‏اقلطي .. يا مرحبا والليل توه بادي ‏لا يروح الليل دام انتي وانا من دونـه ‏باللسان وبالعيون وبالمشاعر نادي ‏اسمع مناداك قبل الناس لا يوحونـه ‏من سمع صوتك ولا جاوبك هذا غادي ‏ودك الله يحرمه سمعه وضحك سنونـه ‏هايمٍ في عينك وصوتك وضارب وادي ‏واديٍ من هام فيه…

اشوفك هنا وهناك وإعجاب تلو إعجاب
‏ماشفت ابتسامة عيني ونظرة إعجابي ؟

‏وش المانع احبك ؟ واحبك بدون اسباب
‏ماعندي سبب مادامك انت اجمل اسبابي ..

‏جمال وجهك .. ليا منك تبسمتي
‏يشكك الناس ، في صادق مباديهم

‏الحور في جنة الفردوس ، بس انتي
‏شكلك نزلتي على الأرض وتركتيهم

‏يالعيون الوسيعه ما لسحرك مداوي ‏منّك العاشقين تشوف قيمة نظرها ‏كيف اوصفك ياوجهٍ بحسنه سماوي ‏وانت حسنك ملى سمع الحياة وبصرها ‏جادلٍ يوم جات الريح في ثوب غاوي ‏كل ماجت تعريها سترها شعرها ‏ضاع عقل الرزين وتاه طرف الحياوي ‏ بين لولو قلادتها ولولو ثغرها

‏اقلطي .. يا مرحبا والليل توه بادي
‏لا يروح الليل دام انتي وانا من دونـه

‏باللسان وبالعيون وبالمشاعر نادي
‏اسمع مناداك قبل الناس لا يوحونـه

‏من سمع صوتك ولا جاوبك هذا غادي
‏ودك الله يحرمه سمعه وضحك سنونـه

‏هايمٍ في عينك وصوتك وضارب وادي
‏واديٍ من هام فيه .. الله يكون بعونــه :)

oz.dx

oz.dx

أهلا . .

‏يا حلمي المستحيل ، وفكري الساهي
‏ما فيه حاجة ورى الأيّام ، مخلوفه

‏إلآ من تحجّم ، المغرور ، والراهي
‏وتشدّ بال القصيد ، وتفتن حروفه

‏تقول : شفت القمر واحد من أشباهي
‏وأقول : خليه عنك ، وخلي وصوفه

‏أنتي جمال الحياة ، الفارق ، الناهي
‏أشوفه " وكنّي أول مره أشوفه "