انه وياك واحد يم الاخر ضاع
انهُ وياك غيمه وگاع
لا موعد يلمنه ولا يطشنه وداع .

مشتاكلك والليل وحشة
ودمعتي التنزف ثكيلة
وصوتها من اطيح عالي
وحتى محد يدري بيها ،،
اركض اتلكاها بيدي لمن تمر علبالي
انت وين ؟ وانه نص موعد بدونك
مدري ياهو يسد مكانك
وحشة فراكك جبيرة
بكد عشرتك نار تكبر
تحرك بروحي امنيات
ويعلى دخان الظنون
وطيري مذبوح واحس بي يختنك
كل هذا وانه باقي ادور
بلكت الكالي حلم مامحترك
بلكت الكالي وعد مانفترك
لو جمرة منك حتى اشوفك
واصبر وتنشف دمعتي
وترجع بروحي الحياة
انت موجود بحياتي تروح تبقى
حتى بعيوني من ادور الكه
تارك ذكريات ،،
جفي بعده باقي اثرعزفك عليه

أكبر من أحلامي أشوفك
حيرتي الما يمها حيرة
قانع بكلشي يخصك
و أبد ما محتاج خيرة
خشن گلبي و من عرفتك
بيّن الطبعك حريره
منين ما تندار أحبك
بحر و يحاوط جزيرة
يا طموحاتي الأخيرة
و يا معاناتي الچبيرة
المهم حبني إعلى مودك
وين تلگة انسان مثلي
حبّك بگلبه و ضميره

انا بجَبهة غيابك ضايعتلي سنين
حَرب من طرف واحد بيها متبَعثر
ومِثل الجندي يوميه التِحق بَليل
ما تطيني أجازه هموهك تحير
واتصوب واطيح وينزف الألبوم
وارد مِن صورتك لفراشي متأسّر

رجعتلها وگلت يلة الصلح خير
وگلت ما اخشن الروح اعلى خلها
بعدني العشرة بيهن ضال دخان
واگول من ارجع العشرة اشعل الها
تخيلت من اجيها گبالي شتگول؟
اذا دمعت يمي شراح اگلها؟
گدرت ابتسامتها اعلى ملگاي
وبديت ارسم على الواهس شكلها
بنيت ظنون بيض بليلة الخوف
وموت الوساوس گبل اجلها
ابتسامة شفتي الغرگانة بالخوف
گدرت ارجع من الموت انتشلها

بعد ما موت يم عينك
بعد ماصيرلك نسمه
وتطشني بخنكة سنينك
لون ادري العذر چذاب
ما غنيتلك وينك
ولون ادري الهجر محراب
ما صليت يم دينك
لملم كلشي عكبك ضال
لم صبحك ولم ليلك
واخذ وياك اغانينه
وقصايدنه ومواويلك
وابعد حد غواش الغين
لحد مابيه ادنيلك
واذا صحناك لا تسمع
مثل ما چنه نشكيلك

مو حزن لاچن حزين
مثل ما تنكطع جوا المطر
شدة ياسمين
مو حزن لاچن حزين
مثل صندوگ العرس ينباع خردة عشك من تمضي السنين
أنه كتلك
موحزن
لاچن حزين
مثل بلبل كعد متاخر
لكه البستان كلها بلايا تين
مو حزن لا موحزن
لاچن أحبك من جنت يسمر جنين

مشيت وياك
وأدري بروحي مغلوب
وچانن كل خساراتي
برضاتي
كسرة خاطري
ودموعي
والليل
وحتى الوجع
چان بمشتهاتي
ردت أوصل لاخر نقطة وياك
لاخر حل أحس بي ترضى ذاتي
حتى من ارجع
من العشرة مخذول
الوم بروحي
مو بمعثراتي ..

چا والنَاس ، والوهَواس
واثار البچي ونُوحَه !
ترى التعَبان مِن روحَه
ما أظن تُبرد جروحه .