Президент бүгин исбилермен жасларды қоллап-қуўатлаўшы 3 үлкен ҳүжжетке қол қойды

1⃣ Биринши ҳүжжетке муўапық, Жаслар агентлиги жанында Жаслар исбилерменлигин раўажландырыў қоры шөлкемлестирилип, оған 100 миллион доллар қаржы ажыратылды.

Енди инталы жаслардың стартап жойбарларына 2 миллиард сумға шекем инвестиция киргизиледи.

2⃣ Екинши қарар менен жоқары оқыў орынлары питкериўшилери бәнтлигин тәмийинлеў бойынша жаңа система жаратылмақта. Буның ушын Миллий банкке 100 миллион доллар ресурс бериледи.

Банк Жоқары билимлендириў министрлиги ҳәм Саўда-санаат палатасы менен биргеликте жоқары оқыў орны питкериўшилериниң баслама ҳәм идеяларын жойбарға айландырыў бойынша жаңа банк хызметлери пакетлерин енгизеди.

3⃣ Үшинши ҳүжжетке бола, Алоқабанк жаслардың бизнес жойбарларын қоллап-қуўатлаўшы таяныш "жаслар банки"не айландырылып, оған 200 миллион доллар ажыратылды.

Банк өзин-өзи бәнт еткен жаслар жойбарлары ушын 100 миллион сумға шекем 7 жыл мүддетке жеңиллетилген микроқарыз ажыратылады.

"Алоқа венчур" фонды арқалы стартапларға 50 мыңнан 1 миллион долларға шекем қаржы киритилип, өним ҳәм хызметлерди ишки ҳәм халықаралық базарларда сатыў, бизнес кәсиплес табыў, қосымша инвестициялар ажыратыўға жәрдемлеседи.

@Qaraqalpaqxabar Оператив ҳәм исенимли хабарлар

❓Алдаўшылық ушын қандай жаза белгиленген?

Алдаўшылық — бул басқаның мүлкин ямаса мүлкке болған ҳуқықын алдаў яки исенимине кирип оннан пайдаланыў жолы менен қолга киргизиў.

Алдаўшылық ушын нызамшылықта жынайый жуўапкершилик белгиленген.

Жынаят кодексине муўапық, усы жынаятты ислеген шахс:

➖ БЕМның 50 есесинен 100 есесине шекемги (37 500 000) муғдарда жәрийма;
➖ 2 жылға шекем тәртип дүзетиў ислери;
➖ 1 жылдан 3 жылға шекем азатлықты шеклеў;
➖ 3 жылға шекем еркинен айырыў менен жазаланыўы мүмкин.

@Qaraqalpaqxabar Оператив ҳәм исенимли хабарлар

*⚡️Енди жумысқа кириўде паспорт, мийнет ҳәм пенсия дәптершеси талап етилмейди*

Мәмлекетлик уйымлар ҳәм шөлкемлерде жумысқа қабыл етиў ўақтында шахстың паспорты ямаса ID-картасын, мийнет ҳәм пенсия дәптершесине байланыслы мағлыўматларды талап етпей, еркин түрде, соның ишинде, мәлимлеме системаларындағы уйымлараралық интеграцияласыў платформалары арқалы сорап алыў белгиленди.

Буннан тысқары, жүклилиги ямаса перзенти болғаны ушын хызметкерди жумыстан босатыўға шеклеў енгизилмекте. Нызам рәсмий жәрияланған күннен баслап күшке киреди.

*🔔 Постты жақынларыңызға тарқатың.*

@Qaraqalpaqxabar Оператив ҳәм исенимли хабарлар

❗️Балаларға зорлық көрсеткен педагоглардың айырым ҳуқықлары шеклениўи мүмкин

Социаллық қорғаў  миллий агентлиги ҳәм Олий Мажлис Бала ҳуқықлары бойынша ўәкили (Балалар омбудсманы)ниң билимлендириў шөлкемлеринде балаларға қарата зорлық жағдайларына жол қойған педагог ҳәм тәрбияшылардың ендигиден былай  балалар менен ислесиў бойынша мийнет искерлигин даўам еттириў ушын шеклеўлерди, қосымша талапларды нәзерде тутыў ҳаққындағы усыныслары мақулланып атыр.

Бул ҳаққында Президенттиң усы жыл 2-декабрьдеги ПП-201-санлы пәрманында сөз етиледи.

@Qaraqalpaqxabar Оператив ҳәм исенимли хабарлар

⚡️Пуқаралар атына ашылатуғын пластик карталар санын шеклеў жобаластырылмақта
Орайлық банк баслығы орынбасары Б.Хармаевтың айтыўына қарағанда, айырым банклерлиң клиентлери жүзлеген картаға ийе болып, бул алдаўшылар тәрепинен карталардан пулларды урлаў ушын пайдаланылмақта.

Орайлық банк бир пайдаланыўшының атына ашылатуғын банк карталары санын шеклеўди жобаластырмақта.

Бирақ ҳәзирше анық қандай шеклеў қойылыўы бойынша анық усыныс ислеп шығылмаған.

@Qaraqalpaqxabar Оператив ҳәм исенимли хабарлар

?Дүняда ҳәр 14 секундта бир кибержынаят жүз берип атыр!

Интернетте атаклы адамлардың атынан ўәде етилип атырған "аңсат пул табыў," "тез байыў" жалғанларына исенип қалмаң.

@Qaraqalpaqxabar Оператив ҳәм исенимли хабарлар