ҳижрат
(термаларга татаббу)

аттанглар ухлаб ётар,
харсанглар ухлаб ётар,
сатанглар ухлаб ётар,
ватан кетиб боради.

ҳижрат замони етар,
имконлар қўлдан кетар,
хоин муродга етар,
ватан кетиб боради.

заҳарланади муҳит,
қарғар боболар руҳи,
жадидларнинг андуҳи –
ватан кетиб боради.

ернинг дини ўзгарар,
қилич қини ўзгарар,
оға, ини ўзгарар,
ватан кетиб боради.

ҳар қадаминг пойлоқчи,
сарҳадда ётлар соқчи,
қол дегувчи зот тақчил,
ватан кетиб боради.

тилни эгаси зўрлар,
томоша қилар кўрлар,
фиғон фалакка ўрлар,
ватан кетиб боради.

борар манзилин айтмас,
на хорижмас, на сайтмас,
кетар, ортига қайтмас,
ватан кетиб боради.

қайтаргувчи бир зот йўқ,
ҳайдагич кўп, имдод йўқ,
атар, минар бир от йўқ
ватан кетиб боради.

булутларга тўқнашар,
ой-у юлдуздан ошар,
билмам, қайларга шошар,
ватан кетиб боради.

эр қолмас, қуллар қолар,
мардикор, туллар қолар,
эгасиз гуллар қолар,
ватан кетиб боради.

хоинлар ҳайдаб солар,
қилич забтига олар,
мунғайиб бир эл қолар,
ватан кетиб боради.

Фахриёр

@NilufarIbrohimova

Аллоҳнинг Китобидаги бахтсизлик билан асло жам бўлмайдиган олти ўрин

1. Ота-онага яхшилик қилиш билан бахтсизлик асло бирга жамланмайди:
   “Мени волидамга меҳрибон қилди ва жабрчи, бадбахт қилмади”.
   Марям сураси, 32-оят.

2. Дуо билан бахтсизлик асло бирга жамланмайди:
   “Раббим, менинг суякларим мўртлашди, бошга оқ туташди, Раббим, Сенга дуо қилиш-ла бахтсиз бўлмаганман”.
   Марям сураси, 4-оят.

3. Қуръон билан бахтсизлик асло бирга жамланмайди:
   “Сенга Қуръонни бахтсиз бўлишинг учун нозил қилганимиз йўқ”.
   Тоҳо сураси, 2-оят.

4. Ҳидоятга эргашиш билан бахтсизлик асло жамланмайди: “Агар Мен томонимдан сизга ҳидоят келганида, ким ҳидоятимга эргашса, адашмас ва бадбахт бўлмас”.
   Тоҳо сураси, 123-оят.

5. Аллоҳдан қўрқиш бахтсизлик асло жамланмайди: “Албатта, У Зотдан қўрққан эсга оладир. Ва бадбахтгина ундан четда бўладир”.
   Аълаа сураси, 10-11-оятлар.

6. Тақво билан бахтсизлик асло жамланмайди: “Бас, Мен сизларни ланғиллаган ўт-оловдан огоҳлантирдим.Унга бадбахтдан бошқа кириб, куймас. Ўша ёлғонга чиқарган ва юз ўгирган эди. Ва албатта, ундан тақводор банда четда қоладир”.
   Лайл сураси, 14-17 оятлар.

@NilufarIbrohimova

Қалбим ичра ўзингсан...

@NilufarIbrohimova

Дарёлар ишқ истаб жўшар Ҳақ дея,
Бошин тошга уриб-уриб, оҳ чекар.
Шамол тоғдан тоғга кўчар Ҳақ дея,
Орада бир тўхтаб туриб, оҳ чекар.
Майса ҳатто Ё Ҳақ дебон битармиш,
Ёмғир Ҳақдан келар, Ҳаққа кетармиш,
Ҳақ ошиғи кўзи қора бир дарвеш,
Ҳақ йўлида юриб-юриб, оҳ чекар.
Дарахт мудом Ҳаққа очар қучоғин,
Оғриқ бермас Ҳақ амрининг пичоғи,
Кўкда қуёш Ҳақнинг сўнмас ўчоғи,
Чўққида қор эриб-эриб, оҳ чекар.
Қушлар Ҳақ деб баланд учар ҳар тонгда,
Балиқ сувда Ҳақни ичар ҳар тонгда,
Гуллар ўзин Ҳақ деб очар ҳар тонгда,
Ҳидларини бериб-бериб, оҳ чекар.
Ҳақнинг йўлчилари Ҳақда топишар,
Борлиқ зарра-зарра Ҳақни ёпишар,
Қалблар тинмай Ҳақ-Ҳақ, дея тепишар,
Қон томирда қуриб-қуриб, оҳ чекар.
Ҳақ муҳри бор жайронларнинг кўзинда,
Ҳақ танҳодир бутун бу ер юзинда,
Ҳақ Расулу Муҳаммаднинг изинда,
Кўнгил Ҳақни кўриб-кўриб, оҳ чекар.

✍ Абдурраҳим Каракоч

@NilufarIbrohimova

Агар яқин нури порлаб қолса, охиратни унга боришдан кўра яқинроқ кўрасан.

Ибн Атоуллоҳ ҳикматларидан.
Чунки келиши аниқ нарса, ҳозир мавжуд кабидир. Аҳмад ибн Осим Антокий айтадилар: "Яқин - Аллоҳ банданинг қалбида пайдо қиладиган нурдир. Банда у билан охират ишларини кўради. Ўзи билан унинг ўртасидаги пардани йиртади. Шунда кўргандек охиратдан огоҳ бўлади".

Расулуллоҳ соллаллоҳу алайҳи ва саллам Ҳорисага: *"Қандай тонг оттирдинг, эй Ҳориса?" дедилар. У киши: "Ҳаққа мўмин ҳолда тонг оттирдим", дея жавоб қилганда, "Ҳар ҳақнинг ҳақиқати бўлади. Иймонингнинг ҳақиқати нима?" деб яна сўрадилар Расулуллоҳ.
У айтди: "Гўёки менга Раббимнинг Арши ўрнатилди. Жаннат аҳли жаннатда неъматланаётган, дўзах аҳли оловда увиллаётган эди".

Шунда Расулуллоҳ соллаллоҳу алайҳи ва саллам унга: "Ҳақни билибсан, уни маҳкам тут, Аллоҳ қалбини нурлантирган банда",* дедилар.

Бошқа ҳадиси шарифда Расулуллоҳ алайҳис салом айтадилар: "Агар нур қалбга кирса, у кенгаяди, очилади". Шунда, Ё Расулуллоҳ, уни танитадиган аломат борми, *деб сўрашди.
Дедилар: "Алдамчи дунёдан узоқлашмоқ, абадий дунёга юз тутмоқ ва ўлим келмасидан унга ҳозирланмоқ!"* Тамом.

Шайх Аҳмад Зарруқнинг шарҳларидан

@NilufarIbrohimova

Йўқ олам бисотин
тўқ кўзча қадри,
Ҳам ҳалол ейилган
ризқ-рўзча қадри,
Пайт келар, беҳисоб
нақду неъматни,-
Бўлмагай руҳафзо
бир сўзча қадри!

Отамурод Поён

@NilufarIbrohimova

*ШАРҚИЙ

Махтумқули шеърига назира*
Кўнгил, йироқларга боқмагил пурғам,
Баҳорлар боғлардан кўчган чиқадир.
Кўз солсанг, мен каби нодон шоир ҳам
Дунёнинг бир сирин очган чиқадир.

Муҳаббат кўнглингда куйларкан қўшиқ,
Ўкинма, бир ҳолни айтайин очиқ:
Ердан чиққан бўлар ҳар шўрлик ошиқ,
Ҳар малак осмондан тушган чиқадир.

Хоҳ четни кезайин, хоҳ ўз еримни,
Дўстона ташладим мен кўз қиримни,
Э дунё! Топмадим лекин сирингни –
Дўст деб юрганларинг душман чиқадир.

Зот десанг оламда мукаммал, ҳотам,
Дўстгаю душманга тутавер мотам:
Жаннатдан қувилган чиқар ҳар одам,
Ҳар шайтон Бадрдан қочган чиқадир.

Бир маълум ҳолатни айтай, ёронлар,
Қайси юрт бўлмасин, қайси замонлар,
Зоҳиран шўх кулиб юрган инсонлар
Ботинан заққумлар ичган чиқадир!

Фироқлар сўрса ҳам кўздан сиришким,
Худо-ё, кўнглимда ўлмасин ишқим!
Дунёдан севгисиз кечмасин ҳеч ким,
Кечса, дунё ундан кечган чиқадир!..

Мирзо Кенжабек
1987 йил**

┈┈• ❀ ?☘️? ❀ •┈•

@NilufarIbrohimova

Масалан агарда Сен уммон бўлсанг,
мен дарё, васлинг деб тошганим тошган.
Масалан агарда Сен осмон бўлсанг,
мен булут, бағрингда шошганим шошган.

Масалан Сен олов бўлсанг агарда,
парвона мисоли сенга гушнаман.
Масалан Сен ёғмур бўлсанг агарда,
қақраган заминдай сенга ташнаман.

Масалан Сен биби Ҳаво бўлсанг гар,
мен сенга эргашган ҳазрати Одам.
Сен-ла иккиланмай тановул қилган
жаннатдаги таъқиқ мевасини ҳам.

Масалан Сен менга бир калом берсанг,
тилимдан тушмайди улуғ калиманг.
Агарда соҳилда интизор кутсанг,
сув юзидан борган масрур валийман.

Масалан сен сукут сақлагин десанг,
қошингда милён йил балиқдай жимман.
Асли битта руҳмиз икки вужудда,
Сенсиз мен нимаман?
Сенсиз мен кимман?..

Орифжон Комил

@NilufarIbrohimova