اسلامي اردو/م عرفان الله عرفاني

په جهادي روحیه سمباله اسلامي اردو ده
اوس روزل شوې ښه فکري، عقیدوي اردو ده

په هر حالت کې اوس د دین، وطن دفاع کوی شي
ښه مهذبه، منظمه، عمري اردو ده

لۀ مدرسې یې اعداد کړی تر حربي پوهنتون
لۀ هر تخنیک سرۀ بلده تکتیکي اردو ده

ټول هېوادوال مو اوس ډاډمن دي هر سرحد خوندي دی
لۀ هر ټبر جوړه غښتلې افغاني اردو ده

چمتو فعال دي هوایي او ځمکني ځواکونه
څۀ خطري، څۀ هیبتي څۀ توفاني اردو ده

لري موډرنې اسلحې ښۀ زغروال ټانګونه
دا سر سپارلې په رښتیا استشهادي اردو ده

عرفاني خود به د کفري نړۍ ترې سترګه سوځي
لۀ نظر مۀ شه څومره ښکلې جنتي اردو ده

د ترانه ويونکو او شاعرانو په هکله څو کرښې !!!

نن سبا د ترنم او فرهنګ د رياستونو پر چوکيو هغه خلک ناست او مسلط دي چې قوم پرستي، انډيواليزم او دېته ورته نور ناوړه مرضونه يې په خټه کې نغښتي دي، دوی نظام ته نه بلکې انډيوالۍ او قوم پرستۍ ته ژمن خلک دي، که د دوی تعقیب او تصفيه وشي نو ان شاءالله تعالی چې نه به يې په سنګر کې يوه شپه تېره کړې وي، نه به يې زخم ليدلی وي او نه هم زندان، برعکس په دا شل کلن انقلاب کې يې يا په کويټه او يا هم په پېښور کې د عطرو، خوليو او مبايلونو دوکاندارۍ کولې او بس.

د ترنم او فرهنګ مسؤولين نن ورځ هغو نعتخوانانو او شاعرانو ته تقدير نامې او امتيازات ورکوي چې يا واسطه لري، يا شناخت لري او يا هم ښايسته ځواني، هغه نعتخوانان او شاعران مبارزين چې په تېر شل کلن انقلاب کې يې هم شهيدان ورکړي، هم يې زخمونه ليدلي او هم د زندان تر تورو پنجرو پورې رسېدلي دي هغوی له تقديرنامو او امتيازاتو څخه بالکل محروم دي چې د دوی له ډلې څخه د نمونې په ډول لاندې کسان يادوم:
مولوي خيال بادشاه صادق، مولوي عبدالعزيز نوراني، مولوي معراج الدين راجي، مولوي محمدخان مشال، مولوي نوبهار همت، مولوي نصرت الله نصرت، مولوي رضوان الله فيضاني، مولوي محمد طاهر بهار، الحاج شفيق الرحمن حبيبي، قاری علامحمد اسير، قاري احمدلله مؤذن، قاري عابدالله حمزه، صالح محمد نظامي، حافظ فضل ځدران، حافظ شهاب ځدراڼ، مولوي عبدالجامع محفوظ، قاري خالد منعم، نعمت الله ځلاند، صادق جان عقل باز، مولوي علي محمد ذاکر، مولوي ضياءالرحمن مدني، انس حيدري، سيد محبوب شاه آغا، مولوي محمدعليم بسمل، مولوي احسان الله الهام، مولوي عرفان الله عرفاني، سميع الله تړون، دانش ملنګ، مولوي غازی انګار، عاکف امارتي، طالب فکرمل، مولوي شفاعت ريحان، عاکف مهاجر، حامد ملنګ، مولوي احمدګل ريان، مولوي منصور درمان، الحاج مسکين يار عظيمي، مشهودملنګ، سيد درمل، بدري تکل، عبدالباقي مهاجر، عصمت الله بشام، بشير وصال، تپاند زهاد، مسرور درمل او داسې ډېر نور ...

د کراچۍ د سټوډیوګانو د (کيوبيس) او نورو پروګرامونو په زور ځيني ډم صفته او تش په نوم ترانه ويونکي تر ټولو مخکې دي، دوی د کابل له فتحې څخه مخکې په کويټه او پيښور کې د عطرو، خوليو او مبايلونو دوکانداران وو چې جهادي سابقه يې له صفر سره ضرب خوري، په اوس وخت کې د ترنم او فرهنګ اړوند ټول واک او اختيار د همدغو نا اهلو خلکو په لاس کې دی چې له انډيواليزم او قوم پرستۍ څخه پرته بل هېڅ شی نه پېژني، دوی د چاپلوسۍ او غوړه مالۍ په زور تر دغو منصبونو رسېدلي دي، د خوليو، عطرو او مبايلونو خرڅوونکو تش په نوم ترانه ويونکو د کراچۍ په سټوډيوګانو کې جوړې شوې ترانې که د شريعت په ترازو وتلل شي نو بالکل ښکاره موسيقي ده، خو د ترنم او فرهنګ رياست نا اهله مسؤولين بېخي ړانده او کاڼه دي چې د دغې برالا موسيقۍ په هکله هېڅ طرحه او پلان نه لري، بلکې په راديوګانو او تلوېزونونو کې روزانه سهار او ماښام خپرېږي.

بله عجیبه يې لا دا ده چې د تېر جمهوريت په دوره کې د جمهوريت اړوند وکيلانو او د نورو دولتي چارواکو په جلسو کې ګډون کوونکو ځينو ترانه ويونکو او ليکوالانو ته د اطلاعاتو او فرهنګ په وزارت کې رياستونه ورکړل شوي دي، د دوی مشورو ته تر ټولو ډېر اهميت ورکول کېږي، خو همدغو د جمهوريت پاتې شونو او د فرهنګ وزارت اړوند د رياستونو پر ګدۍ ناستو تش په نوم نعتخوانانو او اديبانو ځيني هغه فاحش عملونه ترسره کړل چې د ټولو نعتخوانانو او شاعرانو نوم يې بد کړ ...

په پای کې به دا ووايم چې زه په خپله نه شاعر يم او نه نعتخوان بلکې د اسلامي امارت يو تن عام مجاهد او مبارز يم، دغه ګوډه ماته ليکنه مې د زړه له درده کړې ده ځکه چې حق خپل حقدار ته نه سپارل کېږي، د همدغو مجاهدينو ترانه ويونکو د حنجرو برکت و چې ځوانان د استشهاد تر ميدانه ورسېدل او په ويده ملت کې يې يوه نوې ساه پوه کړه خو نن ورځ بالکل له نظره لوېدلي دي څوک يې پوښتنه هم نه کوي، هغه چې ځانونه د نظام کلک مبارزين او مدافعين بولي ټول د چوکيو په نېشه کې ډوب دي او خپل عشقونه وهي، که ما کمزوري انسان حقيقت ليکلی وي او حقه خبره مې کړې وي نو څوک دې پرې خفه کېږي نه او که په حقه وينا څوک خفه کېږي نو خدای تعالی دې داسې خفه کړي چې بيا په ټول عمر خوشحال نه شي او که مې حقه خبره نه وي کړي نو الله تعالی دې عفوه راته وکړي، کومو مسؤولو چارواکو چې دغه له انصافه لرې کړنې روانې کړي دي، د انډيوالۍ او واسطې په زور د اصلي حقدارو مبارزينو شاعرانو، نعتخوانانو او ليکوالانو حقوق پايمالوي او نورو ته يې ورکوي نو رب العالمين دې سخته سزا ورکړي.

(و ما علينا الا البلاغ المبين)

قاري عبدالسلام حق پرست
?

شپه ده، کاینات هم خاموش شوي، له درانه سکوت سره خوږه وږمه هم چلیږي، خو زما د زړۀ درزا لا هماغسې...!?
د خزان موسم دی، زما د تېر شوي غم موسم، د مات شوي زړۀ...؟?
خو ټپ یې تازه ښکاري!?
ددې موسم په رارسېدو بیا تازه شي، لکه سکروټو ته پوکی...!

ماتې هیلې

شـ،ـهيـ.ـد سهار/ م رضوان الله فیضاني

د مسلمه امت محسن او لوی سالار شـ،ـهيـ.ـد دی
د دين زمری، د غيرت غر، يحيی سـ.ـينوار شـ،ـهيـ.ـد دی

لسيزې وشوې پر ميدان لکه زمری جنګېدۀ
د وخت خالد دی، که طارق دی، که ضرار شـ،ـهيـ.ـد دی

څه جنتي رنګ يې خپل کړی دی معصومې څهرې
لکه ګلاب په خپلو وينو شو سينګار شـ،ـهيـ.ـد دی

اخ په فراق يې فـ.ـلسـ.ـطين يتيم يتيم ښکارېږي
د حق سـ.ـنګر، د حق منبر، د حق منار شـ،ـهيـ.ـد دی

له اسارت، تر قيادت، تر شهادته پورې
ثابت قدم و او د حق پر سپينه لار شـ،ـهيـ.ـد دی

په هسکه غاړه، جګې سترګې خدای ته ورغی ګران
ستړی ستومان، ټپی ټپي، پرهار پرهار شـ،ـهيـ.ـد دی

څه د غم شپه وه (فيصاني) په مؤمنانو باندې
هر خوا تياره ښکاري د مينې سپين سهار شـ،ـهيـ.ـد دی

تـ.ـقـ،ـبـ.ـله الله
١٤٤٦/٤/١٥ هـ ق

په ډک، پرېشانه، او خفه زړۀ رب ته سجده، د بېلا کیف سکون پر څپو انسان ګرځوي!??

ماتې هیلې

سکوت د الفاظو ورکېدل نه دي، د نا اهلو په وړاندې خاموشي ده، او د درد په وړاندې زغم دی!?

ماتې هیلې

کله چې د چا د لیدلو تلوسه لرئ، یادیږي مو، پر لیدلو یې خوښېږئ، تاسې هم د هغه په باب دا فکر کوئ، چې هغه به هم زما په لیدلو خوښ شي، له نورو متفاوته رویه به راسره وکړي، د بیا کاته د محبت اظهار به وکړي؛ مګر کله چې له هغه شخص سره مخ شئ، ستاسې د توقع خلاف عمل درسره وکړي، یعنې د یو عادي انسان په څېر داسې رویه درسره وکړي، چې تاسې ترې داسې تمه نه لرله، انسان خپل احساس ته سخت خجالت شي، چې د یو بې احساسه شخص لپاره یې احساس درلود، همدې ته ورته لاملونه دي، چې د انسانانو احساسات وژني، د مینې، محبت حس په کې مړ شي.
راځئ له خپله ځانه یې شروع کړو، کله چې پوه شوی، چې د یو چا درسره جوړه ده، په لیدلو مو خوښیږي، هغوی ته ارزښت ورکړئ، په روغ بړ کې داسې جذابیت پیدا کړئ، که د هغه په څهره کې هر څومره د خفګان، ستړیا نښې وي، باید هغه په کې ورکې شي، هغوی خپل احساس ته مه زهیروئ، چې تاسې ته یې لري!
?
ماتې هیلې

که سپوږمۍ شوله ناوخته
لاره نه رانه ورکیږي، لاره نه رانه ورکیږي!

د دې ترانې کیف د سنګر په سخته غېږه کې محسوسولای شئ، حاجي صاحب فقیر دې رب ج تر ډېره لري، د انقلاب زرین انسان دی، چې په حماسو سره یې ویدۀ مخلوق راویښ کړی!
?

په مجنون اوري را اوري!
په لیلا اوري را اوري!

ماتې هیلې

سبحان الله
څومره اغېز لرونکی تقریر، د انسان زړۀ ورسره وه بوږنیږي، حضرت سعد ؓ یادوي، ګیلمن صحابي، ربﷻ ته ګران صحابي!

دا غږ د مولوي سمیع الله ریحان دی، خدای تعالی څومره فصیحه ژبه ورکړې وه، د څومره ستر علم پېرزوینه یې پرې کړې وه، خو هر څه یې د طاغوت په دفاع کې استعمال کړل، او په داسې حال کې ووژل شو، چې د طاغوت په دفاع کې یې له خپلې ژبې، او علم څخه استفاده کوله.

زۀ ډېر پرې خفه یم، له داسې شخصیت څخه دا تمه هېڅکله نه کېدله، خو هدایت د اللهﷻ لورېینه ده، هر څوک چې ترې برخمن شول ربﷻ ته ګران شول!
?
ماتې هیلې