من الناحية العلمية وبعيدا عن التحيز العلمي ايهما مفيد اكثر لل morning sickness او الغثيان والقيء الي يصير ويه الحمل ال
Antihistamine +B6
ام

?Dopamine blocker &
?Serotonin blocker

واضح جدا انو هاية الحالة افضل علاج الها هو first generation antihistamine مثل
➡️Meclizine
➡️Doxylamine

+\- B6
وممكن نبدل العلاج اذا المريضة مشافت نتيجة عليهم لان الموضوع اله ارتباط ب histamine و muscarine وهذني الادوية يشتغلون specific عليه….

تجي للواقع احنه بالعراق بسم الله صارت حامل لازم تاخذ زوفران حب اذا تريد تمشي guideline فواضح هو الكايدلاين يكلك استخدام Ondansetron بالثلث الاول من الحمل يقتصر فقط على hyperemiais gravadirim يعني فقط لحالات القيء القوي الي متفيدها باقي الادوية…

مريضة صارلها اكثر من شهر تاخذ no vomit وماكو اي نتيجة كل وقت لعبان نفس وقيء مجرد ما بدلته الها بعلاج Doxylamine /B6 من ثاني يوم اكو فرق وهمة خابروني كالوا رحم الله والديك العلاج اشتغل ??

حكيم hakim?

سبحان الله بس بالعراق كلها تصرح وماكو تنفيذ….

وزير الصحة يصرح بينه ومحد يسمعه…

وزيرة المالية تكول ماعندي مانع اذا وافق وزير الصحة…

وزير الصحة يكول اني كل مانع ماعندي اذا وافق رئيس الوزارء…

مجلس الخدمة الاتحادي يكول احنه كل مشكلة ماعدنه بتعيينكم اذا وافق مجلس الوزراء…

بقت السالفة على يوم الثلاثاء ونشوف ان شاء الله خير…

ترا محد معترض عليكم بس انتو دفعة محسودة ??

والله دخنه ولعبت حته رواحنه وحتة مزاج مالي ابد والله يساعدكم كلكم لان جاي اشوف نفسي حتة واهس بالغشل مالي وان شاء الله خير

حكيم hakim?

هل Omega -3 مفيد للاطفال…

نعم مفيد للاطفال من ناحية تطور القدرات العقلية ? وهالشي محدد بمراحل نمو الطفل وصولاً لمرحلة البلوغ….

?The ω-3 long-chain PUFAs are included in infant formulas to promote brain development…

ايضا omega-3 مفيد للبالغين الي عدهم جفاف جلدي او جفاف بالعين وهذا الكلام مذكور بمصادر رصينة يعني مو من مقالات او ادلة غير رصينة…

?Essential fatty acid deficiency characterised by scaly dermatitis as a result of the depletion of skin ceramides with long-chain fatty acids…

والف سلامة ان شاءالله ??

Lippincott biochemistry

حكيم hakim?

كلشي راح تقراه او تسمعه ممكن يمر عليك بالصيدلية…

اجه مريض كال اني لثتي جاي طك دم من افرش واني اخذ اسبرين وقبل مجان يصير هالشي….

كلته مو مشكلة احتمال عندك التهاب باللثة بس ممقتنع هو وباله غير شي ??

الى ان بقى يجي وجان يكول اني ترا اكل ثوم وبصل هواية اله تاثير على تخفيف الدم?

هذا الله دزلياه كتله يي اكو تاثير هو هذا السبب احنه كصيادلة مو بس نهتم لل drug-drug interaction وانما ايضا نهتم لل drug-food interaction ومثل متعرفون انو اكو تداخل ويجوز مننتبهلة هواي يصنف food drug interactions انو البصل المطبوخ والثوم ايضا تزيد مفعول الادوية المسيلة للدم مثل

➡️Aspirin
➡️Clopidogrel
➡️Warfarin
وغيرهم طبعا هو تداخل اقل اهمية بس الاغلبية معرضين اله وممكن ننصحهم يقللون هاي الاكلات خصوصا اذا جانوا ماشين على ادوية مسيلة للدم حتة نقلل احتمالية اي اعراض جانبية وصحة والف سلامة
??

حكيم hakim?

تم بفضل الله تعالى اليوم اكمال شرح جميع كورسات التدريب الصيفي (الاساسي والمتقدم والتجميلي) لاكثر من ٤ الف طالب ومتدرب

الحمد لله

الاشتراك مفتوح الي يحب يشترك كل المادة موجودة ومثبته ويكدر الطالب يقراها على راحته وتبقى عنده مدى الحياة.

للاتشراك مراسلة قسم التسجيل
@PharmacyDrug_bot

ملاحظة مهمة تفيدكم بخصوص اعطاء
➡️Metoclopramide (plasil)

للمراهقين والكبار…..

احنه نعرف انو البلاسيل بالجرعة العالية ممكن يسوي dystonic reactions وتشنجات غير مرغوب بيها ولذلك الاغلبية ميفضلون اعطاءها ويخاف منها مع العلم هي من افضل الادوية الي تعالج القي…..

زين دكتور وشنو الحل ‼️
اسهل منها ماكو اذا اجاك شخص عمره اقل من ٢٠ سنه او اكبر من ٦٠ سنة لاتنطي امبول كامل وانما تنطي نصف امبول يعني 5mg فقط او 1ml هي الامبول تجي 10mg\2ml لذلك احنه ذولة الاشخاص ننطيهم 5mgفقط يعني 1ml حتة نضمن مراح تسوي اي تاثير جانبي…

زين حلو واذا كان طفل شلون نحسبها ؟!
اسهل منها ماكو اذا طفل تحسبها عالوزن
تضرب وزن الطفل
wt. x 0.1mg
راح تطلعلك الجرعة الي تنطيها وكان الله يحب المحسنين والف سلامة يارب ??

حكيم hakim?

اخيراً بعد تحضير وتجهيز لمدة يوم ٣ أيام

موضوع Aminophylline Injectable أصبح متاح لكم ??

كل التفاصيل التي قد تحتاجها ?

بلاث نقاط راح نختصرلكم الفرق بين oral thrush (فطريات الفم) و mouth ulcer (قرحة الفم)

اولا oral thrush شائعة اكثر شي عد الاطفال وجودها بالاشخاص كبار العمر غير طبيعي يعني انته المفروض من يجيك شخص بالغ يكلك عندي فطريات بحلكي مراح تاخذه على محمل الجد لان oral thrush متصير عد الكبار الا بحالات نادرة مثلا استخدام بخاخ ستيرويد او ادوية تكبح المناعة او شخص مناعته ضعيفة فدائما الكبار يصير عدهم mouth ulcers وليس oral thrush وبالنسبة للفطريات يكون لونها ابيض وغير مؤلمة…

ثانيا mouth ulcer قرحة الفم شائعة عد الكبار وليس الاطفال يعني دائما خلوا بالكم من يجيكم شخص متالم جدا وميكدر ياكل اويشرب حتة المي يحركة هذا عنده قرحة فم وليس فطريات وبهاي الحالة يكون الجلد منسلخ من مركز القرحة وداير ميدورها احمر وتكون مؤلمة جدا بحيث ميكدر ياكل ار يشرب الشخص اسبابها عدة واهما نقص B12 والحديد بعض الاحيان مشاكل بالجهاز الهضمي وممكن استخدام ادوية anticancer عافاكم الله….

اخر شي علاج oral thrush او فطريات الفم باستخدام مضاد للفطريات anti-fungal مثل miconazole oral gel يستخدم اربع مرات يوميا بينما قرحة الفم mouth ulcer علاجها ستيرويد واشهر شي نستخدمة الها kenalog عبارة عن triamcinolone oral paste تطبيق موضعي داخل الفم مرتين الى ثلاث مرات باليوم وحتة اذا يبلعه المريض ماكو اي اشكال وعن تجربة من اول يوم يشوف فائدة عالعلاج والف سلامة يارب ??

حكيم hakim?

ملاحظة مهمة بخصوص antihistamines

كلنه نعرف انو first generation antihistamine وبالاخص
➡️Cyclizine
➡️Meclizine
➡️Promethazine

كلها تستخدم لحالة نسميها motion sickness او دوار الحركة ? (دوار السفر) ومرات يصير قيء عد المريض بسبب هالشي ?…..

زين شنو الجديد هنا ندري بيها تستخدم احنه اساسا‼️

المصدر يكول لازم تستخدم هاي الادوية قبل متطلع او تصعد بالسيارة ? لان من يصير motion sickness فعالية هاي الادوية راح تقل او تصبح غير فعالة لذلك ننصح المريض باخذها قبل نصف ساعة على الاقل قبل المغادرة….

▫️They are usually not effective if symptoms are already present and, thus, should be taken prior to expected travel.

زين بس هيج ‼️
لا مو بس هيج هاي الادوية ايضا ممكن تستخدم لحالات الدوار او الدوخة vertigo الناتجة عن مشاكل الجهاز الدهليزي في الاذن vestibular disorders….

زين منو افضل واحد بيهم لهاي الحالة‼️
افضل شي بيهم لمشاكل vestibular disorders هو
➡️Meclizine

وصحة والف سلامة يارب ??

حكيم hakim?