​​​ - صُــور لـ بــروفــايـلـك 📸🤍.

مهما ينقالكً من كلام متصدقش غير لي تشوفه يصير عشانك ماهي مش بالكلام السمح ماكل لي وجعوك وقهروك كان كلامهم سمح صدق الأفعال والتصرفات صدق تصبيتهم معاك وقت الضيقه وقت تبي حد يلاك المواقف تفضح تبيلك حقيقه القلوب وللي شايله منك وزي ماتبيلك المحبه توريك سواد النوايا .

لي يزعلك ويدير روحه مش فاطن انت برضو مش لازم تعطيه اعتبار وتفكر تعاتبه لانه ميستحقش أعتابك ولايستاهل يقعد ف حياتك من الأساس هضا نوع من الناس يحب يستنصح ويحساب الأمور مرات تصلح من غير مايشغل تفكيره ف تصليحها وهضا ف حد ذاته قلة تقدير متقلش ع "التجاهل والوساخه "وانت نفسك عزيزه عليك ميصيرش منها ترخصها ودور ع حاجه ميستحقش الوجود أصلا ً وف نوع لي تلقاه يبيك وهكي بس طبعه شين وعنيد وانت عقلك حيقولك التجاهل معاه حيجيب نتيجه ويغيره بس لا مستحيل ديما الكلام وتفاهم قبل التجاهل لان التجاهل معناها نهايه كل حاجه .

نظني هذي من أسوء حالات الحزن ًبعد تجبرك الحياه انك تأسف من نفسك وتشفق عليها واجد من كمية الخسائر لي صارن معاك سوا من الناس ولا حاجات اخره واجد تقعد تبي تحكيً مع روحك وتعتذرلهاً ع سوء اختيارتك وتجاربك الفاشله وايامك لي عدن ف الهوى هكي وخلاص بلا فايده وهضا أسوء ما قد يمر بيه الواحد " ان تزعل من نفسك ع نفسك "
الحمدلله ع كل حال ..

مشكلتي إني نفكر ونتعمق من كل التفاصيل "وهذي اكثر حاجه شينه وتعبك مع الوقت وبصراحه اكثر حاجه نتمناها إني معش ندور أي شي ومعش ندقق ف اتفه الحاجات التفاصيل لصغيره الي محد مدورها اساساً مرات تخليني نفكر ليل كله كلمة شخص قالها ليا وقت متعصب نبرة صوت تغيرت عليا بحت فيا نظره معجبتنش يرد عليا كانه مش مدور كلامي حاجات صغيره هذي تخرب عليا يومي عادي جدا موقف عادي كان يمكن يتهلب بلا مايشغلني بس تركيزي ف تفاصيل هذينه نوقف عندها ونزعل وياما يصير ف مقوله تقول " ستدرك انه نصف حزنك لم يكن إلا بفعل تحليلك العميق وتأملك الدقيق بينما الأمر لم يكن يتطلب إلا ان تتخطاه بدون تفكير "

زيادة الضغط عليك بيخليك تفقد الشغف والشعور ويوصلك للحاله من من لخبطه وهيّا لي بتخليك تايه وتحس ديما انك مش عارف ولا فاهم أي حاجه متخليكش حتى تساعد روحك .

جديات ففرق بين انك تقعد راضي وبين انك تقعد حزين مرات يقعد الواحد راضي بقضاء ربنا ومسلم امره لله ومؤمن بكل انه ربي كاتبله خير بس تلقاه تعبان وحزين ومجهد من كثر الخبطات والصدمات لي حصلهن وحتى هوا يبكي يقول يارب هضا مش معناه انه مش راضي ' ف السنه لي توفت فيها سيده خديجه رسول سماها "عام الحزن "عشان حزنه الشديد الحزن ملش علاقه برضا ولا بدرجه إيمان مرات نقعد حزين وراضي عادي ..!

نضني الحاجه لي توضحلك بين الشخص لي يعزك وشخص لي داير روحه يعزك هيا "الاستعجال ف الصلح "شخص لي داير روحه يبيك يطول ف الحبال ويقعد وقت عشان يصالحك تلقاه عايش حياته عادي وانتو متخالفين يومه يمشي طبيعي وانتو شايلين من بعضكم ويلي يبيك ويعزك صح يخلقلك فرص عشان يصالحك ولا يجيك يفتح مووضع من جديد عشان يصالحك تبي تعرف غلاوتك عند حد شوف ف عرايكم تعامل كيف .

مفش أبشع من أحساس أنك تقعد مقدم كل شي لي قدامك ولي وراك وبرضوو مفش فايده تحس انك تاايه ونفسيه زيرو تسأل روحك بعدها شن لي مزال مادرتش هل لي درته كله غلط هل نستاهل كل هضا ولا الغلط فيا صعبه والله .

اللهم اقض حاجتي وفك كربتي واًنس
وحدتي وفرج همي انا ومن دلني على
استغفارك فستغفروه .