رباطاط/غديريه
                                                   ***
   فرحه شيعيه            فرحه شيعيه
   غصبن علنواصب      فرحه شيعيه

بهل غديريه              بهل غديريه
   جددنه عهدنه            بهل غديريه

عطله رسميه            عطله رسميه
   بلدستور صارت        عطله رسميه

فرحت احبابه          فرحت احبابه
   سنوها السنينه         فرحت احبابه

ندار دولابه                 ندار دولابه
   وكتك ياولينه              ندار دولابه

التاج جابوله             التاج جابوله
   من رب الجلاله          التاج جابوله

كلهه هنوله                 كلهه هنوله
   يستاهل علينه            كلهه هنوله

القاصي والداني    القاصي والداني
   مد ايده ويهني     القاصي والداني

سكن وجداني         سكن وجداني
   حماي الحميه          سكن وجداني

فارس الحومه         فارس الحومه
   تنصيبه الاهي          فارس الحومه

بانت اعلومه             بانت اعلومه
   صنديد ولفاها           بانت اعلومه

نهني والينه               نهني والينه
   وتلوگ الولايه            نهني والينه
                                  ***
   ابوحيدر
   الصبيحاوي

اسولف بيت لليسمع وعيده
   الغدير اليوم فرحتنه وعيده
   اهنــي حيــدر اليــله وعيده
   الف مبروك حماي الحميه

   احتار الوصف وياكم والافكار
   والكم الف هم يقبل والف كار
   محبتكم صفت مهنه والف كار
   وهواكم صار هوه النفس بيه

    گلــبي اعليك يــــاحيدر دولهه
    ومن وني صفت روحي دولهه
    لان بــس انتة وصفولي دولهه
   وغيرك مايفيد اعلاج بية

   ذبنه احنه ابهواكم علي صحنه
   مقامــك بلگلب وجـلاي صحنه
   اذا منــك نتيــه ابيــوم صحنه
   احلفنك علي بروح الزچيه

   ابوحيدر
   الصبيحاوي

هوسات عيد الغدير

يا سر  الوجود  ويا مليك  الذات
بس انته العدل كلمن يضدك مات
علي غيرك ابد ما بايعت هيهات
    ما مد الغيرك چفيني

بهذا اليوم  كملت  ياعلي الاديان
عيد الله  الچبير  وفرحة  الايمان
اليگصدك ياعلي لا ما يرد خجلان
     من عندك ياخذ عيديته

اگبال الناس شال اچفوفك المختار
عمدن يدري چان ابهل حضور اشرار
قسيم  الجنه  گلهم  حيدره  والنار
        ظل الثاني ايفر بعيونه

الغيرك  ما تلوگ  الرايه  والنخوه
اخذ هيچي شخص ويه النبي خوه
الله  النصبك  چا  هيه  مو  گوه
      والما يقبل يلطم روحه

الشاعر اياد الديراوي