Кейіп өлместіктің қамын жасау үшін адам мәнге ұмтылу керек. Кішкентай баланың жұмсағанға жармасып, өзінің экзистенциясына ұмтылғаны сияқты, сен де бар нәрсеге жармасып, көрген нәрсеге ұмтылып, өзіннің экзситенциялық қажеттілігінді жабуға әрекет қылуын қажет. Мәнсіз дүниеден арыл! Өмір мәнгі деген оймен мәніңнен айырылып қалма!

Балаға мән бер, өмірі мәнді болады.

Баланы әрдайым мәнді нәрсені істеуге баулу керек. Телефон, ютуб, тик ток - мәнсіз дүниелер. Қиса, ертегі, философия, өсиет әңгімелер, ойнау, жұмыс - мәнді дүниелер.

Кез-келген істі істерде бала өзінің экзистенциялық қажеттілігін жабады. Біреуді бір жерге жұмсасан кішкентай бала да жарысып, жағаласып сол істі атқаруға тырысады. Үйге келсен домофонға жармасады, машинаға отырсан рөліне жармасады. Бұл баланың экзистенциялы қажеттілігі, яғни оның өзінің болмысың, өмір сүруіндегі маңызың іздеуі. Бұл өмір бойы жалғасады. Тек бала кезде осындай айқын, элементарлы қадамдармен көрініс табады.

Егерде бала осындай кезінде мәнсіз дүниелер жасар болса оның экзистенциялық қажеттілігі жабылмай қалады. Нәтижесінде, ертең өмірінің алдында туындайтын экзистенцилық сұраққа бала жауап бере алмайтын болады.

Ал адам өмірінің үш кезеніңде экзистенциялық сұрақ оның миын, жүрегін жегідей жейді. Ол - жасөспірімдік кризис, орта жас кризисі, сосын қартайғандағы кризис. Шартты түрде 15-30-60 кризисі деп айтады.

Кризис среднего возраста дегенді бәріміз естіген шығармыз. Көбі осы жаста ішімдікке салынады, дұрыс жолдан таяды, не суицидке дейін барып жатады.

Бірақ, орта жас кризисі жасөспірім кризисында пайда болатын экзистенциялық сұрақтарға дұрыс жауап таба алмағаннан туындайтының көбісі біле бермейді.

Оданда сорақысы, орта жас кризисін дұрыс өткермеген жан қартайғандағы өлім алды кризиспен соқтығысады. Бұл есті адамға ең қорқыныштысы. Абайдың "Адам жылап туады, кейіп өледі" дейтіні осыдан.

Ақылды болмас,
Білместік құнын ұқпаған.

Бақытты болмас,
Бақытсыз нәрін татпаған.

Мықтылық келмес,
Әлсіздік жығың жықпаған.

Махаббат қылмас,
Жалғыздың зарын ұқпаған.

Құдайда қосты қараны аққа бір болсын.
Болмаса қара болар ма еді ақтың болмысы?

#өлең #шұмақ

Таяқпен тәрбиелеу бізде бәлкім КСРОдан, бәлкім орыстың Империясынан келген болу керек. Бұндай мәдениет өмір сүруге қиын жағдайда туындайды сірә. Өмірден қажыған, жұмыстан шаршаған, біреуден жәбір көріп келген әке-шешеде бар ашуын өзінен кішіден, өзінен әлсізден алуға құмарлық туындайды. Бұл мықты тоталитарлы мемлекеттерде айқын көрініс табады. Әсіресе, екінші сортты ұлттар арасында.

Әйтпесе, қай халықта болсын өз баласын мәпелеп, аялап өсірген. Қазақ халқы да баласына ертеде патшадай қараған.

4 наурызда шыққан Petrelli Previtera мәліметі бойынша Қазақстан ажырасу бойынша екінші орынды иеленді. Сонымен қоса әйелін ұрып өлтірді деп айыпталған Бишимбаевтың соты жүріп жатыр.

Менің бұрыннан байқағаным, біздің қоғам жақсы көруді білмейтін сияқты. Ажырасудың көп мөлшері отбасы институтының мүсәпір хәлінің нәтижесі. Ал отбасының негізі махаббат негізінен шығады. Бұл туралы толық бейнематериал түсірмесе, бір постпен анығын түсіндіру қиын.

Сонымен қоса соңғы 1-2 жылда Роза коучтар танымал болды. Қалаулым д.с программалар бар. Бұлардың барлығы осы отбасы құндылықтарының нашарлағанының, кейбірінің ескіргенінің белгісі болған.

Рейтингке назар салсақ топ ондықтағы басым көпшілігі бұрынғы социалистік мемлекеттер және социалисті Қытай? Неге Қазақстан бүкіл ТМДдан алдыда тұрғанын ~~фиг пойми~~ түк түсінсем бұйырмасын.

Жақында контентмейкинг қайта басталады айтпақшы. Әзірге ~~стопмейкинг~~ болып тұр. Басқа жобамен үлгермей жатқандықтан кедергі келтірер “тітіркендіргіштерді” тоқтата тұрайын деп едім. (Марттың соңына дейін шамамен)

Уақыт жоқ вобщм

Қаншама ғасырлар бойы улы патриархаттың қалыптастырған улы жүйесінде, қазіргі ашынған қоғамда, адасқан адамдар арасында өз-өзін көрсетіп, толықтыққа ұмтылу әйел заты үшін қиындыққа соққан. Осы қиын майданда естілігі мен даналығын жоғалтпаған, бойын қоғамнан жұғар жамандықтан алшақ ұстаған, нәзік болғанына қарамай, батыл соққан жүректің астарында бір тамшы жақсылыққа деген, айнымас махаббатқа, шаттық пен ізгілікке үміті бар барша әйелдер қауымын құттықтаймын?

Араларыңызда әділетсіз қоғамнан, әйел алдында туындайтын қиын таңдаулардан, еркек қауымына дейтін сенімсіздік туындататын социалды, қоғамды-құндылықты проблемалардан ашынған жандар бар екенің түсіне отыра, бұл сұм өмірде адамдар бір-бірі үшін жаралғаның ұмытпай, жүректеріңіздегі үміттеріңізді жоғалтпаңыздар, барынша берілмеңіздер және қоғамды түзеу тек біздің қолымызда екенің естен шығармаңыздар деп айтқым келеді.