تعال احكيلك قصة جميلة أوي?...

في يوم والنبيﷺ مسافر مع الصحابة بعد فتح مكة كان فيه مجموعة أسلموا قريب شافوا المشركين بيعلقوا أسلحتهم على شجرة عشان تديهم بركة ويقدروا يهزموا المسلمين
ساعتها اللي أسلموا جداد دول قالوا للنبيﷺ اعمل لنا احنا كمان شجرة تدينا بركة زيهم?
لكن النبيﷺ غضب جدا وقالهم: "سُبحانَ اللهِ! هذا كما قال قَومُ موسى: {اجْعَلْ لَنَا إِلَهًا كَمَا لَهُمْ آلِهَةٌ}"
النبيﷺ هنا غضب عشان عاوزين ياخدوا البركة من حاجة ربنا ماقالش عليها
وكمان عشان قلدوا غير المسلمين في طريقتهم

بقول الكلام ده ...
- لكل واحد دخل في علوم الطاقة واشترى ولا باع الأحجار والأساور بتاعة الطاقة اللي هتديك بركة وطاقة
واللي مصيبتها مش بس إنها متاخدة من عقيدة ناس مش مسلمين لا ده كمان اعتقد فيها النفع أو الضر
- بقول ده كمان لكل واحد اعتقد نفع أو ضر في كف أو خمسة وخميسة أو أي حاجة زيهم

يرضيك تغضب حبيبكﷺ كده ؟؟!!
النبيﷺ غضب جدًا من مجرد الطلب ..امال لو شاف اللي بتعمله؟؟!!
- ارضي حبيبكﷺ وابعد عن كل علوم الطاقة ولو عندك أي حاجة فيها اعتقاد نفع أو ضر أفسدها وارميها

#النبي_يعلمنا_العقيدة
#رسايل_في_حب_النبي

‏ ﴿ نَبِّئ عِبادي أَنّي أَنَا الغَفورُ الرَّحيمُ ﴾

?ما أعظمه من إله يقيل العثرة، ويقبل التوبة، ويقبل من المقبل، ويعطف على المدبر.، يقول ابن عباس : إن الله ينزل رحمات يوم القيامة حتى يظن إبليس أن الله سيغفر له.

لو أنت أب مسؤول عن زوجة وأولاد وبتوصل الليل بالنهار عشان تكفي بيتك
وتدفع إيجار غاز مياه كهرباء نت ومسحوق غسالة ومسحوق مواعين وخضار وفاكهة ولبس وووووو
وبتعافر في الطريق ده بالحلال
فأنت بطل .
بطل بجد .
بطل عندنا في أصول الوحي.
قال ابن تيمية: "طلب الحلال والنفقة على العيال باب عظيم، ﻻ يعدله شيء من أعمال البر".
وكان ابن المبارك رحمه الله يقول: "لا يقع موقع الكسب على العيال شيء، ولا الجهاد في سبيل الله".

عارف ليه بيقولوا كده
روى الطبراني عن كَعْبُ بنُ عُجْرَة: "أنَّه مر على النبي صلى الله عليه وسلم رجلٌ، فرأى أصحابُ رسول الله صلى الله عليه وسلم من جَلَدِه ونشاطِه، فقالوا: يا رسول الله، لو كان هذا في سبيلِ الله، فقال رسول الله صلى الله عليه وسلم: إن كان خرجَ يسعى على وَلَدِه صِغارًا، فهو في سبيل الله!

قال المناوي في فيض القدير: النفقة على العيال أعظم أجراً من جميع النفقات.

و قال صلى الله عليه وسلم: (دِينَارٌ أَنْفَقْته فِي سَبِيلِ اللَّهِ، وَدِينَارٌ أَنْفَقْته فِي رَقَبَةٍ، وَدِينَارٌ تَصَدَّقْت بِهِ عَلَى مِسْكِينٍ , وَدِينَارٌ أَنْفَقْته عَلَى أَهْلِك أَعْظَمُهَا أَجْرًا الَّذِي أَنْفَقْته عَلَى أَهْلِك). صحيح مسلم.
وعَنْ ثَوْبَانَ قال عليه الصلاة والسلام: (أَفْضَلُ دِينَارٍ يُنْفِقُهُ الرَّجُلُ دِينَارٌ يُنْفِقُهُ عَلَى عِيَالِهِ)(رواه مسلم).

فلو حضرتك بتعمل كده وتحافظ علي صلواتك الخمسة وتحاول تؤدي فرض الله = انت بطل عظيم .

لو لقيت شوية وقت اعمل كوباية شاي وريح وارض بما قسمه الله لك .

وسيبك من موضوع أنت مؤثر ولا لاه
ولازم تعرف ٥ لغات وتقدم في ناسا ويكون لك مشروعك الخاص وتبقي interperneur وكل هري التنمية البشرية ده كله .

- منقول

#رسايل

[ ومضات من حياة النبي ﷺ (5) ]

صفاته الخَلْقية :
• صفته:
كان –صلى الله عليه وسلم- معتدل القامة ليس بالطويل ولا بالقصير، ولم تكن بشرته شديدة البياض ولم يكن أسمر بل كان بياضه إلى السمرة مشرباً بحمرة، وكان حسن الجسم بعيد ما بين المنكبين، وكان في وجهه تدوير، شديد سواد العينين طويل أهدابهما ، يتلألأ وجهه تلألؤ القمر ليلة البدر حسن الصوت، وكان كثيف اللحية أشعر المنكبين والذراعين وأعالي الصدر.

• خاتم نبوته :
عن السائب –رضي الله عنه- قال : " نظرت إلى الخاتم بين كتفي النبي –صلى الله عليه وسلم- فإذا هو مثل زرّ الحجلة "أي أن الخاتم في ظهره الشريف قطعة لحم ظاهرة قدر بيضة الحمامة.

• ضحكه:
عن عبد الله بن الحارث –رضي الله عنه- قال: ما رأيت أحدا أكثر تبسما من رسول الله –صلى الله عليه وسلم-.
وعنه قال: "ما كان ضحك رسول الله –صلى الله عليه وسلم- إلا تبسماً" رواه أحمد وصححه الألباني.
عن جرير –رضي الله عنه- قال: "ما حجبني رسول الله –صلى الله عليه وسلم- منذ أسلمت ولا رآني إلا تبسم" رواه البخاري ومسلم.

#رسايل_في_حب_النبي
#رسايل

تيجي أقولك موقف جميل كان النبيﷺ بيضحك ويهزر فيه مع الصحابة?...
كان فيه صحابي اسمه زاهر عايش في البادية اللي هي زي القرى مثلا دلوقتي وكان بيجي يبيع في المدينة
وفي يوم من الأيام وهو بيبع في السوق لقى حد بيحضنه من ظهره ومخبي عينه وبيقول:"مَن يَشتَري مِنِّي هذا العبدَ ؟"
سيدنا زاهر فرح جدا بهزار النبيﷺ ده بس قاله : "إذن تجِدَني كاسِدًا" يعني مش هتلاقي حد يشتريني
لكن كان رد النبيﷺ المربي الحنون قاله :"لكنَّك عندَ اللهِ لَسْتَ بكاسِدٍ" يعني انت مش رخيص عند ربنا ولا حاجة

?عاوزك تاخد الموقف ده بقى وتكلمني بعدها عن انشغالك وهمومك اللي بيخليك مكشر في وش أولادك أو مثلا مع الطلبة لو بتحفظ قرآن أو مع اي حد تتعامل معاه

النبيﷺ كان شايل هموم أمة كاملة وكان الشخصية الأولى على وجه الأرض ومع ذلك ماكانش بينسى أبدا الرفق والرحمة والمزاح وجو الألفة اللي بيفتح القلوب
- خلينا نتعلم منه الرفق وجبر الخاطر وحتى المزاح الحلال اللي مافيهوش سخرية من حد?
- خليك كده مع أهلك وولادك عشان بتحب حبيبكﷺ

#ليتك_معنا
#رسايل_في_حب_النبي

وقبري ..؛

يتجهَّز مُعاذ بن جبل قبل أشهر من موت النبي المغادرة المدينة، فيمشي معه النبي ليودعه، ونسائم المدينة تخلُق أريجًا لاتُتقنه إلا المدينة ..

فيهمِس النبي ﷺ لحبيبه الذي قال له قبل مدَّة: «واللهِ إني أُحبك يا مُعاذ»..
يَهِمس له بسر مُؤلمٍ: «يا مُعاذُ، إنَّكَ عسى ألا تَلْقاني بعدَ عامی هذا"..!
تتوقف نبضات مُعاذ، وكل شيء من حوله يصطبغ بنكهة النواح.. .

ثم يكمل النبي ﷺ همسه: «ولعلَّك أن تمر بمسجدي هذا.. وقبري» فيبكي مُعاذ .. كم هي قاصمة للظهر كلمة «وقبري»
كم هي مُفجعة، كم هي مُحرِقة، وكيف استطاعت قوَّة مُعاذ ألا تهوي، وتعلن الانهزام في تلك اللحظة الاستثنائية؟
ما قيمة طريق العودة إذا كان الحبيب قد رحل؟

ولماذا معاناة الرحلة، إذا كانت الشمس قد غربت؟ والابتسامة قد توارت؟ (وإني أحبك یا مُعاذ)، قد وُسّدت قبرها؟

[ من كتاب الرجل النبيل - د.علي الفيفي ]

#وفاة_النبي ﷺ
#رسايل_في_حب_النبي ﷺ

يا بنات لما تعوزوا تسألوا عن حاجة اسألوا متخصص..
خصوصاً لو حاجة متعلقة بالدين يعني..
ربنا عز وجل بيقول كده "فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ"
مش تروحي تكتبي بوست في جروبات البنات وباقي البنات هاتك يا تأليف في الكومنتات..
خصوصاً بقى لو السؤال عن الحلال والحرام..
هتلاقي ألف واحدة تشجعك عالحرام ومليون واحدة تكرهك في الفروض..
وانت بقى جري تروحي تنفذي النصايح المسمومة وتقعي في الفخ..
طيب لو انت تعبانة لا قدر الله هتاخدي روشتة من كومنت واحدة مجهولة على بوست بير سلم؟
لا والله أبداً ده الصحة مفيهاش هزار..
وكذلك والله الدين .. دينك دينك لحمك دمك..
إن هذا العلم دين فانظروا عمن تأخذون دينكم..

#رسايل

في منتصف الليل ..
واحنا نايمين وماعدناش مهتمين ?
إخواتنا في الخيام بيتعرضوا لمجزرة جديدة ?*
بعد ماباعهم القريب والبعيد
وبعد ماكل واحد انشغل بنفسه عن متابعة أخبارهم

هنقول لربنا ايه بس واحنا حتى الدعاء ومتابعة أخبار إخواتنا قصرنا فيها؟؟؟!

عاوزين نرجع ننشر القضية من تاني
إخواتنا في غز**ة بقالهم سنة بيبادوا فعليا وماحدش بيعملهم حاجة
وأكيد لو متابع عرفت إن الحال في الضفة برضو يوجع القلب
إخواتنا بيتعرضوا لكل ده دفاعا عن مقدساتنا

حقهم علينا ندعيلهم في كل صلاة وكل وقت اجابة
حقهم نتابع أخبارهم ونقاطع أعدائهم
والله ده أبسط حاجة

#رسايل

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان