بگذلتك شد رگبتي وطلع الروح

مشهد غيابك خرابة
وصوتي مبحوح شيصيح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي أعثر وأطيح
ولو خبر منك يجيني
الناس تعدل من جديد
الضوة يبين من بعيد
مطر ينزل
شمس تضحكلي
مشانق تنصب مرجوحة لـ أطفال الشَهيد
الورد يطلع بـ الجماجم
لو تجيني

زيد السومري

حتى إذا ترجع بَعد
ترجع غريب

تبارينا الذمم والحب طويناه
ورميناها الذكريات احجاره بالبير

هذا الصار
بينة ويا حرامات
يومية السهر
برموشنا يبات

عيد الله هذا الجاي
بس أنت يمتى؟

اذا ظنيت اردلك
أنت غلطان
يا دمعة الرضت
ترجع للعيون

بزلّاتك اضم ردتك ضمير تصير
وچذّبت الصدك حتى انت ماتخسر
وعاونتَك عَلَي من شفت عذرك خاب
وقنّعت النفس كلتلها يتغيّر
لا گِصرَك طوَل لا فاض بيك الطيب
لا شمسك عِلَت والراكد تبخّر
لا مدّك وصل والعين شافت نور
لا كسرك جبر لا لغزك اتفسّر
گدامك طحت ماشفت وجهك گام
وهاك ابسط مثال وشوف وتصور
خشبة بطبر فركست چف حَطّاب
من شافت حطب گدّامها اتطبّر

بالموادع بروحي يصير تابوت
وبالملاگة هلاهل دمعتي تصير
-علي رشم

نام انت عوافي تغطى بالروح
وانه اغزل للصبح بخيوط النعاس