Yaqinda Rossiyaning Sochi shahrida moliyaviy xavfsizlik bo‘yicha to‘rtinchi olimpiada yakunlandi. Mintaqaviy muloqot olimpiadada O‘zbekiston sharafini himoya qilgan talabalarning mashaqqatli mehnatini va tirishqoqliklarini alohida qayd etadi. O‘zbekiston Respublikasi Huquqni muhofaza qilish akademiyasi, Toshkent davlat iqtisodiyot universiteti, Toshkent davlat yuridik universiteti, Toshkent axborot texnologiyalari universiteti va Toshkent shahridagi Inha universiteti talabalaridan tashkil topgan O‘zbekiston terma jamoasi 36 davlatdan kelgan 500 ga yaqin talabalar bilan kuch sinashdi. Turli hil testlar va topshiriqlar yakuniga ko‘ra, O‘zbekiston terma jamoasi 36 davlat orasida uchinchi o‘rinni egalladi. Jamoaning bir nechta a'zolari o'zlarining maxsus toifalarida eng zo’r talabalar deb topildilar, boshqalari esa olimpiada tashkilotchilari tomonidan alohida e'tirofga sazovor bo'lishdi. O'zbekiston sharafini himoya qilgan talabalar ushbu bellashuvga ko'p soatlik tayyorgarlik ko'rishdilar va ularning sa'y-harakatlarining muvaffaqiyatli natijalarini kuzatish bizga ilhom bag’ishlaydi.

Talabalar O’zbekiston va universitetlarining sharafini munosib himoya qildilar va shu munosabat bilan Mintaqaviy muloqot ularni samimiy qutlaydi. Ishonchimiz komilki, talabalar kelgusi yillarda ham yangi marralarni zabt etishda va xalqaro miqyosda O‘zbekistonning nufuzini oshirishda davom etadilar.

Mintaqaviy Muloqotning CT jamoasi O‘zbekiston Respublikasi Huquqni muhofaza qilish akademiyasi va O‘zbekistonning boshqa to‘rtta oliy o‘quv yurtlarining turli mutaxassisliklar asosida saralab olingan talabalari uchun moliyaviy xavfsizlik bo‘yicha xalqaro olimpiadada ishtirok etishga qaratilgan o‘quv dasturini muvaffaqiyatli yakunladi. 2024 yil davomida CT bo‘yicha maslahatchi Richard Joys turli mavzularda, jumladan, jinoiy daromadlarni legallashtirish, kriptovalyutaning moliyaviy jinoyatlarga ta’siri, moliyaviy tergovlar, xalqaro konventsiyalar va FATF tavsiyalari bo'yicha treninglar o‘tkazdi. Nazariy bilimlardan tashqari, talabalarga amaliy materiallar va haqiqiy olimpiada formatini taqlid qiluvchi testlar taqdim etildi, bu esa, o’z navbatida musobaqaga puxta tayyorgarlik ko‘rish imkonini berdi.
#regionaldialogue #CT #internationalolympiad

Website | Facebook | LinkedIn

“Mintaqaviy muloqot” ta’lim sohasida faoliyat olib borayotgan barchani Ustoz va murabbiylar kuni bilan chin dildan tabriklab, ularga fidoyilik va mehnatsevarliklari uchun o'z minnatdorchiligini izhor qiladi.