#yangi_manba
#tahaddus

Til egasi boʻlmaganlarga arab tili oʻrgatishda zamonga mos, har tomonlama rang-barang qoʻllanmalar koʻp emas, hozircha.

Doktor Xolid Husayn Abu Amsha esa shunday sanoqli qoʻllanmalar tuzishda ustasi farang. Uning "Dalil"i allaqachon tillarda doston-u, qoʻllarda giryon.

Bugun esa doktor oʻzining Academia.edu platformasidagi sahifasiga yana bir ajoyib qoʻllanmasi – "Gapirish va yozish mahoratlarini rivojlantirish uchun suratli 100 qissa"ni joylashtirdi.

Mana oʻsha manba👆👆👆
Sizlarga ham ilindim. Oling, foydalaning!

Bizning manzil:
https://t.me/arabic_burhan

Ziynat

Inson uchun poklik muhim, lekin odamlarga yaxshi ko’rinaman deb zeb-ziynatga burkanib oladiganlarni hech tushunmasam kerak. Tashqi tomondan yuksak baho berilishi, birinchi taassurotda a’lo baho olish uchun qo’limizdan kelgancha tashqi omillardan yordam olamiz. Balki bu ham kerakdir, lekin haqiqiy ziynat nazdimda boshqacha.

Men haqiqiy ziynat deganda, qalb ziynatini tushunaman. Biz qalbimizni poklik, halollik, yolg’on ishlatmaslik, aldamaslik kabi ezgu fazilatlar bilan ziynatlashimiz kerak.

Eng yaxshi ziynat bu inson uchun go’zal xulqdir. Insonlarga o’lchov berishda biz uchun undan yaxshisi bo’lmasa kerak.

@temurbek_adhamov

Bir piyola choy

O‘zimcha qilgan xulosalarimdan.

Kichik kuzatishlarimdan shu ma'lum bo‘ldiki, ulug‘ zotlarga, katta ustozlarga talabaning nechog‘lik o‘qib tashlagani, yorvorgani, suv qilib ichib tashlagani unchalik muhim emas.

Balki, ularga talabaning birinchi o‘rinda axloqi + tirishqoqligi muhim.

Alloma Muhammad Avvoma hazratlari: "Keladigan talaba odobli bo‘lsin. Ilmi o‘rtacha bo‘lsa, ilmli qilib olaman. Faqat axloqi bo‘lsin" - degan ekanlar.

Darhaqiqat, odob-axloq, davomiylik, tirishqoqlik bilan inson qancha marralarni zabt etgay.

Talabaning o‘ta darajada tez qabul qilishi ham emas, balki muttasillik bilan qiynalsa-da, to‘xtatmasdan ta'limni davom ettirishi muhim.

Yaxshi olim bo‘lish uchun, albatta, ko‘p bilish muhim.

Lekin undanda ahamiyatlirog‘i bilganiga qancha bo‘lsa ham amal qilishi muhim.

To‘rtta, beshta kitobni ko‘rib qo‘yib olimu zamon, allomayi vallomat yasab olish, uncha-muncha odam bilmaydigan kitoblarni nomini qaytarib yurish emas, bir piyola choyni samimiyat bilan ichib, ko‘rishganda chiroyli tabassum bilan gaplashish muhim.

Gaplashayotgan insonning saviyasiga monand chiroyli, sunnatga munosib muomala qilish muhim.

Dunyoda ketayotgan moda (ijtimoiy tarmoqdan olindi) deymizmi, trend deymizmi, ustuvor qadriyat deymizmi, avvalo, hazrati inson bo‘lish muhim.

Yaxshi olim bo‘lish uchun ixlosli amal muhim.

Sof qalb, toza niyat, muhabbat, samimiyat muhim.

Alloh barchamizni qalblarimizni g‘illi-g‘ashlik, qalbiy xastaliklardan poklasin.

Ilm va amalga oshiq, ixlosli bandalaridan qilsin.

Nabiydan so‘rdi bir so‘rg‘uvchi banda,
Yomonlarning yomoni qaysi inson?

Javobin bermadi anga o‘shal on.
Uch ayg‘on so‘ng javobin berdi oniy,
Yomon olim yomonlarning yomoni.

Yana aydi o‘sha hamrozi mahbub,
Ki xo‘blarni xo‘bi ham olimi xo‘b?

Dedi Payg'ambari olamgʻa hodiy,
Erur do‘zaxda bir shiddatli vodiy.

O‘shal vodiyni huznul jubb ato der,
Riyolik qorilar joyi u vodiy.

Jahannam to‘rtla yuz qatli andin,
Panoh istar Xudoye zul manandin.

Xudovando yirogʻ etgin riyodin,
Ayirma sidqi ixlos-u rizodin.

@arabictadriys

⚡️Yangi kursga qabul. Kurs shakli: O‘qib tushunish va grammatik ko‘nikmalarni takomillashtirish uchun maxsus kurs.

Kursdan qilingan maqsad:

arab tilida yozilgan arab yoki jahon adabiyotining sara 30 dan ziyod asarlarini o‘qib tushunish;

badiiy tarjima ko‘nikmasini shakllantirish;

grammatik ko‘nikmalarni o‘qib tushunish asnosida mustahkamlash;

kitobxonlikni targ‘ib qilish.

Ishtirokchilarning takliflaridan kelib chiqib mutolaa uchun yana adabiyotlar ro‘yxati kengaytirilishi mumkin.

Kimlar uchun: Darsda qatnashish uchun o‘rta bosqichdagi kitoblarni o‘qib tushuna oladigan;

o‘qib tushunish ko‘nikmasini rivojlantirishni xohlovchilar;

nahvdan fundamental bilimlarga ega;

keyinchalik faoliyatini ta'lim va tarjima sohasida davom ettirmoqchi bo‘lganlar;

arab tili ixlosmandlari;

Arab tili o‘qitiladigan ta'lim muassasalari va C1 sertifikatini qo‘lga kiritgan talabalarga qatnashish uchun ustunlik beriladi.

Dars kunlari: Dushanba, chorshanba, juma kunlari.

Kursda qatnashish uchun quyidagi savollarga aniq javob bergan holda @Mutarjimarabiy manziliga yozib qoldiring.

1. Ism-sharif, tug‘ilgan joy va sana.
2. Arab tilida(n) nimalarni o‘qigansiz? (Batafsil yozing. Qaysidir kitobdan bir bet o‘qigan bo‘lsangiz shuni ham)
3. Qayerda o'qiysiz/ishlaysiz?
4. Telegram raqamingiz.
5. Kursda o‘qishdan maqsadingiz nima?

@arabictadriys

#Taqdim
#Tanituv

Bismillah...

Bir necha hafta oldin balog‘at fani haqida tasavvur beradigan risola yozishni boshlagan edim. Bugun shu ish nihoyasiga yetdi. Bunga tavfiq bergan Zotga hamd, sababchi bo‘lgan o‘quvchilarimga tashakkur aytaman! Bu risola balog‘at ilmiga «kirish» sanaladi. Uni o‘qib siz «Fan muqaddimasi» bilan «Kitob muqaddimasi» orasini ajratib olasiz. Balog‘at mavzulari va maqsadlari, eng muhim atamalarining ta’riflari bilan tanishib chiqasiz. Risola balog‘at fanini endi o‘rganmoqchi bo‘lib turgan talabalarga manzur bo‘ladi degan umiddaman! _________________________________
? Risola nomi: «Balog‘atning ikki - fan va kitob muqaddimasi haqida risola»(رسالة في مقدمتي البلاغة علما وكتابا)

? Til: arabcha

✍️ Muallif: Shamsuddin Sadruddin
? Risola hajmi: 10 sahifa
? Mavzusi: *balog‘at

Kitobxondan iltimos, risolada uchratganingiz har qanday xato-kamchilik haqida bizga xabar qiling:* @Bayanul_lisan_bot@Bayanul_lisan

Kechiktirmang

Akademiyada bir ustoz aytardi:
-Birinchi kursga kelgan talaba o'zicha hisoblaydi "Bitirishimga hali yana 4 yil borakan. Ingliz tili, arab tilini o'rganishim kerak. Hozir ingliz tilini o'rganish uchun 6 oy, bor ana, 7 oy ketarkan (shunaqa deb reklamalar berishyapti-ku), arab tilini yaxshiroq o'rganishim kerak, shuning uchun unga ko'proq vaqt ketsa kerak: 8 oy tinimsiz o'qiyman!!! 7 oy + 8 oy = 15 oy . 3-kursning o'rtalarida boshlasam beeeeeemalol ulgurarkanman," deydi-yu 1-4-kursni o'ynab o'tkazib, bitirayotganda qanday kelgan bo'lsa, shunday ketadi.

Yana aytardiki:
-Akademiyada bir xildagi talabalar bor: ingliz tilini o'rgansammi yoki arab tilinimi, deb butun o'quv yilini qaysi birini foydasi ko'proqligini bilishga harakat qilib, oxirida ikkalasiniyam o'rganmasdan chiqib ketadi.

___
Kundalik hayotimizda ham shunday deb o'ylayman. Nimanidir o'rganishga to'g'ri keladi, lekin kechiktiramiz: ta'til bo'lsin o'qiyman, keyingi oydan o'qiyman, unaqa bo'lsa o'qiyman, bunaqa bo'lsa o'qiyman... Yoki bo'lmasam, qaysi bir soha yaxshi: SMMi yoki Grafik dizayner? Uni o'qisammikin yoki bunisinimi? degan vajlar bilan vaqtingiz qanday o'tib ketganini bilmay, uni zoye qilganingizga achinasiz.

Boshlash kerakmi - hozirdan boshlang!

Khayotbek's thoughts yozmoqdalar:

Ko'plab o'quvchilar tilni jim o'rganishadi. Eng katta xato ham mana shunda.

Til nutq qilish, fikrni so'zlar bilan ifodalash uchundir. Tilni o'rganishda tinimsiz mashq qildirib turish kerak. Yana qaytaraman, tinimsiz!!!

Yozuv bilan yozish ko'nikmangiz yaxshilangani kabi, gapirishni mashq qilsangizgina chet tilida gapira olasiz.

Uyalmang, xato bo'lsa ham gapiring, harakat qiling, bugun emas, ertaga emas, 1 oyda natijangiz aniq bilinadi.

Albatta, yodlash uchun faqat to'liq bir jumlani olib, to'g'ri tarjima qilib, to'laligicha jumlani yodlang (so'zma-so'z tarjimadan ko'ra bu usul yaxshi samara beradi)

يكتب أخي حياتبيك:

يتعلم الكثير من الطلاب اللغة بصمت. ها هو الخطأ الكبير.

اللغة هي للتحدث، للتعبير عن الأفكار بالكلمات. لا بد من ممارسة مستمرة في تعلم اللغة. أكررها مرة. مراراً وتكراراً !!!

كما تتحسن مهاراتك في الكتابة، لا يمكنك التحدث بلغة أجنبية إلا إذا تدربت على التحدث.

لا تخجل، تحدث حتى لو كان خطأ، فلتحاول، ليس اليوم، وليس غدًا، خلال شهر واحد ستعرف نتيجتك بالتأكيد.

بالطبع، خذ جملة كاملة فقط للحفظ، وترجمها بشكل صحيح، واحفظ الجملة بأكملها (هذه الطريقة تفيدك بشكل أفضل من الترجمة الحرفية)

Manba: @khayotbeks

@arabictadriys