По поводу рекламы- @Luhaiidan_bot
Last updated 2 months, 2 weeks ago
Last updated 4 months, 1 week ago
Last updated 1 week, 4 days ago
🇷🇺🇷🇺🇷🇺
🔵Сунтаар улууһун Аҕа баһылыгын бирииһигэр Х төгүлүн ыытыллар үбүлүлүөйнэй “БООТУРДАР ООННЬУУЛАРА” күрэххэ ыҥырабыт!💪🏼 Буолар сирэ: Сунтаар улууһун Устье нэһилиэгэ, «Тёщин язык» сынньанар киин. Бу күн Сунтаар улууһун нэһилиэктэрин эр бэрдэрэ 7 араас тургутуу көрүҥнэригэр күөн көрсүөхтэрэ. 🔹Араас көрүҥҥэ күрэх 🔹Ыараханы көтөҕүү 🔹Хомуур мас тардыһыы 🔹Эр дьоҥҥо аналлаах ыйытыктарга хоруйдааһын 🔹Хомуур хапсаҕай 🔹Канат тардыһыыта 🔹Өһөс торбос. Хамаанданнан күрэх түмүгүнэн кыайыылаахтарга сүрүн бириистэр: • III үрдэл 50 000 солкуобай • II үрдэл 70 000 солкуобай • I үрдэл 80 000 солкуобай Ону таһынан тургутуу көрүҥнэринэн сыаналаах бириистэр туттарыллыахтара. Хамаанданнан күрэх кэнниттэн Муҥутуур кыайыылааҕы быһаарыы 3 көрүҥҥэ буолуоҕа: 🔹Мас тардыһыы 🔹Тутум эргиир 🔹Хапсаҕай. Сүрүн бириис 5 ытар МР-155 саа👍🏻 Сунтаарбыт улууһун олохтоохторун бу бэлиэ күҥҥэ ыҥырабыт! Кэлиң, көрүң, бэйэ5ит нэһилиэккит чиэһин көмүскүүр хоһуун бө5өстөргүтүгэр ыалдьыҥ!
Бэҕэһээ, тохсунньу 9 күнүгэр, Сунтаар улууһун баһылыга Анатолий Григорьев оҕолорго Ороһуоспатааҕы харыйатыгар сырыттым. Бу тэрээһиҥҥэ улуус оскуолаларыттан (9-11 кыл.) араас хайысхаларынан ситиһиилээх, бастыҥ көрдөрүүлээх - барыта 100 оҕо кытынна. Кинилэр Аҕа баһылыктан эҕэрдэ суругу кытта анал бэлэх туттулар. Тэрээһин чэрчитинэн "Былааһы кытта кэпсэтии" диэн конференция буолла. Манна оҕолор бэйэлэрин санааларын улуус салалтатын кытта үллэһиннилэр, сонургуур ыйытыыларын биэрдилэр. Харыйа сэргэх чааһыгар оонньоон-көрүлээн, Сунтаардааҕы оҕо искусствотын оскуолата туруорбут» Томороон Тымныы Хотун" остуоруйатын бэркэ сэргии көрөн, астынан-дуоһуйан тарҕастылар. Быйылгы улуус баһылыгын харыйатын ыҥырыылаах кыттыылаахтарыгар инникитин талан ылбыт дьарыктарыгар, үөрэхтэригэр өссө да үгүс ситиһиилэри баҕарабын.🌟
Трофим Иванов, улуустааҕы ыччат отделын салайааччыта✍️
Убаастабыллаах Сунтаарым улууһун олохтоохторо, бар дьонум!
Эһигини ис сүрэхпиттэн тус бэйэм уонна улуустааҕы Ыччат отделын аатыттан саҥа үүнэн эрэр сылынан итиитик-истиҥник эҕэрдэлиибин!
Ааһан эрэр сыл хас биирдиибит олоҕор үгүс үөрүүлээх, ардыгар түбүктэрдээх, саҥа, сонун уларыйыылардаах, түһүүлээх-тахсыылаах да умнуллубат түгэннэри хааллардаҕа.
Бу кэмҥэ ааһан эрэр сыл түмүктэрин таһаарабыт, кэлэр сыл былааннарын торумнуубут. Биһиэхэ, ыччат отделыгар, ааһан эрэр сыл элбэх дьоһун суолталаах тэрээһиннэри тосхойдо. Быйыл ситиһиллибити эһиил чиҥэтэр, салгыы сайыннарар торумнаах саҥа сылга үктэнэн эрэбит.
Күндү биир дойдулаахтарым!
Үүнэр сылга бука барыгытыгар ис сүрэхпиттэн кытаанах доруобуйаны, дьолу-соргуну, ситиһиилэри баҕарабын. Кэлэр кэмҥэ дьиэ кэргэҥҥитин үөрүү-көтүү эрэ арыаллаатын, этэҥҥэ чэгиэн олохтонуҥ! 👏
Трофим Иванов, Сунтаардааҕы Ыччат отделын салайааччыта.🤝
По поводу рекламы- @Luhaiidan_bot
Last updated 2 months, 2 weeks ago
Last updated 4 months, 1 week ago
Last updated 1 week, 4 days ago