Men Sizdan o‘zim qilmaydigan ishni iltimos qilmoqchiman Kimgadir yordam berolsangiz, yordam berishga arzimaydi, deb o‘ylagan insoningizga ham yordam bering. Avvalo, yaxshilik, keyin ertaga nima bo‘lishini hech kim bilmaydi. Men universitetdan haydalib ketishimning…

Men Sizdan o‘zim qilmaydigan ishni iltimos qilmoqchiman

Kimgadir yordam berolsangiz, yordam berishga arzimaydi, deb o‘ylagan insoningizga ham yordam bering.

Avvalo, yaxshilik, keyin ertaga nima bo‘lishini hech kim bilmaydi.

Men universitetdan haydalib ketishimning oxirgi kunida yana bir harakat qilib ko‘r, deb imkoniyat berishgan edi. Lekin soat o‘sha vaqtda 11 ga yaqinlashgan, oxirgi imtihon 15:00 da boshlanadi, ungacha esa 1 oylik vazifani topshirish talab qilingan.

Aynan o‘sha payti bitta kursdoshim qarashib yuboraylik, deb kursdoshlarga aytib, yordam bergan. Yordam berishni istamaganlarni ayblamayman, balki ularning o‘rnida men ham *omadsiz insonga yordam beramagan bo‘lardim.

*Faqatgina men o‘qishdan chetlatildim, faqatgina men universitetni bitira olmadim.

Meni o‘qishdan chetlatgan inson bu ishini boshqalarga o‘rnak bo‘lishi uchun, o‘qigan inson yaxshi hayotda yashashi uchun qilganini aytgandi. O‘sha payti butun universitet ahliga omad tilab, 3 yildan keyin bu ustozning fikri qanchalik to‘g‘ri ekanini ko‘ramiz, deb o‘z xohishim bilan universitetdan chetlatishlari uchun ariza yozganman. Tasodifni qarangki, bu voqea bundan 3 yil oldin aynan may oyida bo‘lgandi.

Lekin yordam bergan kursdoshim bilan hozirgacha xabarlashib turamiz. Men qo‘limdan kelganicha yordamimni ayamayman va u ham tortinmay mendan so‘rayveradi. Chunki mendan yordam olsa, qiynalib qolmasligimni biladi.

Qolgan kursdoshlar ham o‘z yo‘lini topdi, ammo o‘zidan orttirib nimadir qilishga qiynalishadi yoki balki qilishni xohlamas. Nega deganda kimdir yordam so‘rasa, inson o‘zini omadli, uni esa omadsiz, deb o‘ylaydi.

Bu kabi voqealar maktabda ham bo‘lgan. Maktabda na muomalani, na fanni bilmaganman, qolaversa, bir ko‘cha yoki sportni ham qoyillatmaganman. Bu vaziyatda maktabdagi o‘rnim ham xuddi o‘tiradigan joyim kabi eng oxirida edi.

Kollej paytlarimda o‘qishga harakat qilganman, hamma fanni 5 bilan yopganman, biroq u paytlarda biz katta bo‘lib qolgandik va endilikda hurmat topadigan pulimizga qarab o‘lchanar edi. Shuning hisobiga yana eng oxiridagi inson yana men bo‘lganman.

Universitetda ham xuddi shunday ahvol. Lekin bir kuni Allohning marhamati bilan o‘zimga yoqadigan kasbni, hozir qilib yurgan ishimni topdim va endilikda men eng oxirida emasman, o‘rta va o‘rtadan yuqorida ham emasman, balki shu omadsiz bo‘lgan davrlarimdagi insonlarning ichida ayni vaqtda eng omadlilaridanman.

Bu gapim bilan eng zo‘riman demoqchi emasman, maqtanish niyatim ham yo‘q. Shunchaki inson ertaga nima bo‘lishini bilmas ekan. Shuning uchun kimgadir yordam kerak bo‘lsa, unga omadsiz sifatida qaramang, yordam bering demoqchiman xolos.

Kuningiz yaxshi kayfiyatda, ko‘plab insonlarga yordam berish bilan o‘tishi nasib qilsin.

Har bitta xodim o‘z rizqi bilan keladi

Yaxshi kadr bormi, tushlik puli, maoshi va shu kabi jihatlarni o‘ylab o‘tirmasdan olavering, unga ketadigan xarajatni ortig‘i bilan Alloh yetkazadi

Bitta do‘stimizdan yordam so‘rasam, vaqti yo‘q ekanini aytdi, yana bittalari xohlamas ekanlar, yana boshqa bittasi boshqa ish qilganliklari ma’qul ekanligini ta’kidladilar.

Masalaning ostiga tushib borsam, men bilan ishlash qiyin va katta bosim ostida bo‘lar ekan. Endi shu gapni aytgan insonlarning bilim holatlariga to‘xtalsak. Men oddiy smm postlarni yozishni o‘rganishga 3.5 oy vaqt ketkazgandim, ularning aksariyati esa bu ishni 1 oylik amaliyotda to‘liq o‘rganib olishdi.

Bu gapim bilan men bilan ishlasangiz, zo‘r bo‘lib ketasiz demoqchi emasman. Shunchaki rivojlanish har doim ham Siz xohlagandek yoqimli bo‘lmaydi.

Yaqinda Bukafit sport zalida 1 yillik obuna sotib olib, zalga chiqmoqchimiz, ishonasizmi, bu ishga bor vujudim qarshilik qilyapti va shu zalga bormasligimiz uchun 1000 ta sabab topib beryapti.

Yoki men eshitmaganman, ingliz tilini o‘rganishni boshlagan inson maza qilyapman deganini.

Bizning miyamiz jarayondan emas, natijadan zavq oladi. Ammo natija uchun oylar, yillar ketsa, jarayon uchun 12 daqiqa yetadi (shu vaqt mobaynida miya biron bir ishga fokusini to‘liq jamlay oladi, adashmasam).

Shunday ekan qilayotgan ishingizdan zavq olishga harakat qiling. Zavq bermasa, shu ishni zavqli jarayon bilan adaptatsiya qiling. Miyani aldash mumkin, faqat buning uchun ham harakat qilish kerak.

Masalan, men har kuni ishdan keyin o‘zimga yoqadigan shirinlikdan 1 dona olib yeyman va butun kun davomidagi siqilishlar, asabbuzarliklar esimdan chiqib ketadi. Va ertaga yana ish kunini o‘tkaza olaman, chunki kechqurun meni o‘zim yoqtirgan shirinlik kutib turadi.

Lekin e’tibor beryapman, bu holatda ham kunning ma’lum qismlarida shunchaki vaqtni behuda o‘tkazib yuboryapman. Axir 30 yildan keyin aynan hozir bekor o‘tkazayotgan vaqtimni qaytarib olishni xohlayman-ku, nega unda shu vaqtimni tezroq o‘tishini xohlayapman?

Demak, jarayondagi kunimdan zavq olganim bilan soatimdan norozi bo‘lyapman, bu esa yana jarayondan zavqlanmaslikka va natijani kutishimga olib keladi.

Shu sababli soatlardan zavq olish uchun ovqatlanishimni yoki nimadir kichkina pul bilan bitadigan xursandchiliklarimni kun davomiga 2-3 soatga bo‘lib qo‘yyapman.

Turgan zahotim nonushta qilaman, bu turganim uchun rahmat. Ishga borib, 2-3 soat nimadir o‘rganaman va tushlik vaqti bo‘ladi, bu shu 3 soatlik ilm uchun minnatdorchilik, Tushlikdan keyin yana 2-3 soat ish va sayr+dush. Bu shu 2-3 soatdan zavqlanishim uchun. So‘ngra kechki ovqat, kechki sayr, kun yakuni uchun shirinlik, qarabsizki, kunimdan rozi holatda kunni yakunlayman.

Jarayondagi soatlardan, agar yana ham eplay olsangiz, daqiqalardan xursand bo‘lsangiz, ishingiz ham, pulingiz ham shunga mos holatda Sizni xursand qilaveradi.

Aksincha, ish soati tugashini kutsangiz, atrofingizdagi insonlar ham, holatlar ham asabingizni buzishni va Sizni hayotdan qattiq sovitishni boshlaydi.

Shunday ekan daqiqalarni ham kutmasdan soniyalarda yashash uchun Mayk Tayson *aytganidek, 1 soniya reaksiya bosishga, 2 soniya postni ulashishga va 10 soniya samimiy izoh yozishga sarflang)

*Jang 13 soniya davom etishi kerak: 2 soniya raqibga yaqinlashishga, 1 soniya zarba berishga, 10 soniya hakam sanashiga.

Urush oldin bo‘lmaganmi?

Hozirgi yangiliklarga quloq solsangiz, ba’zilarga qilinayotgan adolatsizlik, yana ba’zilarga ko‘rsatilayotgan shafqatsizlik haqida eshitib qolasiz.

Shunda o‘ylab qolasiz, insonlar shu darajada yomon bo‘lib ketyaptimi, nega bu qadar yomonliklar avj olib ketyapti? Urush, faxsh, qotillik kabi holatlar nega bu qadar rivojlanib ketdi?

Xalqimizda bir ajoyib gap bor: 5 qo‘l barobar emas (nega qo‘l, barmoq emas, unisini bilmadim).

Ya’ni inson borki, kimdir yaxshi, kimdir yomon, kimdir babnik, kimdir sog‘uvchi, bu kabi holat va insonlar barcha davrlarda bo‘lgan, faqat hammasining davriga ko‘ra ko‘rinishi har xil bo‘lgani uchun oldin bo‘lmagandek, hozir esa ko‘pdek tuyuladi.

Shunchaki hozirga kelib buni ko‘rsatadigan televideniye va internet rivojlandi. Tabiiy savol tug‘iladi, bundan 20-30 yil oldin internet yo‘qmidi yoki telekanallar ishlamaganmi?

Ishlagan, faqat buning ortidan katta pul topish mumkinligini hamma ham tushunmagan. Hozirga kelib esa har 10 ta yoshdan 3 tasida kam ishlab, ko‘p pul topish istagi bor va buning uchun harakat qilinyapti.

Pul topaman, deb devorga kalla qo‘yayotganlari ham yo‘q emas, lekin ozgina miyasi ishlagani pul topsa bo‘ldi, qandayligining umuman ahamiyati yo‘q.

Nomlarini aytmayman, o‘zingiz kuzatayotgan kanallarning ichidan qaysi kanaldan yomon yangiliklar ko‘p kelishiga qarang-da, aynan shu kanalning reklamasi eng qimmat yoki eng ko‘p reklama shu kanalga joylanadi.

Televideniyeda ham xuddi shunday. Xotinini pichoqlagan er, bolasini chiqindiga tashlagan xotin kabi dastur yangiliklari prime time vaqtida, ya‘ni kechqurun, reklama eng qimmat soatlarida qo‘yiladi.

Xullas, ta’sir o‘tkaza olmaydigan holatga e’tiboringizni ajratmang.

Muammo bor, yechim bor, hal qilish kerak, tamom.
Muammo bor, yechim yo‘q, hal qilib bo‘lmaydi, tamom.

Muammo hamma joyda va har kimda bor

Siz shu muammoga uchramaydigan yoki darrov hal qiladigan darajada bo‘lsangiz, tabriklayman.

Lekin muammo bilan to‘qnashishga to‘g‘ri kelyaptimi, bitta jihatni inobatga oling. Uyning muammosi uyniki. Ishning muammosi ishniki. Ko‘chaning muammosi ko‘chaniki. Shuni biling, bo‘ldi, bularni aralashtirib yubormang.

Shunda sizga ham, atrofingizdagilarga ham yaxshi bo‘ladi. Bu gap faqat muammoga emas, vaqt, e‘tibor, pulga ham taalluqli. Uyda dam olishmi, dam olish zarur. Ishda ishlash kerakmi, ishlash lozim.

Bo‘ldi, hammasi oddiy. Lekin shunga amal qilish qiyin. Hozir miyani qiynamang-da, yotib damni oling. Ertalab bir o‘qisangiz, yaxshiroq tushunasiz.

Ishga kir(ayot)ganda, ahamiyat bering (3-qism)

1-qism | 2-qism

3-qism chiqishiga ancha vaqt ketib qoldi. Nega deganda men jiddiy paxta qo‘ysam, hamma fikrim 🐎🚿 bo‘lishi shart, aksincha bo‘lsa, shunchaki yozmayman. Jiddiy sabab esa har doim 1-marta takrorlanishi zarur va u sababdan men chin ko‘ngildan xursand bo‘lishim zarur.

Yaqinda shunday voqealardan yana biri sodir bo‘ldi va shu sababli 3-qism yozilyapti. Shu joyida to‘xtab, 4-qism chiqishini xohlaysizmi yoki yo‘q, shuni aytib keting.

Ha, 4-qism ham chiqsin — 🔥

Bo‘ldida endi, paxtalar chaman-chaman bo‘lib ketdi — 😁

Foydali bo‘lyapti, shunaqa real hayotdan olingan postlarni ko‘paytirish kerak — 🤝

💡 ovoz bermasdan, xabarning davomini o‘qimang. Bo‘lmasa, bitta ish bo‘ladi (bu haqda oxirida aytaman).

Bu post yozilishiga sabab bo‘layotganliklari uchun Muzaffar ustoz (Abba rahbari) bilan Azizbek akaga (smm departament rahbari) rahmat.

10. Ta‘sir doirangiz qanday? Jamshid akaning (Abba direktori) bir gapi bor: 1+1 biz maktabda o‘qigandek 2 emas, kamida 11 bo‘lishi shart. Masalan, men Telegram biznesiga qiziqaman. Buning uchun mening ish joyim qanchalik yordam beroladi? Shu postni yozar ekanman, Muzaffar aka bilan @Abdusattor aka gaplashib o‘tirishibdi. Ya’ni hozirning o‘zida o‘zimga kerakli masalalarni so‘rab olishga dostup bor.

Siz boradigan joyda ham shu kabi imkoniyatlar orqali ta’sir doirangizni kengaytira olasizmi? Kurs, trening, ustoz biznesmenlar bilan suhbatlashish shular jumlasidan.

11. Dam olish kuni dam beriladimi? Bizning sohadagi ko‘p bizneslar xususiy bo‘lganli sababli ko‘p bayramlarda dam bermaydi. Misol uchun, bugun, 9-may munosabati bilan Abbada ishga chiqmaslik mumkin. Siz ishlamoqchi bo‘lgan joyda yangi yil va 8-martdan boshqa kunlarda ham dam beradimi? Nega deganda ba’zi bayramlar borki, oila davrasida bo‘lishni talab etadi. Buning uchun esa ishxonangiz dam berishi lozim.

Xodimlari oylikka ishlaydigan joy uchun bayram kunida dam bera olish ham bir mardlik. Nega deganda ular shu kunlarida ham ishlatishga qaysidir ma’noda haqli, chunki oylikka kelishilgan.

12. Siz borayotgan joy qaysi loyihalar bilan ishlaydi? Men qachon uyga narsa olib borsam, qaysidir hamkorimiz mahsuloti bo‘ladi. Bunga esa Abba O‘zbekistondagi top loyihalar bilan ishlayotgani sabab. Oddiy smartfondan tortib, qimmat avtomobillargacha Abbaning hamkorlari orasidan topish va aynan shulardan xarid qilish mumkin.

Bu esa ishonchni va maxsus imtiyozlarni ta’minlaydi. Ba’zi joylarga borsangiz, ular ishlayotgan hamkorlarining nomini umringizda eshitmagan bizneslar bo‘ladi.
13. Qo‘shimcha ishga imkon bormi? Ko‘p loyihalar o‘zining ishidan boshqa ish olishingizni xohlamaydi. Abbada esa shaxsan Muzaffar akaning o‘zlari menga ish topib berganlar. Ular topib beradigan mijozlarga nega $ 30 to‘lash kerakligini tushuntirib ham o‘tirmaysiz, 50% so‘ramasangiz ham 100% oldindan tashlab berishadi, tahrir ham deyarli aytishmaydi, mutaxassisga ishonishadi.

Jamoaning o‘zida ham bu muhit zo‘r. Mening 4-5 nafar shogirdimning o‘zi Abbadagi smm menejerlarning qo‘shimcha loyihalarida ishlashadi.

14. Xodimlar uchun sharoit yetarlimi? Taxoratxona, oshxona, uchrashuvlar xonasi, dam olish xonalar bir tomon, ko‘p joylarda stullar bilan kompyuter ham talab darajasida emas. Boya esa yangi kompyuter kelgani haqida aytgandim. O‘zi eskisi ham zo‘r, lekin xodim maza qilsin, deb yana ham zo‘ridan olib berishdi.

Xullas, shunaqa gaplar. Ishga kirish oson, ammo ishlash qiyin. Shu sababli bu faktorlarga e’tibor bersangiz, kam bo‘lmaysiz. Men Ilon Maskning iqtiboslaridan misol keltirmadim, o‘zim boshimdan o‘tkazganlarni aytdim. Meni shu holatga tushgan bo‘lsangiz, tushunasiz, bo‘lmasa nima desangiz ham Siz haqsiz)

Endi boya xabarning o‘rtasida ovoz bermagan bo‘lsangiz, jazo bilan tanishing: shu postga 3 ta reaksiya qoldirasiz yoki bu xabarni 3 ta do‘stingizga yuboring.

Erinmang, bu ishni albatta qiling. Aks holda, ertaga Siz uchun 10-may keladi. Shunday ekan bu vazifani hoziroq bajaring, shunda ertaga Siz uchun juma kuni keladi. Ogoh bo‘ling, bee’tibor qoldirmang. Yaqinlaringizni ham ogohlantiring 🤫

Shu kunlarda menga katta yordam berayotgan 3 ta ish

1. Shogird olish. Bu jarayon boshida qiyin bo‘ladi, lekin ular eplay olayotganini ko‘rganingizdan keyin ichingizda nimadir yonib, o‘zingizdan mamnun bo‘lishni boshlaysiz.

Ham ishlamay pul topishning ajoyib usuli. Shogirdlar ishlab, bilim va tajriba orttirishadi, pulni esa Siz sanab olasiz 😅

Faqat ko‘ringanchalik oson emas. 2 kun oldin amaliyotni boshlagan 5 kishidan 3 nafari bugun ko‘ngildagidek matn yozayotgan bo‘lsa, 2 nafari amaliyotdan chetlatildi.

2. Non yemaslik. Buning ilmiy yoki tibbiy asosini bilmayman. Ammo non yemaslikni boshlasangiz, o‘zingizni nisbatan yengil va energiyaga to‘lgandek his qilasiz.

Ham qorningiz tez ochqolgani hisobiga har qanday ovqatni ham maza qilib yeyishni boshlaysiz.

3. Dushli vanna. Yoshligimizda vannaga suv to‘ldirib, yotar edik. Esingizdami? Hozir ko‘pchilik bu ishni qilmay qo‘ygan. Shu ishni qilish kerak.

Endi basseyn yoki suzish havzasi bo‘lsa, yana yaxshi. Hech bo‘lmadi degan joyiga issiq dush juda ham foydali. Kechqurun oson uxlashingizga hamda kun davomidagi charchoq va telefondan qolgan nurlanishlarni tarqatishga yordam beradi.

Bonus. Telefonni kunda 1 marta quvvatlash va quvvatlash paytida tegmaslik. Telefon quvvatlanayotgan payti juda kuchki radiatsiya tarqatadi, bu esa organizmingizdagi viruslarni rivojlantiradi.

Soddaroq qilsak, kechqurun so‘ligan bodringga o‘xshab, kayfiyatingiz bo‘lmasligi shu kasalliklarning ilk simptomlari.

Shuningdek, bu telefondan foydalanish soatingizni kamaytiradi. Menda 8-10 soatdan 5-7 soatga tushdi.

Siz telefondan doimiy foydalanadigan inson bo‘lsangiz, bu tavsiyalarga amal qilib ko‘ring, 3-4 kunda natijasi seziladi, inshaalloh.

Ajoyib kurslar bor-da

Hozir bitta trenddagi marketolog akamizning reklamasini ko‘rib qoldim. Marketing tadqiqot qilishdan tortib, 10 yillik marketolog nimani bilsa, hammasini 3 oy ichida o‘rgatar ekanlar.

Bu bilimlarning ichida bitta dars bilan kopiraytingni ham tushuntirib beradilar.

Agar rostdan shunday darajada bo‘lsalar, Alloh omadlarini bersin.

Lekin bilasizmi, bu haqiqat bo‘lgan taqdirda ham, ular uchun haqiqat. Ular o‘zining tug‘ilganlaridan boshlab hisoblangan tajribalari bilan buni uddalashlari mumkin.

Ammo Sizga nafaqat 3 oy, balki 3 yil ham kamlik qilishi mumkin.

Oddiy kopiraytingni qarasak. Kopiraytingni 100% desak, men kursimda 10-20% qismini, ya’ni SMM postlarga aloqador qisminigina tushuntirib beraman.

Buni esa o‘quvchi 1 oy kuratorlar bilan, yana 1 oy men bilan o‘rganadi. 2 oy ichida faqat kopiraytingni boshlang‘ich bilimlarini olasiz va oyiga 500-600 mingdan 1-2 milliongacha topishingiz mumkin.

Bu ham fakt emas, shunchaki o‘rtacha statistika xolos.

Mening hech qaysi marketolog yoki biznesmenning kursiga e’tirozim yo‘q.

Lekin 2-3 oy ichida qaysidir sohani to‘liq o‘rganib, oyiga kamida $ 500-1000 topish mumkinligiga shaxsan men ishonmayman.

Balki dangasaligim uchun shunday fikrlayotgandirman, biroq bu mening hayotiy tajribam. Xulosa qilish esa Sizdan.

Uydan ko‘chaga chiqsam, o‘tlarga suv sepadigan quvurlar o‘rnatishibdi. Qarasam, hammasi yaxshi ishlayapti, xursand bo‘lib ketayotsam, bittasini suvini yo‘lga sochayotgan qilib qo‘yishgan ekan. Shimimning rangi ochroq bo‘lgani uchun ho‘l bo‘lib ketdi.

Shu holatda ofisga borib, hozir ishlaydigan joyimga yetib keldim. Shu yo‘lda 100 dan oshiq begonalar va ofisda 20 ga yaqin tanishlar ko‘rdi, lekin hech biri shimim ho‘l ekanini payqamadi (ko‘z, bosh harakatlaridan bilinadi).

Buning sababi nima? Chunki men shuni xohladim, nega deganda men odamlarning fikriga tupurganman, ularning fikrlarini menga gramm vazni yo‘q. Shuning uchun ham ulardan birontasi menga ham e’tibor qaratmadi.

Ya‘ni Siz kopirayting orqali oyiga $ 1000-2000+ topish ertak, deb hisoblasangiz, rostan ham ertak bo‘ladi va Siz hech qachon bu sohadan katta daromad qila olmaysiz.

Agar kopirayter oddiy xabar yozadigan bot-da, deb qarasangiz, haqiqatda ham Sizni it ham hurmat qilmaydi, hamkasblaringiz odam o‘rnida ko‘rmaydi.

Siz kopirayterning ishini ChatGPT bemalol qila oladi, kopirayterga non yo‘q desangiz, xuddi shunday bo‘ladi, umuman ish topa olmaysiz.

Siz qanday o‘ylasangiz ham haqsiz. Qanday o‘ylash esa Sizga bog‘liq.

@Jaydari_kopirayter zo‘r yigit-da, ajoyib postlar yozadi, deb o‘ylab, reaksiya bossangiz, izoh yozsangiz, xabarlarni ulashsangiz, rostan ham shunday bo‘ladi.

Shu sababli mendan nimadir yoqmasa, xatoni mendan emas, o‘zingizdan qidiring 🤪

P. S. Siz nima desangiz ham haqsiz. Kecha ham haq edingiz, ertaga ham haqsiz. Hozirgi gaplaringiz ham to‘g‘ri, keyin aytadiganlaringiz ham.