https://youtu.be/YxOzF3Ah2Yg?si=Npm81EEeDbmkSTsw

• قصيدة | شوك الليالي

• الرادود | مـسلم الوائلي
• كـلمات | حــسن وديــع

ليالي استشهاد فاطمة الزهراء عليها السلام ١٤٤٥هـ

هيئة رداء السماء
بغداد - الحسينية - المعامل

عندما تتعب القلوب تلتقي بمن تحب
فّ ترجع فيها الحياة
فّ كيف اذا كان اللقاء بجانب الحبيب الذي
قدم كُل شيء من اجلنا

زيارة الإمامالحاديعشرمنأئمةأهلالبيتالإمامالحسنالعسكريعليهوعليهمالسلام

السَّلامُ عَلَيكَ يا مَولايَ يا أَبا مُحَمَّدٍ الحَسَنَ بنَ عَلِيٍّ الهادِيَ المُهتَدِيَ وَرَحمَةُ اللهِ وَبَرَكاتُهُ،
السَّلامُ عَلَيكَ يا وَلِيَّ اللهِ وَابنَ أولِيائِهِ، السَّلامُ عَلَيكَ يا حُجَّةَ اللهِ وَابنَ حُجَجِهِ، السَّلامُ عَلَيكَ يا صَفِيَّ اللهِ وَابنَ أصفِيائِهِ، السَّلامُ عَلَيكَ يا خَليفَةَ اللهِ وَابنَ خُلَفائِهِ وَأبا خَليفَتِهِ، السَّلامُ عَلَيكَ يَا بنَ خاتَمِ النَّبِيِّينَ، السَّلامُ عَلَيكَ يَا بنَ سَيِّدِ الوَصِيِّينَ، السَّلامُ عَلَيكَ يَا بنَ أميرِ المُؤمِنِينَ، السَّلامُ عَلَيكَ يَا بنَ سَيِّدَةِ نِساءِ العالَمِينَ، السَّلامُ عَلَيكَ يَا ابنَ الأَئِمَّةِ الهَادِينَ، السَّلامُ عَلَيكَ يَا بنَ الأَوصِياءِ الرّاشِدِينَ، السَّلامُ عَلَيكَ يا عِصمَةَ المُتَّقِينَ، السَّلامُ عَلَيكَ يا إِمَامَ الفائِزِينَ، السَّلامُ عَلَيكَ يا رُكنَ المُؤمِنِينَ، السَّلامُ عَلَيكَ يا فَرَجَ المَلهُوفِينَ، السَّلامُ عَلَيكَ يا وارِثَ الأَنبِياءِ المُنتَجَبِينَ، السَّلامُ عَلَيكَ يا خازِنَ عِلمِ وَصِيِّ رَسُولِ اللهِ، السَّلامُ عَلَيكَ أيُّهَا الدّاعِي بِحُكمِ اللهِ، السَّلامُ عَلَيكَ أيُّهَا النّاطِقُ بِكِتابِ اللهِ، السَّلامُ عَلَيكَ يا حُجَّةَ الحُجَجِ، السَّلامُ عَلَيكَ يا هادِيَ الأُمَمِ، السَّلامُ عَلَيكَ يا وَلِيَّ النِّعَمِ، السَّلامُ عَلَيكَ يا عَيبَةَ العِلمِ، السَّلامُ عَلَيكَ يا سَفينَةَ الحِلمِ، السَّلامُ عَلَيكَ يا أبَا الإِمامِ المُنتَظَرِ، الظّاهِرَةِ لِلعاقِلِ حُجَّتُهُ، وَالثّابِتَةِ فِي اليَقينِ مَعرِفَتُهُ، المُحتَجَبِ عَن أَعيُنِ الظّالِمينَ، وَالمُغَيَّبِ عَن دَولَةِ الفاسِقِينَ، وَالمُعِيدِ رَبُّنا بِهِ الإِسلامَ جَديداً بَعدَ الانطِماسِ، وَالقُرآنَ غَضّاً بَعدَ الاندِراسِ،
أشهَدُ يا مَولايَ أنَّكَ أَقَمتَ الصّلاةَ وَآتَيتَ الزَّكاةَ، وَأمَرتَ بِالمَعرُوفِ وَنَهَيتَ عَنِ المُنكَرِ، وَدَعَوتَ إِلى سَبيلِ رَبِّكَ بِالحِكمَةِ وَالمَوعِظَةِ الحَسَنَةِ، وَعَبَدتَ اللهَ مُخلِصاً حَتّى أَتَاكَ اليَقينُ، أسأَلُ اللهَ بِالشَّأنِ الَّذي لَكُم عِندَهُ أن يَتَقَبَّلَ زِيارَتِي لَكُم، وَيَشكُرَ سَعيِي إِلَيكُم، وَيَستَجيبَ دُعَائِي بِكُم، وَيَجعَلَنِي مِن أنصَارِ الحَقِّ وَأتباعِهِ وَأشياعِهِ وَمَواليهِ وَمُحِبّيهِ، وَالسَّلامُ عَلَيكَ وَرَحمَةُ اللهِ وَبَرَكاتُهُ.

يالعمرك أمناغه وحظن مو مالت أرماح
ها يالولد مو بس دمع حتى الگلب طاح
ومحسبه ويــاك العمر يوليدي للشيب
هسه أنت مرفوع برمح وآنـا ويَ ذبــاح

راسك گمر فــوك الرمح
من تضحك يطيح الصبح
أصغر نحر وأكـبر جرح .. عبدلله يايمه

ــــــــــــــــــــــــــــــــــــــــ

مسومر يـ يمه من الشمس وذبلانه الرسوم
شو نـايم بحظن الرمـح وأمك بــلا نــوم
مــن حضني باگاك النبل يـالماضگت مــاي
عـبدلله گـلبي بـفـرگتك يــايمه مــلـجوم

كل ما أباوع للمهد
أتذكر أرسوم الولد
حزنك على متوني گعد .. عبدلله يايمه

ــــــــــــــــــــــــــــــــــــــــ

يالماكـبر عمرك سنة وكـبرت الاحــزان
مذبوح يـا عمر الـورد يالطولك أغـصان
ذب لونه ليلي اعله الجفن وأتغيرت حيل
وعطشان گلبي الضحكتك يوليدي عطشان

كبرني يوليدي الحزن
وأتبده حلمي من الجفن
وضل خالي يوليدي الحظن .. عبدلله يايمه

ــــــــــــــــــــــــــــــــــــــــ

عـبدلله گــلبي بـفـرگتك يـايمه متعوب
أكــبر سنة كل مـــا يُمر أعليه الـغـروب
مشتاگه اشمن منحرك وبعيوني أغطيك
ومنين أشمه البالسهم من نحره مصيوب

مكتوبلك يمه النبل
ومكتوب أروح اعله الهزل
أنت برمح وآنـا بحبل .. عبدلله يايمه

ــــــــــــــــــــــــــــــــــــــــ

يالتضحك بــوجه الهوى يابزري وهواي
عطشانه روحي الشوفتك يوليدي مو ماي
هسه آنا أهـزن بـالـمهد لو هـز بــالرمـاح
أتـذكر عــيونك وأحن من تـغفى بـهـداي

مشتاگه الك يبني أشكثر
يوميه أموت وأنكسر
يالماشفت شي بالعمر .. عبدلله يايمه

ــــــــــــــــــــــــــــــــــــــــ

نسألكم الدعاء
حسن وديع

آنـه وأجروحي وحزن ليل العذاب
ماله تـالي ويـگضي يابويه الغياب

عيني اشتهت عينك
يا بــويـه جا وينك .. طال الغياب

ليلية أحن وانعى
ودگلي كل دمعة .. طال الغياب

ماحسبيت تعوفني يا ابو الحنان
خالنفترض ناسيني جا موتي حان
لمن درتـها عيونك دار الزمـــان

بويه فوك تعبي تعبتني
بويه تردلي جا كونك تحبني

ـــــــــــــــــ ❁ ❁ ❁ ـــــــــــــــــ

حزني مد طوله اعله طولي وحيلي طاح
وآنـه كل ما اغفى اشوفك عــالـرمـاح

ليلية هالمنظر
مطشر وبالبر .. بين الخيول

ليلية يحسيني
تشوفك تره عيني .. بين الخيول

ليلية افــز مرعوبة والروحي اكول
ياروحي وي حسينج شعدها الخيول
أبن الزجيه وحـيدر وجـده الـرسول

بويه عالهجر ماعودتني
بويه تردلي جا كونك تحبني

ـــــــــــــــــ ❁ ❁ ❁ ـــــــــــــــــ

يابو روحي العوداني اعله الـدلال
بويه من فاركني طولك طولي مال

آنـه ومكـاتيبي
ودموعي وشيبي .. وينك تعال

يتراجف اخيالي
وما ينوصف حالي .. وينك تعال

مشتاگـة اشوف عيونك والـزم أديك
لو مو عليلة وداعتك يحسين اجـيك
جا هوه يـنبض گـلبي اعله الله وعليك

بويه شيبت من فاركتني
بويه تردلي جا كونك تحبني

ـــــــــــــــــ ❁ ❁ ❁ ـــــــــــــــــ

آنـه هاي الـتانتك ليل ونـهار
ويا أبو ويبـنته اشوفه منه اغار

ويفز وجع گـلبي
ويغرك دمع دربي .. من الجروح

أصياح الگلب سكتة
ابنيتك ترة مـيتة .. من الجروح

يحسين عشت الغربة أبدار الضلام
وذيج السوالف راحت وراح الغرام
لمن كمل مـرسـالي شح الـحمام

بويه صغيره لكن شيبتني
بويه تردلي جا كونك تحبني

ـــــــــــــــــ ❁ ❁ ❁ ـــــــــــــــــ

ترامح بعيني الـحزن حد الـضياع
كون اشبگـك مـلگة مو شبگة وداع

كـونك تـفاركني
المن تعودني .. بويه عليك

ما تنضم الحسرة
وكسرة بظهر كسرة .. بويه عليك

آنـه وعذاب فـراگـك ليلية أضيع
بهذا الـسفر يـابويه شحال الرضيع
شفته بـمنامي مسومر وبالطف صريع

بويه متت لمن ودعتني
بويه تردلي جا كونك تحبني

ـــــــــــــــــ ❁ ❁ ❁ ـــــــــــــــــ

نسألكم الدعاء
حسن وديع

ويـن ابيا كــتر يا صحرة غايب
وعايش حزنك وذيج المصايب
يــمتى تـلـون الـدنــيا ابلونك
آنــه أعيوني اتـــاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

يـمتى تـمـد فيك عَلي وانسى انكساري
يـمتى تجي من غربتك وتنسى الصحاري
آنــــه بغيابك ضيعت ليلي ونـــهاري
ليلية أساهر وانتـظر واغفى اعله ناري

بهجــرك شيبت يــــالماتجيني
وحمرة من الدمع يالمهدي عيني
گـوه الليل يــعــدي أبدونك
آنــه أعيوني اتـــاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

بيا صحرة عـايش سيدي انتَ وعذابك
يالشيبت وانتَ أبوكت لــذت شبابك
يالمهدي عجل طلعتك يخنگ غـيابك
وانتَ الهوى يــاسيدي يـلوذ بـثيابك

غـايب ويـن يـا ابو اعيون حمرة
كون بصحرة أدور صحرة صحرة
حــتى أعــرف يالمهدي شلونك
وآنــه أعيوني اتـــاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

شگد بيه لعيونك عشك وشوك ورسايل
وبـعـيوني ليلية الـدمع مثل الـمناهل
وطولك رسمتة وبالرسم يطلعلي مـايل
ونهرانك بـگـد السمه بس أنتَ ذابل

مثل حسينك عيونك غريبة
يالحزنك مصيبة تجر مصيبة
مولاي بـدمـعاتــك هــونك
آنه أعيوني اتـــاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

أحسب مسافات البـعُـد وبحزني اكابر
باجر يـجي ها مـا يـجي وأرجـع اناطر
ضلمة وحرت وأنتَ الضوه دليني حاير
يالوجهك يناوش ضوه لـوجة الــمناير

يـا أعـذب عشك يا كـل هيامي
مو للماي آنـه اعليك ضــامي
حـــتى الـوردات يــــتانونك
وآنــه أعيوني اتـاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

وينك يـــابو افياي العصر وثار الهواشم
يا كُل محـطات الصـبر وكل الـمواسـم
جبت الـعمر يــاسيدي بيك آنــه هـايم
وراح ابقى بدموعي أنتـظر جـيتك يقائم

مـا تبـرد لـهفتي وانتـظاري
وراح ابقى أنتـظر ليلي ونهاي
مــولاي بطـيف تمر كــونك
آنــه أعيوني اتاني اعــيونك .. يغايب

ـــــــــــــــــ ❁ ❁ ❁ ـــــــــــــــــ

نسألكم الدعاء
حسن وديع