مهند المياحي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago
#قصيدة [ عقلي اختار ]
شعر / مهند المياحي
حبيت وتـمنيت ونـجنيت .. عقلي اختار
روجاي من دنياي يا مولاي .. حــبك صار
من مهدي ولكبري ناذر الك عمري
..........
اول ما صرت يا ســــيدي نطـفه برحـمـها
اسمع يا علي كلما تخـط امــي بـجدمـــها
تذكر هل اسـم امــي وتـــودع كـل الـمها
بـ هالحظة صرت روحي وامانيها وحلمـها
قـرآن اسمك چان بالأذان .. احله احساس
حباك گلبي وياك من ناداك .. تــاج الراس
بسمك سرح فكري .. نـــاذر الك عمـــــري
~~~~~~
لـمـن فتحت عيني وشفت نــور الــهداية
اول ما لفظت اسمـــك يـحــيدر بالـبداية
چنت اسمع احاديث وحكم قـصة ورواية
الجنة ترفضه متريده الي ما عنده الولاية
حنيت من وآليت من لبيت .. يا بو حسين
مسرور شفتك نور بيه يدور .. ضووه العين
بـحبك عله قدري ناذر الك عمـــري
~~~~~~
يا ثـمرة محمـد رافقت طـــــه بـمسـيـره
كلمن خالــفك تاه وخســر ضيع مصــيره
ما قبلت قريش بهل الأمـر تصــبح وزيره
انت اول ملك يا بو الحسن حكم ضميره
ما نام والايـام لــلأيتام .. صـارن عيد
ما مال هـ الدلال والآمال .. ليك تزيـد
يا سجدتي بشكري ناذر الك عـمـري
~~~~~~
كلما تضوي شمــعة جددت حبي ولائي
افخر لــو كلتـها رافضـي آنــه انتــمائي
منعوني وابد مــا بطلت قــائم عـــزائي
بالتاسـع عشـر يعلــه بألـم وني وندائي
حسرات بالآهات والدمعات .. تجري دموم
متهيد ناري تزيد يا صنديد .. هـذا اليوم
وني ولطم صدري ناذر الك عمري
~~~~~~
من حَب النجف كلبي بشغف اعلن هيامه
يـــا روح النبي عقلي اكتسب منك كرامه
الـما يلفظ علي كل لـذه مــا تلكه بكلامه
مو بــس خـاتـمك تتصدق انت بأبتسامه
يا قاف بالألطاف والاوصاف ... بيك تـحير
يا صاد ربك راد بيك اقتاد ... مهما يصير
تـملك زمام امري ناذر الك عمري
~~~~~~
يا حيدر مدد صـوت الزمــن ردد يقينه
لـوما انت يا حيدر فلا تـمـشي السفينة
يونس بلعته الـحوته ومنو غيرك يعينه
سماك النبي يابو الحـسن باب الـمدينة
من صاح جفك لاح موسى ارتاح .. من فرعون
اصـوات بالكـلفات والــشدات .. بيك تـهون
بيك انكشف ضري ناذر الك عمــري
~~~~~~~
سالك منهجك مـهما حـصل ثـابت يقيني
بس لأرض الغري هذا المسه شوگي وحنيني
يا حيدر عـدل ميـت اذا ضِــيفَك تــجيني
ما شك واعتقد جازم جزم كتابي بيميني
عدلين لو ميتين معتقدين .. بيك تـهون
ويـاك ما ننـساك نتفداك .. ليث الكون
يوم الحشر ذخري ناذر الك عمري
Telegram
مهند المياحي
أملي رضاكم سيدي يا ابا عبد الله ' فأنت المتفضل ‘ تقبل مني بحق امك الزهراء ( عليها السلام )
 [ عقلي اختار ]](/media/attachments/muh/muhanab09/5646.jpg)
=::- تهدمت والله أركان الهدى -:: =
#قصيدة [ راية المشاية ]
شعر / مهند المياحي
أفرح وتمسح همــــــومي هواية
لــــو شــفتها رايـــــــة المــشاية
……………
أنه الما فارگـتني الدمعـــــة ليلية
هواي احزان عاشت يا خــلگ بيه
أنه الغايب نعم وجـروحي مسيبة
يخـف كـــــل الألـــم بالاربعــينية
الكم بگلــــبي تعــــــيش احجاية
لــــو شــفـــتها راية المــشـــــاية
~~~~~~
على طول الطريق اتنـطر بهـمـة
أنه وياكم أعيشن موسم الخدمة
عبارات الشغف بالروح مـزدحمة
هله وميت هلـه بزوار ابــو اليمة
آية هالخـدمــــــة وعظيمة الآية
لــــو شــــفـــــتها راية المــشاية
~~~~~~
هواي من المجالـــس شاركت بيها
ويه اليجري دمعة دموعي اجريها
علي وياكـــم علـــي الزوار أحييها
واصيحن فاطمة هالخدمـة اقبليها
والنعـــم مــــنكم صـــــدگ وفاية
لــــو شــفتها رايــــــــة المــشاية
~~~~~~
على خــدي المــدامع بالجــمر تكتب
آنه الي أعله عمته مـن القــهر شيّب
ساعة وياكم امشي وساعة بالموكب
ساعة الطم وانوح وساعـة المــعزب
فكري بالطف مـن تصــــــير اقراية
لــــو شــــــفتــها رايــــة المـــشاية
~~~~~~
أعالجها المــشــاكـل مـــن تمر بيكم
وآنه هــــــواي اناديكم بسامـــــيكم
يل غــيرة وكـــرم تنگطع معــانيكم
علـــى هـــذا التعب الله الــيجازيكم
أهل فزعـــــــة وحققيتو الغــــاية
لــــو شـــــــــــفتها راية المــشاية
~~~~~~
ذيچ الصرخة لو بالطف تسمعـوها
( الا من ناصرٍ ) بالــدم تكـتبوهــا
ما فجعـوا گلـب لا خيمة حرگـوها
ولا عمتي غريبة ومـا يرحـمـوهــا
ولا حــــــــــــرمنه اظل بلا حمّايه
لــــو شـــــــــــفتها راية المــشاية
~~~~~~
شكراً للــبذل والــواســه بحساسه
الله بـ هالـــكرامـــة يطيب انفاسه
هاي الخدمـــة تاج انوضعت براسه
عنه حسين راضي وراضي عباسه
بزودكم هالخدمـــــة دكــــت ثاية
لــــو شـــــــــــفتها راية المــشاية
https://t.me/joinchat/Qi8td_rFg9aq-fTg
Telegram
مهند المياحي
أملي رضاكم سيدي يا ابا عبد الله ' فأنت المتفضل ‘ تقبل مني بحق امك الزهراء ( عليها السلام )
 [ راية المشاية ]](/media/attachments/muh/muhanab09/4347.jpg)
عن أبي جعفر ( عليه السلام ) قال :
مروا شيعتنا بزيارة قبر الحسين ( عليه السلام ) فإن إتيانه مفترض على كل مؤمن يقر للحسين بالامامة من الله عزّ وجلّ
? [ رايتك عليها ]
الـرادود لـيث القريـشــي
? [ محتاجك تعال ]
الرادود جهـــاد الظـالمـــي
? [ اول ما فتحت العين ]
الرادود سيد مصطفى الحسيني
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago