📋 Մայիսի 13-ին ՀՀ-ում ԻԻՀ դեսպանության մշակույթի կենտրոնի և ԵՊՀ իրանագիտության ամբիոնի համագործակցության շրջանակում տեղի կունենա «Ֆիրդուսիի Շահնամեն և պարսից լեզուն» խորագրով գիտաժողովը։
*Մուտքն ազատ է, սիրով սպասում ենք բոլորին։

🎞 Մեկնարկում է Երևանի կարճամետրաժ ֆիլմերի 7-րդ․ միջազգային կինոփառատոնը՝ Իրանի գունառատ ներկայությամբ։

Երևանի կարճամետրաժ ֆիլմերի կինոփառատոնը, որտեղ հյուրընկալվում են ռեժիսորներ աշխարհի տարբեր անկյուններից, այս տարի էլ ներկայացված աշխատանքների ընտրությամբ սկսում է իր գործունեությունը։
👌 Այս տարվա կինոփառատոնին Իրանն առավել փառահեղ ներկայություն է ապահովելու։ Ցարդ Իրանից փառատոնին թվով 123 ֆիլմ է ուղարկվել, և այս թիվը գերազանցել է այլ երկրներից ուղարկված ֆիլմերի քանակը։
📌 Ֆիլմերից 10-15 ֆիլմ կցուցադրվեն փառատոնի շրջանակում։
📌 Կինոփառատոնը կանցկացվի հուլիսի 25-29-ը։
Այս նորության հետ մեկտեղ նշենք, որ նախատեսվում է նաև կինոյի ոլորտում Իրանի և Հայաստանի միջև մշակութային փոխանակման ծրագրի շրջանակում համաձայնագրեր ստորագրել։

🆔@RayzaniArmenia

*🦜Թռչունը, օ՜, այն սոսկ մի թռչուն էր*

Աբբաս Յուսեֆի Սեդդիղի վրձնին պատկանող այս երփնանկարը մի գործ է, որտեղ միաձուլված են բնությունն ու բանաստեղծությունը՝ կաղապարված պարսկատառ գեղագրության մեջ։ Հեղինակը ներշնչվել է Ֆորուղ Ֆառոխզադի հետևյալ տողերով՝

․․․
پرنده کوچک بود
پرنده فکر نمیکرد
پرنده روزنامه نمیخواند
پرنده قرض نداشت
پرنده آدمها را نمیشناخت
․․․
پرنده آه، فقط یک پرنده بود

...

Թռչունը փոքր էր
թռչունը չէր մտածում,
թերթ չէր կարդում
և պարտք չուներ,
թռչունը մարդկանց չէր ճանաչում
․․․
Թռչունը, օ՜, այն սոսկ մի թռչուն էր

🆔@RayzaniArmenia

📌 Իրանում օրդիբեհեշտ ամիսը սկսվում է մեծանուն բանաստեղծ Սաադիի մեծարման օրով։
🖋«Քիչ գործ, շատ խոսք» կարգախոսը լավագույնս սազում է Սաադիի կենսագրության նկարագրությանը, քանզի չնայած նրա կյանքից շատ քիչ բան է հայտնի, նրա կատարած գործը, որի խտացումն են հայտնի «Բուսթան» և «Գոլեսթան» ժողովածուները, անգնահատելի է մարդկության պատմության համար։ Հիրավի, դժվար է ապրել Մերձավոր Արևելքի և առհասարակ՝ մարդկության պատմության համար ջղացունց մի շրջանում՝ մոնղոլական արշավանքների ժամանակ, և միևնույն ժամանակ երկնել գորովագութ ու մարդասիրական ոգով լցված այնպիսի գործեր, ինչպիսիք գրել է Սաադին։ Նրա ստեղծագործություններում արծարծված խնդիրները արդիական են ցայսօր, ինչպես օրինակ «Գոլեսթանից» բերված հետևյալ տողերը՝

ای سیر ترا نان جوین خوش ننماید
معشوق منست آنکه به نزدیک تو زشتست
حوران بهشتی را دوزخ بود اعراف
از دوزخیان پرس که اعراف بهشتست
Ո՜վ դու կուշտ մարդ, որ գարեհացը տհաճ է քեզ
Սիրելի է ինձ համար նա, ով քո աչքին տգեղ է,
Դրախտի հուրիներին դժողք է թվում քավարանը,
Եվ դրախտ է թվում այն դժողքի հոգիներին։

🆔@RayzaniArmenia

🇮🇷 29 иранских университетов вошли в ТОП 1000 лучших университетов мира в 2023 году.

🇮🇷Ըստ World of Statistics (@stats_feed)
տվյալագիտական հարթակի, 2023թ․-ին Իրանից թվով 29 համալսարան ընդգրկվել է թոփ 1000 համալսարանների ցանկում։

👮 «Ոստիկանության աշխատակցի օրվա» առիթով ՀՀ-ում ԻԻՀ դեսպանության մշակույթի կենտրոնի անունից շնորհավորում ենք ոստիկանության ողջ անձնակազմին։ Ոստիկանը հասարակական անվտանգության, քաղաքացու իրավունքների պաշտպանության և հանցագործության դեմ պայքարի առաջամարտիկն է։
Մաղթում ենք քաջառողջություն և արժանապատիվ ծառայություն։