رابط قناه الرادود علاء الدفاعي جديد أن شاء الله

عمي عباس سلبو ترجيتي
عمي عباس بلا ابو تاليتي
ردت اجيلك للنهر اشتكيلك يلكمر
عمي عباس عمي عباس

عمي دورتك لمن حرگو خيم
اسمع يگولون يله اسبو حرم
عمي اجونه ناس ماعدهم ذمم
عمي كل الطف احسنه انهجم
دورت ماكو حمه الگاع ترسوها دمه
عمي عباس الهوه يحرگ ريتي
عمي عباس عمي عباس

بطرف ثوب بخوفي اني چلبت
خذو كلشي وبلتراچي اتسلبت
1. بليل اظلم حاوطوني واني بت
ومن عگب ذاكه الدلال اتعذبت
طحت متوصطه عده والظلم توه بده
عمي عباس جرحو حنيتي
عمي عباس عمي عباس

دمع يندب شگ الجفون ونزل
گلبي من الصار حسيته وصل
عله بيه وخلفت كومت علل
عمي حتى الخوف بلصاير جفل
كلشي يرعبنه صفه صرنه دمعه اوسالفه
عمي عباس روحي اتمنيتي
عمي عباس عمي عباس

گمت اتمناك من ظاگت تجي
عمي الك ظميت اهات وحچي
خلاف عينك بعد ياهو نرتجي
العبره تخنگنه وتظل ناتج بچي
الگوم ظلام اوطغت بدم اهلنه اتعفرت
عمي عباس دمعتي صبيتي
عمي عباس عمي عباس

نار گلبي صار يجرحني الهوه
الگمر ماكو ندور اوماصح ضوه
وحشه دونك غايب بعيني الوه
عمي ياعباس احس گلبي انچوه
ياكل ابروحي الهظم بلنفس گمت الچم
عمي عباس يادنيتي شسويتي
عمي عباس عمي عباس

ابو حيدر الصبيحاوي