“Kitob oʻqiyotgan qizni koʻrib qolsangiz, qoʻyib yubormang. Yarim kechasi oʻqigan romanidan taʼsirlanib yigʻlab oʻtirganini koʻrsangiz, issiq choy damlab bering va bagʻringizga bosib yupating. Shunda u doim sizning yoningizga qaytadi. Romanlarining qahramonlari haqiqiy ekanini toʻlib-toshib gapiradi... Kitob oʻqiyotgan qizni qoʻyib yubormang, aksincha, muhabbatiga sazovor boʻling. Tasavvuringizdagidan chandon yorqinroq hayotni sizga taqdim etajak bu qizning muhabbatiga albatta sazovor boʻling".

*©Robert Pattinson*

@books_everything

Seni sog‘insinlar,
Sen ko‘p sog‘inding,
Chora yo‘q baribir ikki holda ham.
Daryodek tosharding, ko‘l kabi tinding,
Faqat ruhing qoldi sen bilan hamdam.

Afsus, sog‘inchning ham bordir adog‘i,
Keyin unutilish, bari abasdir.
Sog‘ingan odamning ko‘nglida dog‘i,
Sog‘intirganga ham oson emasdir!

*©Abdulla Oripov*

@baxtliklanish_biligi

Sevgi - bu kimdir bilan qarishni xohlashingiz!
Mariya Remark

@javlonjovliyev

Tinch Don epopiyasining oxirgi 4-romanini oʻqishni boshladim. Oʻz yoʻli, gʻoyasi boʻlmagan xalqlar, millatlar, qon-qardoshlar orasiga nifoq solib qoʻyish shunchalar osonki, bu nifoq oʻti alangalanib ikkisinida birday yoqadi. Nifoqni solgan fitnagirlar esa olovida isinishadi.

Hech nima odamlarni fuqarolar urushi kabi xarob qilmasa kerak. Bu urush oʻz jigariga, qardoshiga qilich koʻtarishga, uning moliga koʻz olaytirishga oʻrgatadi. Urushlarning bari ham shu, lekin oʻzinikini talash, oʻzinikining qonini toʻkish fojia.

Har qanday holatlarda ham inson hissiy mavjudot. Uning ongida hissiy, ruhiy kurashlar bor. Shu kurashlarning ideal tasviri har qanday asarni suyukli qiladi. Muhabbat-nafrat, sadoqat-xiyonat, mardlik-nomardlik shular insonlarni harakatga keltiradi.
4 ta romanga Grigoriy va Aksinya oʻrtasidagi tushuniksiz muhabbat sizdirib yuborilgani asarga taʼm bergan.

Tugatsam, yana batafsil yozaman. Kitobni mutolaa ilovasidan oʻqishingiz mumkin.
https://mutolaa.com/1626

@baxtliklanish_biligi

Nogoh salqin keldi avgust so‘ngida,
Yomg‘ir yog‘ib o‘tdi bugun ertalab.
Ertalab -  sabrning ko‘zi o‘ngida –
Men sening ismingni aytdim erkalab.

Nogohon o‘zgarish etdimi ta’sir,
Yo salqin xotirang yetdi – bilmadim:
Ko‘nglimni ertalab etmadim tahrir -
Erkalab ismingni aytdim. Yig‘ladim.

Tushindim - taqdiring ishin yuritgan 
Beyurak royishlar haqlidir, haqli.
O‘yladim: - Albatta, meni unitgan! -
Albatta, baxtlidir! Albatta, baxtli!

Asli bu mung nechun? Taqdir hal bo‘lgan.
Umrdan necha kun qoldi? Bilmadim.
Sensiz o‘lmog‘imga qismatim ko‘ngan...       
Baribir yig‘ladim.

*©Usmon Azim*

@baxtliklanish_biligi

#ruhiyat

Tunlarim tong boʻlar seni oʻylanib,
Seni oʻylab, mening boʻlar kech kunim.
Sening mendan boshqa hammalaring bor,
Mening sendan boshqa yoʻqdir hech kimim.

Darvoqe, senim ham yoʻqsan-ku mening,
Seni hech meniki demaslar endi.
Yurak - mavhum bir baxt...Yurakdan boshqa
Hech birov meniki emaslar endi.

Oyoqlarim menga bosh egmas sira,
Oyoqlarim meni senga sudraydi.
Judolik libosin ustimga ortib
Ruhimda sadoqat mudraydi.

Yurakda sayraydi majruh bir bulbul
Behuda axtarib qiygʻos hislarni.
Gulim...dilim...shu ham hayot boʻldimi,
Xudo rahmat qilgan boʻlsin bizlarni.

©Matnazar Abdulhakim

@baxtliklanish_biligi

#Mutolaada_oʻqing

Turkiy:
Kel, ey soqiy, bir dilkash jom keltir,
Olovdek issiq va tiniq may keltir.

Toki u dilkash jomga lab qoʻyaylik,
Hamma qalam-u daftarlarni olovga otaylik.

Kel, sozanda, changni tezlatib yubor,
Cholgʻu mezrobi bilan kuyni yuksaltir.

Koʻngil qulogʻidan paxtani olaylik,
Butun vujudni quloqa aylantirib, dam olaylik.

Forsiy:
Biyo, soqiyo, jomi dilkash biyor,
Man garm-u ravshan chu otash biyor.

Ki to lab bar on jomi dilkash nihem,
Hama kilk-u daftar bar otash nihem.

Biyo, mutribo tez kun changro,
Balandi deh az zaxada ohangro.

Ki to punba az goʻshi dil barkashem,
Hama gush gardem-u dam darkashem

*©Navoiy "Xamsat ul-mutahayyirin"*

@baxtliklanish_biligi

Xullas, hammaga rahmat. Kitob o'qiyapsizlar ekan.

Endi “Mutolaa” ilovasida yana qanday qulayliklar boʻlishini istar edingiz?​​

“Mutolaa” ilovasi kundan-kunga rivojlanib, qulay platformaga aylanib bormoqda. Ayniqsa, shu yaqin kunlarda qoʻshilgan funksiyalar kitobxonlarga yoqadi degan umiddamiz.

1. Audiokitoblarni “tovushbezakli” va “tovushbezaksiz” eshitish funksiyasi. Endi kitobni istasangiz musiqa va turli qoʻshimcha ovoz effektlari bilan yoki, istasangiz, faqat sof ovozda eshitishingiz mumkin.

2. Qidiruv va filtr funksiyalari qulaylashtirildi. Endi oʻzingizga kerakli kitobni janrga, yoshga, muallifga va reytingga qarab topish imkoni mavjud.

3. Mutolaaxonam boʻlimi takomillashtirildi. Bunda sizning ayni vaqtda oʻqiyotgan kitoblaringiz tartib bilan turadi. Bundan tashqari, siz oʻqib boʻlgan kitoblar va oʻqishni reja qilgan kitoblaringiz roʻyxati ham mavjud. Yuklab olgan kitoblaringizni ham shu joydan topasiz. Quyida esa “Javon” turadi.

4. Har bir kitobxonning oʻz kitob javoni boʻladi. Endi “Mutolaa” ilovasi orqali oʻz kitob javoningizni “yasashingiz” mumkin. Javonni nomlab, ularga oʻqigan yoki oʻqishni niyat qilgan kitoblaringizni joylab boring.

5. Shaxsiy statistika! Endi siz kitobxonlik boʻyicha shaxsiy natijalaringizni kuzatib borishingiz mumkin. Qancha kitob oʻqidingiz, qancha vaqt sarfladingiz va h.k.

https://t.me/bolalar_yozuvchisi/881