Бусалба стага шен ницкъ ма-кхоччу къахьега деза лайлатул-къадр буьйса денъяр тIехь. Хьадисашкахь бух болуш деана долу доIанаш дойла цо дуккха а, (масала, хIара санна): «АллóхIумма иннака Iафуввун тухьиббул-Iафва фаIфу Iаннú».

أَللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي.

Шайх Iабдул-Карийм аль-Худайр

Цхьаболу нах, лайлатул-къадр буьйса цхьана схьатехь я буьйсан кхозалгӏа декъахь ю олий кхета, ткъа иза гӏалат ду, нийса дац.

Лайлатуль-къадр буьйса малх чубуьзча дуьйна ӏуьйра хан хиллалца ю. Сийлахьчу Аллахӏа аьлла: «И маршо лаьтта садаржалца».

Сурат аль-Къадр, аят 5.

Сийлахь-Везачу АллахӀа боху: 

«ТаЛлахӏи, шайга хаттанза дуьтур ма дац шу, аш кхуллуш хилла йолчу харцонех..» 16:56

Ахьа хьайна ца хуъушехь динехь мел аьлларг, иштта хьайна динехь нийса доций хуъушехь ахьа мел аьлларг а. Ма жоп дала дезар ду хьан!

lилма нахана Аллахl вовзийта laмаделахь, хьой вовзийта ца laмош!

Шайх Ӏабдуссалам аш-ШувайӀира (АллахӀа ӏалашвойла и) аьлла:

«Кху дуьненахь уггар мерза дерг –
ламаз а, Ӏилма а Ӏамадар ду».

Ибнул-Жавзийс (АллахIа къинхетам бойла цунах) аьлла:

«Вайн Делора, каш чохь болчаьрга хаьттича: Муьлхачу хlумане сатуьйсу аша? Цара эра ма дара: Рамадан беттан цхьана дийне сатуьйсу оха (цу дийнахь марха а кхобуш, терхь а деш, иштта кхин йолу lамал а еш Iархьама)».

Ат-Табсирахl, агӀо 2/78

Фудайл ибн Iийада (АллахIа къинхетам бойла цунах) аьлла:

«ГIийбат гучдаьлча, АллахIан дуьхьа лелош долу вежралла дIадолу».

Хьилйат аль-авлияъ: 8/96

Ибн Таймиййата (АллахIа къинхетам бойла цунах) аьлла:

«ХIокху Ражаб батт чохь АллахIа а, Цуьнан Элчано (ﷺ) а билгалдина доцу Iибадаташ юкъадаьхна наха».

ибн Къаййима (АллахIа къинхетам бойла цуьнах) аьлла:

«Цамгарна уггаре а чIогIачу дарбанех ду - (нахана) дика дар а, пайда бар а, Дела хьахор а, доIа дар а, Далла хьастадалар а, доггах АллахIе дехар а, тоба дар а. Оцу дагардинчу бахьанаша сел Iаткъам бо цамгарш дIаяхарца а, дарба дарца а молханашачул а чIогIа. Делахь а, и кхочуш хилар доьзна ду (адаман) са мел кийча ду хьаьжна а, цо и мел барамехь къобалдина хьаьжна а, (адаман) оцу балхах а, цуьнан пайде хиларх а дог мел тешна ду хьаьжна а»

Задул-маIад, агӀо 643