذر فرحان
شو منسعِد شو حَققت حلمَك
يا اخي إهتمامي الَك مَعقولة ما همّك
مو هَسه حَ تحس بنَقص
مِن تبني أحلام بشَخص مِن تبني
كُل شي بوحدَك وبلَحظة هو يهدمَك
من تبدي تحضنها الصور
وتنام گلبك منكسر بهاللحظَة
تتمنى أبَد ماجايبتك امَك .

صدگ سويتَهة وتبَطل تَريد
وتعوف ايامنة وتَنساها كِلها
عوُفك من تَعبنا ومن الجرُوح
تعال احلامنَا باجر شكلها ؟
تَعال انت شكلت عن باقي الايام
"مو كتلي شتجي ماراح املها "
المَن واعدتني وكتلي سهلات
شما تصعب عليك اكدر احلها
دنيا شكد ثگيلة حمل وياي
حملك صار اثكل من حملها
روحي الما تعرت يوم وياي
مشت وياك ذبت كل خجلها .