Қалб дафтаримдан.........✍

#Кўндилдан

Тўхтадим бир лаҳза...
Унут туйғулар,
Юрагим тубини портлатди билсанг.
Нега алвидолар айтдик...қайғулар,
Қалбимиз тубига
чўктирди бир санг.
Дийдор кўнгил билан,
Дил...юрак билан,
Нигохлар
яна бир бора жонланди.
Не десанг кўрганим,
Унга кўнганман,
Яна соғинчларим
сенга ёлланди.
Йироқлар
бизларни қўрқув,
Хавотир,
Сўроқлар
қисматнинг
қодир қозиси.
Ўйларим
тасмадай
жонланар бир бир,
Тинмайди
ҳисларнинг
Аччиқ орази.

Сайёра Рахимий қизи

Қаҳрамон жуда гўзал ижро бўлибди.
Мамнунман.
Раҳмат.

❤️🧡🤍💜💙🖤💚💛🧡❤️
Қалбимдан узилиб кетди соғинчим...

📝 Сайёра Рахимий қизи.
🎤 Qahramon Sultonov

Қалб дафтаримдан..........✍

Сени топдим,
Сени йўқотдим,
Сенга келдим ва сендан кетдим.
Гўё узооооқ ...узоқ йўл юриб,
Иссиқда хам жуда совқотдим.
Сени дедим,
СЕН мени дединг,
Икки вужуд олди аланга.
Мени дединг,
То абад дединг,
Аммо оташ муз сочди танга.
Неда хато...ваъдалардами,
Неда гуноҳ ... ёки севиш айб.
Юрайвердик ишққа алданиб,
Соф севгимиз бўлди энди хайф.
Тунлар кунга уланайверди,
Кунлар шомга осди ўзини.
Наҳот бари ёлғон бўлсая,
Нахот кесди тилдан сўзини.
Барисига кўникдим Энди,
Барисидан кўз юмиб бўлдим.
Хатолардан юзимни буриб,
Ўзим ўздан бутунлай тўйдим...

Сайёра Рахимий қизи

Қалб дафтаримдан...............✍

#Қутлов

Укажоним Аҳаджон таваллудинг муборак.
Онамларни ЭНГ кўп дуосини олаяпсан.
Умринг зиёда бўлсин.🤲🤲🤲🤲❤️

Онам учун хушвақт кун бўлган,
Отам учун муродбахш онлар.
Мавлудингдан кўнгиллар тўлган,
Укажоним СЕН туғилган кун.

Ҳар кулгингдан онам шодланса,
Қадамингдан отам кўкси тоғ.
Кўзга суриб асраб авайлаб,
Ўстирдилар ,яратдик деб боғ.

Шу боғ ичра ЭНГ ширин мева,
СЕН ниҳолим ,лоламсан деди.
То ўлгунча бизларни сева,
Суянчиғим,боламсан деди.

Ой чиқса ҳар кунгиси менга,
Кун чиқсачи дейишди сенга.
Ортимдан қол ,дуоси билан,
Ҳар бергани меҳри ҳам тенга.

Гар йиқилсак зирқирарди жон,
Юрагини ҳовучлаб зарбдан.
Қалбимизга эколди имон,
Авайлади белибос гапдан.

Ота бўлдинг бугун ўзинг ҳам ,
Гувоҳисан бошдан ўтказиб.
Иҳ,деганда болангга малҳам,
Қидирасан,дардин кетказиб.

Ота бўлиш энг катта ишми?
Ука, онам сенга суянди.
Ҳали боласана улар чун,
Отам ўтиб отасан Энди.

Бир қўлида асо ушлаган,
Онамларга ёндош тиргаксан.
Кўкрагингни кериб мушлагин,
Эй мард укам бизга кераксан.

Бугун тонгда ибодатимда,
Доимгидек Аллоҳдан сўраб
Ва шеър битдим бор бисотимдан,
Сени шундай меҳримга ўраб.

Сайёра Рахимий қизи

Қалб дафтаримдан.....,.......✍

Мени сенга кўпроқ эслатсин Худо,
Мендан сенга фақат йўлласин соғинч.
Мени сендан асли не қилди жудо,
Мени сенга недан беролди овунч.

Дунё айлансада ўздан тескари,
Тоғлар ўзларидан кетсалар қулаб.
Унут бўлармикан ёдингдан бари,
Ёки айрилиқни висолга улаб.

Осмонлар бир куни бошингга тушса,
Бир куни сўралса ҳажрингни хуни.
Менинг ёдим билан хаёлинг учса,
Оламни ларзага келтирса уни.

Ёпилса мухаббат кўшкин эшиги,
Занжирбанд этилса юрагингда ўч.
Тебранмай қолганда дунё бешиги,
Ололмасанг агар эзгуликдан куч.

Нема қилар эдинг ўзингни менсиз,
Қайларга отардинг менли ёдингни.
Чексангда надомат, чексангда афсус,
Кўтара олмайсан қўш қанотингни.

Мени сенга кўпроқ эслатсин Худо,
Мендан сенга фақат йўлласин соғинч.
Мени сендан асли не қилди жудо,
Мендан сенга нелар беролди овунч....!!!???

Сайёра Рахимий қизи

Қалб дафтаримдан...........✍

Қиёмат...

Тоғлар титиб ташланган
рангли жунлар
каби бўлиб
қолган чоғ,
Яланг холга келинган бир вақт.
Майда майда қилинур хар тоғ.
Қиематнинг даҳшати улар,
Тептекис ва Тақир ҳолда кўр.
Хеч кимни қолдирмасдан маҳшар,
Тўпланганда товушларда тўр.
Оёқлардан яланган туфроқ,
Товушланар, инсон холи танг.
Гапирилган сўзлар хам соқов,
Эшитилмас ,дилларда аттанг.
У вақт тиллар мухрланади,
Садо чиқмас қулфланган оғиз.
Қўл-оёқлар гапирар чунон,
Рахмонга зор чўкканича тиз.
Қўрқув кезган рухлари тинган,
Овозида нолиш,ёлвориш.
Бўзламоқдан ўзга йўқ,товуш ,
Шафоатга мухтож катта иш.
Изн берган,рози бўлган қул,
Бандасига ёғилгай Раҳмат.
Умид билан мен ҳам сужудда,
Кутаяпман Роббдан шафоат.

🤲🤲🤲😢

Сайёра Рахимий қизи

Қалб дафтаримдан.............✍

Гулин тўккан хаёллар сархуш,
Рангланади вужуд ичра тур.
Исён кезган томонимда мушт,
Яшиндайин чалинади сур.
Ловуллайди юракдаги муз,
Эгиз тушган ботинда чирик
Совуқ ўриб кетган ўша куз,
Чап кўксимга қолгани шерик.
Тахаййюлни пеш қилиб сарсон,
Руҳим билан жонлашган бир пайт.
Тошланади вужудда у жон,
Сўз махражин битар бўлди байт.
Хотиралар оқди хаёлда,
Ва қувланар тунги тушлардан.
Энди тиши чиққан гўдакдай,
Ғажиланган кўнгил хушларда.
Тасодифлар такрори бисёр,
Дил истаган манзиллар хам кўп.
Адаштирса гарчи хаёллар,
Истар бўлса ўзи элтар хўп.

Сайёра Рахимий қизи

Қалб дафтаримдан............✍

Оқ қилганми мени кўнглингдан,
Қизил қонга бўяб соғинчим.
Келмайдими бир бор қўлингдан,
Бажо этсанг дилдан ўтинчим.

Олов ичра отгансан,ахир
Кулланаман, айрилиқ оташ.
Ишқ ўйинин бошлаб азобдан,
Наҳот энди бўлмайди тўхташ.

Кўнглингни бер,юрагим қайта,
Ёзиқларинг муҳрласин то.
Нуқталарга ўзимни айта,
Сўроқларга айландим гўё.

Дил кўприкка дарз кетмасин деб,
Йўлларимда йўлдош бўлиб тур.
Мен кечадан ишқим ғамин еб,
Бугунимга келтирсам ҳузур.

Биласанми, нигоҳимга СЕН,
Суратингни чизган маҳалинг.
Қисмат деган катта майдонда,
Умримизда бошланганди ринг.

Рози бўлсам учишга нега,
Бир боргина этмайсан парвоз.
Қани СЕН ҳам кўнглимга эга,
Бўлолсайдинг бахтимга ҳамроз.

Кетар бўлсанг кўз ёшларимни,
Уммонига чўктириб кетма.
Бедаво дард,дилсизлигингни,
Энг ёмони...юқтириб кетма.

Сайёра Рахимий қизи