أجيت تگضي وقتك ما أجيت تحَب
وأصدگنك وأعرفك بالحجي تجذب
ولو وياي كلك لو بعَض ماريد
أنه برزق وادم غُربة ماجلب
ما عفتك تنام وأنتَ ما مرتاح
وتنيمني بسوالف نار بيه تشَب!

وطاحتلك الفرگة مورده الخدود
وانا طاحتلي كلش دمعة العين
شو طالع تخبل من الفراگ
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وماتبچي واعذرك وحقك بهاي
دمعك مايعرف خدودك منين
كون اموت اليوم واعدل ثاني يوم
ارد اشوف شلون تصبح عازتي
ارد اشوف ياهو يشگ ثوبة حيل
وياهو يتمضحك بنص ولايتي
امنيتي اشوف الناس شتكول من اموت
حييل
خطية
هيَ هاي طلابتي
رايد احلفلي بشر غالي
بحيث من اچذب يهدر الدم مالتي
خلصت عمري ماحالفلي بصديق مرا بأأهل البيت مرا بداعتي

كل بشر
يوصل مَحطة
ويشبگ اهله ، وانه اشوبح
من شبابيچ الفراگيّن الحزينة
أنطر أحد ما يجيني
أنطر الدَمعتها چانت
نجمة تلالي بجبيني
أنطر أنطر
وأرجع ردود لمِچاني
السِچچ خلصت !
ما وصلت..
ومشيت وحدي بلايه سچه
- مظفر النواب

اليوم ابد مو زين وضعي يبچن خواتي وامي تدعي طحن النشة مطحون ضلعي عضيت گلبي وعفت اصبعي

اليوم ابد مو زين وضعي
يبچن خواتي وامي تدعي
طحن النشة مطحون ضلعي
عضيت گلبي وعفت اصبعي

الجَرح جاز العذر
لِمهن تواسيـلَك .

مَاخِذ ناكِتي وعايَفلك الصَحراء
وخَير مَن الّله عِندي مَتاع اليَكفي
ومِثل ما طيرة تَنكت روحها مِن المَاي
هيچ انَكت عِشرتك نَكت مَن چفي
بَعد لا طَينتي ولا تَنحط بَصفي
انا بَرا القَصر بَس قالق السُلطان
وانتَ وية العَبيد الواگفة تَهفي

انه جروحي انبياء
بس انبياء هواي
متى يبعث محمد
حتى يختمهن ..