ياسلام الله اعله اسمك - يالكاظم ☆ أمنيتي بيدك سيدي - اتسجلنيي خادم
                          يالكاظم ---- يالكاظم
---------------------------------------------------------------------------
1 )                  أنه  من  زغري احب  هاي الخدامه
                    وتجري  دمعاتي  مثل  دمع  اليتامه
                      يالفديت   ابروحك  الدرب  الإمامه
                      ابغيرك  اللساني  فلا يحله كلامه
  ☆   ☆     تدري من زغري أمامي -  ابدمي باصم 
                  أمنيتي بيدك سيدي  - -  اتسجلني خادم - يالكاظم - يالكاظم
------------------------------------------------------------------------
2 )                بيه  عاشور  اوحزن  ذيج  المصيبه
                    وشي اكيد اتزورك الليله الغريبه
                  جن احسها  اتصيح  بالراح  اشيجيبه
                  وتدري   بالدنيه    مصايبها   رهيبه
  ☆    ☆       وأنه اصيح الحضرتك - يالغالي قادم
                    أمنيتي بيدك سيدي - اتسجلني خادم - يالكاظم - يالكاظم 
--------------------------------------------------------------------------
3 )                 مني  اتبره   اذا   لحظه   نسيتك
                    الهذا   يامولاي   مشاي  اعتنيتك
                    ابكثر سجداتك أمامي أنه هويتك
                  وكمت اشوفن سيدي ابيوم الكيتك
  ☆  ☆       من تمر شده علي   -  تطلعني سالم
                أمنيتي بيدك سيدي - اتسجلني خادم - يالكاظم - يالكاظم
-------------------------------------------------------------------------
4 )             كلشي بالدنيه يضد شخصك رفضته
                واسمك  ابروحي يبن  جعفر حفضته
                  يالجنت تحجي اوتصير الدنيه سكته
                  الهذا  احبك  سيدي أو اسمك عشكته
  ☆  ☆      انته جنه الشيعتك   -- واعداك وأهم
                أمنيتي بيدك سيدي - اتسجلني خادم - يالكاظم - يالكاظم
---------------------------------------------------------------------------
5 )                 ياأسد  بغداد  من   يوم   العرفتك
                    نورت  دربي  يبن جعفر  سجدتك 
                    أمنيتي  تشملني يمولاي  ابنظرتك
                  وخادم اتسجلني هالليله ابحضرتك
☆  ☆        انته من تطلب حياتي --  بيها اساهم
                أمنيتي بيدك سيدي  - اتسجلني خادم  -  يالكاظم - يالكاظم
--------------------------------------------------------------------------
6 )              الدنيه  وعيونك  يبن  جعفر عفتها
                وجن احس بالجنه كبتك من شفتها
                  عالوفه   الروح   اوحياتك   علمتها
                  وكل جيوش  الشر وحكك حاربتها
☆  ☆        وما اساوم بالقضيه -- وأبقى اقاوم
                أمنيتي بيدك سيدي - اتسجلني خادم -- يالكاظم - يالكاظم
-------------------------------------------------------------------------
          لخادم أهل البيت - أبو أحمد المجراوي 07805007942

# جيتك الليله ابدمعتي ▪︎ يلي خير انطيتني
اوشرفتني ابهالخدامه ▪︎ اوخادمك سويتني
يامظلوم يامسموم
---------------------------------
1) جيتك اوجمره دمعتي -- اوبيدي شايل رايه
اودربك الليله مشيته ----- ويه هل المشايه
قسم بجفوف ابو الغيره --- الفوك المسنايه
دربك ابحركه كضيته ---- بس لطم وقرايه

☆ صيتي منك ياامامي ▪︎ او وحدي ماخليتني
اوشرفتني ابهالخدامه ▪︎ اوخادمك سويتني
يامظلوم يامسموم

-----------------------------------
2) كبل لا ادخل ضريحك -- روحي تقره اشبيها
اوكبل لاسولف وكلك ------ حاجتي تكضيها
ابالي يالكاظم وكفتك ------ وابد ما ناسيها
هواي مطيني ابحضرتك - ياهي كلي احجيها

☆ انته متفضل عليه ▪︎ أمن الزغر باريتني
اوشرفتني ابهالخدامه ▪︎ اوخادمك سويتني
يامظلوم يامسموم

---------------------------------
3) والله لو رجليه تعبن ------ زحف أنه امشيلك
اوتحرك الاخضر شهكتي -- اودم أظل ابجيلك
عمري لو خلصه بواجي ------ ذره ما وفيلك
ادخيلك امقصر امامي -- اويبو طلبه ادخيلك

☆ هذا كل العندي منك ▪︎ واعترف ربيتني
اوشرفتني ابهالخدامه ▪︎ اوخادمك سويتني
يامظلوم يامسموم
--------------------------------
4) أمنيتي يالكاظم وحك --- بيك أمر تابوتي
اومنك أطلبها الشفاعه - وتحضر انته ابموتي
جنت من اتضيك بيه -- ابروحي احشم فوتي
اوبيك اتنخه امامي --- وأدري تسمع صوتي

☆ أنه كل شده التمرني ▪︎ منها احس نجيتني
اوشرفتني ابهالخدامه ▪︎ اوخادمك سويتني
يامظلوم يامسموم
------------------------------
5) الف شكرآ ياامامي --- او ادري ما ناسيني
من اهز بابك وطلبك ---- بيدي احس تطيني
ياهو مثلي اوعده مثلك - خل يجي ايراويني
أيوصله للجنه وينقذه --- خل اشوفه أبعيني

☆ خادم اوصيتي رفعته▪︎وانته من عليتي
اوشرفتني ابهالخدامه ▪︎ اوخادمك سويتني
يامظلوم يامسموم
-----------------------------
لخادم اهل البيت ع/ أبو أحمد المجراوي

07805007942 (قصيده سريعه بحق الامام الكاظم ع)

يلكاظم ابابك نحط حاجاتنه
اويمك تطوف اتعنت اولاياتنه
يابو الرضا - اتلكانه -- مثل النهر - ممشانه -- يابو الرضا
-----------------
1) اتحزمنه بحزام الخدم - واسمك فلا ناسينه
اوخدمتنه خدمة كربله - او حركة محرم بينه
ربونه اهلنه اعله العشك --- وبحبك انجنينه
خدامك احنه اوعالعهد -- جيت الفاكد جينه

شوف المواكب بالدرب ماصايره
ياهو النظيفه ادلاله تسعر فايره
يابو الرضا -- اتلكانه -- مثل النهر -- ممشانه -- يابو الرضا
----------------
2) من الجنوب امن الوسط - جينه الك مشايه
وبكل كتر من الوطن --- بسمك اترف الرايه
مثل الحمام ابمرقدك ---- من تكصد الوفايه
اتطوف اوتزورك سيدي - اويمك تسوي اقرايه

كلما تمر امصيبتك كدامنه
لجلك نشد ابكل زمان احزامنه
يابو الرضا -- اتلكانه -- مثل النهر -- ممشانه - يابو الرضا
--------------
3) خدامك ابهذا الدرب ----- سوت ترى الماصاير
تصيح اوترحب باليجي - ياهلا ابجيت الزاير
انخدمه اونقدمله الاكل -- وعالنار جايك فاير
وشما يريد ويشتهي ---- يوصله حتى الطاير

خدمتنه من طف كربله ايعرفوها
وهالخدمه خدامك فلا ايعوفوها
يابو الرضا -- اتلكانه - مثل النهر-- ممشانه - يابو الرضا
------------
4) بمصابك ايصب الدمع - والدمعه تشبك دمعه
والشامت ايكتله القهر -- والفزعه تكسر ضلعه
روحك علينه ابهالدرب ---- نلكاها مثل الشمعه
اوكلمن تشافيله المرض -- شكرا يصيح انسمعه

كلمن يجيك ابحاجته تكضيها
اوطول الدرب يابو الرضا اتباريها
يابو الرضا -- اتلكانه -- مثل النهر -- ممشانه -- يابو الرضا
------------
5) زرنه اوبجينه ابحضرتك - والمهدي يبجي اويانه
اوساعة ظهوره ابمجلسك -- يلطم اويانه اهنانه
باب الفرج يم مرقدك ------- تنفتح كل بيبانه
اوباب المراد ابحضرتك ----- للحاجه ظل عنوانه

باب الحوائج سيدي ايسمونك
اوعطاي المراد اونضيع ابدونك
يابو الرضا -- اتلكانه -- مثل النهر -- ممشانه -- يابو الرضا
----------

لخادم اهل البيت ع أبو أحمد المجراوي ٠٧٨٠٥٠٠٧٩٤٢
قصيدة الامام الكاظم ع (سريعه)

▪40▪     خلي أيدي -- يمه بيدج ------- روحي ماتحمل عذاب
              اه يخيمه ---- ابحالي بعدج --- يمه شيسوي المصاب
        يمه دربي اباوله -- شلون بية ابكربله --  لاتغيبين لاتغيبين
- - - - - - - - - - - - - - - - - - - - - - - - - - - - - - - - - - - - - - - - - -
1 )  يايمه قصتج  والضلع -- بعيوني ماخلت دمع ---- وشكد محاجي ابالي
      خافن تطول رحلتج - او يذبحني دهري ابغيبج - او بس الحزن ييرالي
    يانسمه باتي ابريتي - الخاطر دمعتي أوشهكتي- اويايمه ارحمي ابحالي
    وعيونج اعيوني عمن -- اوشيسوي بكليبي الزمن -  لوما بقيتي اكبالي
    ☆       والله صعبه ------ يالحبيبه ---- يمه ساعات الرحيل
                شما انوحن ----- وابجي لجلج ---- اشعر بهذا قليل
            انه يمه امدلله -- شلون بية ابكربله - - لاتغيبين لاتغيبين
- - - - - - - - - - - - - - - - - - - - - - - - - - - - - - - - - - - - - - - - - -
2 ) يايمه لوصارالسفر - تجرحني طعنات الدهر --  ولجناحي تكسر باجر  
    اودلالي يمه اوداعتج - كثرت اجروحه اوعفتج -- وبكسر ضلعج حاير
    ظميني يالكلج ضوه -- مختنكه وبعازت هوه --- خانكني دهري الكاسر
    خافن أظل امحيره - اوتلجمني جلمة مكبره - اوشيجبره كسر الخاطر
    ☆         وين اروحن -- يمه باجر ----- والزمن مابيه أمان
                ابلايه عينج -- يمه ادري -- يجرح إحساسي الزمان
            هسه اسمع ياهله --- شلون بيه ابكربله -- لاتغيبين لاتغيبين
- - - - - - - - - - - - - - - - - - - - - - - - - - - - - - - - - - - - - - - - - - -
  3 ) تدريني اروه ابشوفتج -كلما اشمن شيلتج - وجلماتج أنه اهواها
      لوغبتي عني ابهالزمن - باجر تعذبني المحن - من كربله اتعناها
      اتحير بذاك الدرب --- والعيله بديار الغرب - تمشي المنيه اوياها
      بالغربه ابات ابلا خدر - وتتفرج اعليه الكفر - اوهالقصه ماانساها
                اه ييمه ---- الليله ابجي ----- اوعندي بحساسي كلام
                ابعيني يمه -- الدنيه ضاكت --  شلون أظل ابلا خيام
          وحدي أظل ابهالفله --- شلون بية ابكربله - لاتغيبين لاتغيبين
- - - - - - - - - - - - - - - - - - - - - - - - - - - - - - - - - - - - - - - - - -
4) باجر أظل ابلا خيم  -- ومحيره أبين الحرم   -  وكليبي شمعه اوذايب
  وايتامي بالطف تنضرب - وتتشمت ابزينب غرب - والوالي بالطف  غايب
  من هسه احس اتجتفت - باجراشوف الما شفت - وبالغربه دهري اشكاتب
  تتحول امتوني زرك  -  وجفوني ماظن تنطيك ---- ويظل دليلي ايعاتب
                    ياغربتي - وأنه وحدي -- واصرخ وماكو جواب
                    يالزجيه --- يمه حيره  -- والحسين اعله التراب 
              صعبه اشوفن مقتله -- شلون بيه ابكربله - لاتغيبين لاتغيبين
--- - - - - - - - - - - - - - - - - - - - - - - - - - - - - - - - - - - - - - - - - - 5) بالغربه أظل ابلا وطن - اويطعني برماح الزمن --- يايمه اذا شتموني
    باجريجتفوني ابحبل ---- اويايمه شيلم الشمل ---- والهم يغير لوني
    عالهزل اصعد بالغرب - اويايمه بالغربه الضرب -- يترك أثر بمتوني
  خافن اشوفن عالرمح - راس الحسين المنذبح - والدمعه وسط اعيوني
            ياعذابي --- من اشوفه ---- اوعينه تنظر عالزغار
              ياحركتي - او يادمعتي - اوظلمه بعيوني النهار
        افراكه صعبه اتحمله - شلون بية ابكربله - - لاتغيبين لاتغيبين
- - - - - - - - - - - - - - - - - - - - - - - - - - - - - - - - - - - - - - - - - -
        لخادم أهل البيت - أبو أحمد المجراوي    07805007942
                                قصيده بحق الزهراء

☆☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ 

اعله ايدج  -----  جنت احسن بالسلام
                      اعله ايدج -----  اطبك اجفوني اوانام
  ☆  تجري العيون - واصبر شلون - صعبه الفراك - ردي يمه
----------''-------------------------------------------------
1)           من جنت  يمج  انامن   ------  اشعر  ابليل   الأمان
            ومن اشمج يمه اغفه   ---  اوروحي ياخذها  الحنان
            مالي غيرج يالمشيتي  -----  ولج ذكره ابكل مكان 
            وين اروحن  يمه باجر  -----   بيه  لو دار  الزمان
  ☆              يالسفرتج    ------- حيرت حتى الكلام
                    يالسفرتج     ----- بجت  اعيون الحمام
    ☆  قصتي متهون ☆ واصبر شلون ☆ صعبه الفراك ☆ ردي يمه
--------------------------------------------------------------------------

2 )           اوداعت الله  يالتركتي ---  كلبي مابين  الرماح
              روحي فرت جنها طيره --- وهبت ابوجهي الرياح
              دهري بعدج  يالزجيه --- ابكل كتر خله الجراح
              والكلب  من   البواجي  ---   فرفح  او يايمه صاح
    ☆           والله صعبه  -------- اوياج لو طال الغياب
                  والله صعبه -------- الوحدي اتلكه العذاب
  ☆ الكل ينوحون ☆ واصبر اشلون ☆ صعبه الفراك ☆ ردي يمه
---------------------------------------------------------------------------

3 )           من  بعد  عينج  لهفتي  -----   شبت  ابدلالي  نار
              والصخر كلبه ايتفطر ----  من يصب دمع الزغار
              وحك عينج يالمشيتي   ----    أظلم  ابعيني النهار
              كون مثل الطير كلبي -----   جا وراج الليله طار
    ☆              هذا حالي ----- وأكثر ابهذا المصاب
                      هذا حالي -----  وانتظر  منج  جواب
    ☆ الكل يسألون ☆وأصبر شلون ☆ صعبه الفراك ☆ ردي يمه
--------------------------------------------------------------------------

4)        جروحي وعيونج ييمه   --   ابكلبي ماخلت مجال
              هذا  يمه  الصار  بيه  --    واعرف ابجيتج محال
            كل جرح غار ابدليلي  ---     من بعد ذاك الدلال
            وباجر أصعب يالحبيبه  ---- من  يجتفوني ابحبال
    ☆              يالحبيبه ------ من بعد عين الامام
                      يالحبيبه ---- امرادف اعليه السهام
  ☆ من يفزعون ☆ أصبر اشلون ☆ صعبه الفراك ☆ ردي يمه
---------------------------------------------------------------------------

5 )      والله يالبضعه دليلي  -----  نجمه  متفارك  سماج
          ومن سمع يمه ابرحيلج  --- زحف ظل يزحف وراج
            ياعفاف الدنيه كلها  ----  العفه  تأخذ  من  ضواج
          وكلبي دور يمه دارج ----- خطوه خطوه اوما لكاج
    ☆             كلبي يمه ----- من بعد ذاك الوداع
                      كلبي يمه -- جن سفينه ابلا شراع
      ☆حال مجنون ☆ واصبر اشلون ☆ صعبه الفراك ☆ ردي يمه
---------------------------------------------------------------------------

6 )       يمه  هذا  الكون  كله ------  مثلي  ماشاف  العذاب
          ومن تمر كل المصايب ------  تنحني الهذا  المصاب
          شلي بالدنيه ابرحيلج -----  ياضوه أوعن عيني غاب
          ومو هوه أتنفس خناجر  -------  يلي  غطاج  التراب
      ☆            يالحنانج ---- جن نهر يرويني ماي
                      يالحنانج --   ما يفاركني  ابعزاي
☆ اخواني يبجون ☆ واصبر اشلون ☆ صعبه الفراك ☆ ردي يمه
---------------------------------------------------------------------------
      خادم اهل البيت -  ( ابواحمد المجراوي )
للزهراء 

☆☆☆☆ ☆ ☆ ☆ ☆ ☆

☆لوحه شعريه أتقدم بها لحبيبة رسول الله فاطمة الزهراء أسأل الله القبول
----------------------------------------------------------------------------
☆  امنيتي ادري ابياكتر حتى اعتنيج ▪ روحي ماتنسه  مصابج حالفه
      السالفه ابغيرج  فلا احجيها دوم   ▪ البيها ضلع وباب هاي السالفه
      انه عندي اضلوع وخجل من اجيج  ▪  وقره عن اضلوعج المتخالفه
      انتي بابج  محترك  وبيتي  باب   ▪  والمصايب  بيج جانت  عاصفه
      امقصر اكبالج وحك دم الذببح   ▪   شما تقدم روحي أشعر خايفه
      هم يجي اليوم  اويدلوني عليج   ▪   وبيها اخلي الروح يمج طايفه
            لخادم الزهراء - أبو أحمد المجراوي 07805007942 

رسمج بالعيون  --------  ذبلي الجفون
            جرحج فلا مثله جرح ---- وكل ساعه بعدج انذبح 
                                  عمه رقيه

1 )    عمه بدروب  السبي جنه سويه
                      ليش عفتيني اومشيتي  يارقيه
                        عمه هم  جيه بعد لو هاي هيه
                      شرد اسوي اوانه مجتوفات اديه
                ☆   شيصبر الروح --- او دلالي مجروح
            اوسوط الشمر تارك أثر --- بمتونج اوشفتي القهر
                                    عمه رقيه

2)   ابليل فزيتي اوعلى الغالي بجيتي
                  اوكلتي  اريدنه  يعمه  او عاتبيتي
                  اسوالفج  ترفه  يعمه  من  حجيتي
                  لحد ما  عالراس  ياورده  انتهيتي
              عذبني الفراك ---------- والوجهج اشتاك
        ☆   يل عمرج ابعمر الورد  --- عفتيني بجروحي اعد
                                    عمه رقيه

3)  ردي  ياوردة صبح مشتاكه اشمج
                    وبين هاي اجفوفي ياترفه اضمج
                  الخاطر ادموعي يعمه اودمعة أمج
                    ردي مشتاكه اشوفج وابجي يمج
            ☆  يااغلى الاحباب --------- حتى الكلب شاب
                رديلي خل نكعد سوه ----هالليله وبعازت ضوه
                                    عمه رقيه

4)     اسال   الليله   يعمه   ابذكرياتج 
                    بس  عذاب  اتكلي خلصتي  حياتج
                  امتون زركه اونار مشتعله ابعباتج
                  وعشتي مظلومه  لحد ساعة مماتج
              ☆    ياشمعة الدار --- اشكد كلبج احتار
            زغيره أو قسه اوياج الزمن - وجروحي بعدج ماغفن
                                    عمه رقيه

5)   روحج الفرت أظل أركض وراها
                  لحد ما نتلاكه واشبع من ضواها
                  روحج  السافر وليها  اوفاركاها
                    عافت  الدنيه  احس  شيما  اجاها
                ☆    عفتيني بالاه ------- واصرخ اويلاه
              المر ابرحيلج مو سهل -  اوجرحج جرح ماينحمل
                                    عمه رقيه

6)     زغيره عمه وبالوفه  كلش جبيره
                      وانه  من  زغرج   اسميج  الاميره
                      وين ما انطي الوجه ياصوب اديره  
                    روحي وعيونج احس حيرتها حيره
                      ☆  هالليله بجفاج ------ عذبني فركاج
                  يل بيج روعه الفاطمه ---- نجمه انتي وعيوني السمه
                                        عمه رقيه

لخادم أهل البيت - أبو أحمد المجراوي 07805007942
                          قصيده باستشهاد السيده رقيه

& (29)  عمه روحج ياترافه ابديها --- أمنيتي اتوسد وموتن بيها
                       كون موتي أيصير عمه ابين الاثنين 
                       بين روحج يارقيه او روح الحسين
                                آه يعمه -- آه يعمه
----------------------------------------------
   1)          راح ابوج او انتي ورده ---- اوبالحزن عمرج بده
                اوذبلن اغصانج شفتنهن -------- لان فاركتي النده
                شفتي خيل ادووس صدره - وانتي طفله اوفاكده
                اوجن احس بالغربه متي ---  اويم  ابوج  اموسده

&   ابنية ابوج اوحكج اتودعينه ▪︎▪︎اوخيمه جان اوميت اتشوفينه   
                        اشجنتي ياعمه لبوج اهناك تحجين 
                         بين روحج يارقيه او روح الحسين
                                 أه يعمه -- أه  يعمه
---------------------------------------------
    2)          اربع  أسنينج  يعمه  -------  بيهن انباك الضوه
                وانه اصيح ابنيتي حكك -- بعده مايكفي الهوه
                الفركه ماتدري يعمه ---- ابروحج او روحه سوه
               اومن يروح  الغالي منها  ----   الها  شيفيد الدوه

&  رحتي يمه اوجن شفت تحجيله ▪︎▪︎اشردتي ياعمه اوشنو الكلتيله
                      أشجان ياعمه الحجي من ردتي تمشين 
                       بين  روحج  يارقيه  او روح   الحسين
                                  آه يعمه - آه يعمه
------------------------------------------
      3)       باتت ابروحج مصيبه  ----   منها  خجلان الدمع
                او غار جرحج ياحمامه -- اوصعبه صوتج ينسمع
                شفتي ابوج ابين غربه --  اوخيل تسحك عالضلع 
                وانتي مابين الشماته   ----    الفرحة ابهذا الوضع

&      جن احس روحج تقبل روحه ▪︎▪︎ وبدليلج شلتي من اجروحه
                        روحي فرت من شفت عالغالي تبجين 
                        بين  روحج  يارقيه او روح  الحسين
                                   اه يعمه -- آه يعمه
------------------------------------------

4)   أزغيره وجروحج جبيره --- اونظرة الشامت سهم
               او غير أرسومج يعمه  -----    ذاكه  دخان  الخيم 
               باول اسنينج بجيتي ------- او كلبج ابغربه انلجم
              من لزمتي اجروحه بيدج ----- والله بجيتي الحرم

&      عمه  كليله  السبي  أيأذيني ▪︎▪︎أوعالهزل باجر تره امجتفيني
                    أوشهكه شهكه الروح تخلص من تروحين
                     بين   روحج   يارقيه   اوروح    الحسين 
                                  آه يعمه --- آه يعمه
-----‐----------------------------------------
        5)   عمه من رحتي سبيه --   اوراس أبوج اعله الرمح
             اومن وصلتي اشويه نمتي - اوعمه  فزيتي ابجرح
             صحتي ابوي ابحلم شفته --- أوهسه اريد  ألمنذبح
             كلت  عمه  أشويه  نامي ------- لمن   ايطر   الصبح

&     يل شبكتي الراس نوم العافيه -- ثاري ميته او أنه اكولن غافيه
                       ما  دريت اكبالي ياروحي تموتين 
                      بين روحج يارقيه اوروح الحسين 
                                  أه يعمه --- أه يعمه 
-----------------------------------------
       6)     يلي جبتي الدرب كله  -- ابجرح  ماظن  يستجن
               اوعالعزيز الراح منج   -------  روحج  الترفه  تون 
               اشسوت الفركه ابدليلي  ---- الشوفتج عمه  يحن
                راح  اروح اومن اردن  -------  كون  يمج   اندفن

&     من يكلي ابنيتي ماكو وينها ▪︎▪︎ خلي تمسح عالكبر جفينها
                      شرد اسولفله ابوج او أبتدي أمنين 
                      بين روحج يارقيه او روح الحسين
                                   أه يعمه -- أه يعمه 
--------------------------------------------
       لخادم أهل البيت ع أبو أحمد المجراوي  07805007942  
                   قصيده بحق استشهاد السيده رقيه ع

$(27) متعنيه أقره الفاتحه ▪︎او ياخويه أكلكم رايحه▪︎
اوياخويه اكلكم رايحه▪︎متعنيه اقره الفاتحه

----------------------------------------
1) عشت ابقهر - بارض الغرب -- اوخويه الشمر - ضربني
ماظل ولي --- أويمه أشتكي -- من حرمله -- شتمني
بيه جرح ---- من الضرب --- اوجرح الهجر -- لجمني
دخان اشم ---- ماشم هوه -- او حرك الخيم -- خنكني

& مختنكه خويه الريه ▪︎▪︎ اوتبرالي جم علويه
اوتبرالي جم علويه ▪︎ متعنيه أقره الفاتحه
-------------------------------
2) يابا الفضل ----- نار الخيم ----- خلت أثر ----- بديه
اومن القهر ------ جيتك ركض -- احجي اليمر -- عليه
فوك النهر --- لمن شفت ---- جف اوعلم ---- سويه
صحت ابحزن --- ارجع الي ---- الخاطر دمع --- رقيه

& يلي جربتك طايحه ▪︎▪︎ وين انه جنت البارحه
وين أنه جنت البارحه ▪︎متعنيه أقره الفاتحه
------------------------------
3) ضاك الهوه -- اوصدري اختك -- اوخويه ركض -- أجيتك
ابريتي أحس --- غاب الهوه ---- وبهل الجره -- نخيتك
رغم الجره ------- يابو الوفه ----- خويه فلا --- نسيتك
يابو الفضل -- جيت اشتكي --- أبعينك سهم -- لكيتك

& يمك اخذني احساسي ▪︎▪︎ اوضاكت يغالي أنفاسي
اوضاكت يغالي انفاسي ▪︎▪︎ متعنيه أقره الفاتحه

-----------------------------

4) يابا الفضل ------ راح اعتني ---- يم الولي ---- اودعه
اوكبل السبي --- يمه أرد --- وابجي ابحزن -- وسمعه
شفته اوصحت -- يابو علي ------ كلبي القهر --- يكطعه
بالدنيه اذا ----- سافر اخو ----- كلي الاخو --- أشيرجعه

& هالدنيه دارت بيه ▪︎▪︎ اويردوني أرد مسبيه
اويردوني ارد مسبيه ▪︎▪︎ متعنيه أقره الفاتحه

-------------------------------

5) ماظل ضلع --- اوخيل العدى -- اتروح اوترد -- تسحكه
اومن السحك ---- اه يالولي --- ماظل صدر --- أشبكه
عندي حجي --- أحجيه الك -- خدري الشمر -- يحركه
راح انسبي ----- اومن ابتعد ---- جفني فلا ---- أطبكه

& اختك وجيتك حافيه ▪︎▪︎ يالأغله من العافيه
يالأغله من العافيه▪︎▪︎متعنيه أقره الفاتحه

------------------------------

6) أكعد يمن ---- كلك وفه --- واسمع بجي --- البجيته
حافر فرس ---- ابصدرك شفت --- تارك أثر --- لكيته
فوك الجمر -- جيتك ركض -- او وضع الهجر -- قريته
صحت ابقهر -- راح الولي -- اويجري الدمع -- اجيته

& يابو سوالف دافيه ▪︎▪︎ هالدمعه ماظن كافيه
هالدمعه ماظن كافيه ▪︎▪︎ متعنيه اقره الفاتحه

------------------------------
لخادم اهل البيت ع / أبو أحمد المجراوي 07805007942
قصيده شور بلسان زينب ع يوم العاشر

$24 يدنيه ▪︎▪︎ بجيت اوذبلن اجفوني
يدنيه▪︎▪︎ واحسن طاحن أعيوني
يدنيه ▪︎▪︎اوصحت للغالي ودوني
يدنيه

--------------------------------

1) أخذ كلبي --- علي اوسافر ----- وكولن هم يرد ليه
العله اخدوده -- النده غافي - اشوفه أبعيني يوميه
اله اخذوني ---- اليحب أمه -- وادري امناطر الجيه
عطش كالو -- او ركض كلبي -- وادري ابعازت اميه
سلامات ▪︎▪︎اويريت ابني ايتلاكاني
سلامات ▪︎▪︎ او واحد يشبك الثاني
سلامات ▪︎▪︎ واخاف الاكبر أمتاني
يدنيه

-------------------------------

2) إنه أبخيمه --- خلص عمري --- لأن مشتاكه لعيونه
أحس بعده - انخطف لوني - او لوني أمعلك أبلونه
أجر حسره --- اوتمر صفنه -- وأعرف أنتهي أبدونه
أذا حافر --- يرض صدره -- وموتن من يسحكونه
$ يعرفون ▪︎▪︎ أون او كلبي ما ناسي
يعرفون ▪︎▪︎يعيش أبروحي وأنفاسي
يعرفون ▪︎▪︎ أم او رقه بحساسي
يدنيه
--------------------------------

3) شطت بعده - اوكمت أعثر -- لأن مو هين أفراكه
كلت بلكي ---- أشوفنه ----- اونرد بالغربه نتلاكه
ترف خده --- مثل ورده -- وجيته ابلهفه مشتاكه
اخاف ابني - على الغبره -- اودليلي ناره حراكه
$ أجيته ▪︎▪︎ أساله او أعرف أبحاله
اجيته▪︎▪︎ أشوفه أو أكعد اكباله
أجيبه ▪︎▪︎ أكله الفركه جتاله
يدنيه
---------------------------------
4) خبر موته -- رمح ملكه ---- رماني اوطشر أسنيني
كسر جنحي - واخذ روحي - وبعد ماشوفن أبعيني
صحت بعده ---- يبو الاكبر ----- للاكبر هسه وديني
أشمنه ---- وودعنه ----- وونوحن يمه خليني

$ بالفراك ▪︎▪︎ تفزز جرحي شهكاتي
بالفراك ▪︎▪︎اوجمر يادنيه دمعاتي
بالفراك ▪︎▪︎تفطر الصخره جلماتي
يدنيه
----------------------------------
5) تعنيته ---- او خذت شبكه ---- اوشطت لمن تعنيته
أبحزن كتله --- الولد يبني --- اليسافر يرجع البيته
إنه ابفكده --- أبطرك خيمه -- وحيده الهذا حاجيته
ردت يكعد ---- يحاميني ---- وسولفله ابحزن جيته

$ غريبه ▪︎▪︎ واذا يرحل يضربوني
غريبه ▪︎▪︎ وموتن من يشتموني
غريبه▪︎▪︎وهضيمه من يدفعوني
يدنيه
---------------------------------
لخادم أهل البيت ع/ أبو أحمد المجراوي 07805007942
قصيده بحق علي الاكبرع (شور)