‏ياوجود الحزين اللي من اول ونيس
‏يوم ذاق الحزن من ضمن ذوّيقته

‏من قعد فالبلد تالي نهار الخميس
‏والله ان يفرح الشامت على ضيقته .

أنا أرفعك .. لكن أشك إنك من العلّو تهاب
‏لأني كل ما شلتك تعود تطيح من عيني

اما تجي حكمه وتغلب على الصمت
‏ولا التزم بالصمت والصمت حكمه
‏ - سعد بن جدلان

الى من عزمت تْغيب ولّا تقاطعني
‏وهمّيت لك في غيبةٍ ما لها رجْعه

‏تسبّب بْشيٍّء للمفارق يشجّعني
‏مثل زلّةٍ يصبر بها القلب من شجْعه

‏لا يطري عليك تْلين ولّا تودّعني
‏على شان يوم اشتاق تطري لي الوجْعه .

علّقوني في طرف صوتك وأنا
‏خايف أنك تسكت بلحظة وأطيح .

‏-سعود الفليح

انظر لها نظرة الي ما يواطنها
ما كنها اول طموحي واخر امالي .

ماهو ضروري كل حاجه لها اسباب
‏مرات تكره شي من دون سبّه

‏والصمت ما عمره فتح للغلا باب
‏اللي تحبّه قلّه انك تحبّه .

نطحت الزمان بقوة العزم والاصرار
‏ولا اقول طوعني ولا اقول طوعته

‏- محمد ال عفيفه

أحبّك جعل حبٍ يجي من بعدك يعاف
‏وأنا حالفٍ حبك مع الوقت ما أخونه

‏ليا شفت وجهك والله إن ماعلّي خلاف
‏فلا تنشد اللي شاف غايته وش لونه

لا هاج موج البحر واحتار مجدافي
‏من لي عوينٍ على الشدات غير الله .