حتى الليل احن منك
ما ادري السواد البيك من يا لون

حتى من اريد اقبل عذر
ماشوف ترضى جروحي
ساعتها راح ادخل حرب
مابين روحي وروحي
اعذرها عن من
عالبعد لو عن دمعي
لو عن نوحي؟

ترى العاگول من ضيمه صبح عاگول
لو مرتاح ، چا ورد !

بارد يگولون عني وما رضيت
اسمع شيحچون
بس ساكت بقيت
اني مو بارد مشاعر من زمان
اني ضليت احترگ
حد ما طفيت!

تذب نفطك عليه
وانه بيه النار؟
وتتحمى اعلى ناري وما تطفيني؟
وصرت محبس بأيديك
وگمت بيه تسوم
ساعة تبيع بية
وساعة تشريني!

"النبات المايلوحه الماي يذبل
دخل يذبل ولافضلك عليه "

انه بلا وعي من انطيتك الروح
وعقل ماجان عندي وهسة فزيت
ما اچذب واگلك باچر انساك
عفتني وذكريات هواي خليت

ما شبعان نوم ضيم شبعان
انام من القهر " ما نام نعسان ".